من ابداعات شعراء وشاعرات الرائدية ( الصور تتكلم )

[أبو فيصل]

من خصايص عنود الصيد كثر الطواري ....... وعادة الظبي يجفل لاتـحرك ظلاله

مايصيد الجوازي كـود بخصٍ وضاري ........ القنص بالركـاده والتسرع جهاله

ولايعرف الطرد من لايعرف الصحاري ........ ماتعرّض سـموم ولاتعرض شـماله

[أبو فيصل]

ياماحـــلا والنار يضـــوي لهبها ,, في فيضــة فيها الحيا مابعد شــيف
في خــــــيمة منصوبة في خببها ,, ودلال صـــفر ماشريته من الســيف

في مجلس فيه النشامى وأدبها ,, قصـــــــــيد ينقونه ولاهوب تصفــيف
وســـوالف رجال معادن ذهبها ,, مع قهوة تطرب هل الراس والكــيف

وذبيــــحة للضــيف لاجـــا ســـــحبها ,, ماحسب حسابه ولابه تحاسيف
هذا عـــــلاج النفس ســــاعة عطـبها ,, مابي المدينة بين عادم وتكييف

[أبو فيصل]

نفس مؤمن يرجي احسان السلام ... وربنا ماخيب اللـي يزهمه

احفظ الله فـــي صلاتك والقيام ... ولا يأثر فيك داعي المشهمة

السيـادة تُكتسـب بالإحترام ... شي واضح للعيان ونفهمه

[شمس الرائدية]

أمطرت..
و أمطر الحـزن بغيآبك

[أبو فيصل]

يازين المشي في الروض الخضر لا شعشع المخضار
يازين الديرة اللي من حقوق الوسم ممطورة

يريح البال سجٍ في الفياض الخضر والمسيار
سعادة للقلوب اللي من السلوان مسرورة

[شمس الرائدية]

.. أحسّ بِـ داخلِي ، أشياءْ ,..

- صَعبْ -

أني أتَرجمها `..~

[أبو فيصل]

وش حيلة العطشان والكاس مكسور *** ووش شينة الرويان والماء معدوم

[مشعل الشراري]

http://ethanchellan.files.wordpress..../valentine.jpg

ذيك بنت ٍمن غلاهـا عاملـه فينـي حصـار
وين ما وجهت نبضـي لجلهـا قلبـي سلـك
ذيك بنت ٍتزرع البسمات فـي كـل الديـار
تغفـل بطيبـة نواياهـا .. ولا تستغفـلـك
ذيك يوم إنك تركتينـي علـى شبـه انهيـار
جتني وطرت بهواهـا للسمـا وابعـد فلـك

[شمس الرائدية]

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

ياشَرفه الغيَاب.. كَم غَايبٍ جآي..؟
وكَم غَايبٍ .. بيَظلّ " ذكـَرى حَزيّنـَه" ..؟

[/ALIGN][/CELL][/TABLE1][/ALIGN]

[أبو فيصل]

أوراق وردة جوريه تلملم نفسها
لتشعر بدفء ذلك القلب البعيد

وقطرات الندى تلك التي تلامسها
قد عشقت ذالك السكون الفريد !!