إآكتب إآسم شإآعر وإآللي بعدك يجيب له قصيده

[سـَمآ ♪]

اقتباس المشاركة الأصلية كتبت بواسطة أمواااج طلبي للشاعرة عاااابرة سبيل . .

الوصيه


تـرى الذبايـح وأهلهـا ماتسّلينـي
أنا أدري إن المرض لا يمكن علاجه
أدري تبي راحتي لا يابعـد عينـي
حرام ما قصّرت يديك فـي حاجـه
أخـذ وصاتـي وأمانـه لاتبّكينـي
لو كان لك خاطرٍ ما ودي أزعاجـه
أبيك في يديـك تشهدنـي وتسقينـي
أمانتك لا يجـي جسمـي بثلاجـه
لف الكفن في يديك وضف رجلينـي
ما غيرك أحدٍ كشف حسناه واحراجه
أبيك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى ما بينك وبيني
أيام نمشـي عـدل وأيـام منعاجـه
همي عيالي وأنا اللي فـيْ كافينـي
علمهـم الديـن تفسيـره ومنهاجـه

[سـَمآ ♪]

طلبي..لشاعر...


حامد زيد

[~ ليل !]

اقتباس المشاركة الأصلية كتبت بواسطة شذى الايام طلبي..لشاعر... حامد زيد

آلمبـــــآـآني ..<< آحب القصــآيد ..~

جابك الله من غياب ٍ ضيّق صدور المباني
قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني
ماتحمل ينتظر شهرين وعيونك بعيده

الله العالم لو إنك جيت متأخر ثواني
ماتشوف إلا بقايا من حصاه ومن حديده

من عرفتك وأنت تايه من مواني لي مواني
وتارك ٍ قلبي مولّع من وقيده في وقيده

ضاعت سنيني أحد بهاليالي وتحداني
وأنت ماتشبع غياب ولاتخاف من النقيده

ودي أتحمد لك الله بالسلامه , مامداني
كل ماتوصل برحله ترجع برحله جديده

دام تدري كل وجه ٍ غير وجه الله فاني
ياخي أكسبلك ثواب وخاف ربك في عبيده

كان فيني عيب قلي:فيني العيب الفلاني
كان هرجي مزعلك في شي قلي:لاتعيده

عيب تصغر في عيوني وأنت برقاب الغواني
كيف تستسهل طعوني وأنت خابرني وليده ؟

لعنبوك أن مت بيدك من يفكك من أخواني ؟
لحزنوا ربعي على فرقاي شاللي تستفيده ؟

أنت منت اللي عشقته أنت أكيد انسان ثاني
ليه صرت بهالبرود وبهالاحاسيس البليده ؟

وين حبك للزعل .وين العناد الأولاني ؟
وين حنّية زمان وفرحة العمر الرغيده ؟

وين ذاك اللي اليا أقبل مايبات إلا بمأني ؟
وين راح اللي اليا أقفى مايروح ألا فقيده ؟

واحد ٍ من جابه الله بس يامر ويعصاني
الوحيد اللي أخافه غصب وأمشي معه سيده

(مابغيت أطيح بيده) لين ماربي بلاني
ولا أنا لو هي بكيفي (مابغيت أطيح بيده)

ذاك بس اللي يامن جيته يلخبط كياني
اللي بنظره ينشف دم قلبي في وريده

قبل أشوفه أجمع اله أحلى القصايد والمعاني
وأن لقيته ماعرفت أقول لي جمله مفيده

الف مره قبله أعد القصيده من لساني
ولعنبوه أن جيت عنده قمت أخربط بالقصيده

أمدحه وأنا أدري أنه لو تباطاني نساني
أنطحه وانا أعرفه مجنون وأفكاره عنيده

من يسوي بي سواتك يالرهيف الاسمراني ؟
منهو من الناس غيرك غلطته ترفع رصيده ؟

من يقص(جناح طيرك)وأنت أعز أنسان جاني ؟
ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبي وواسع بطاني
ولا أنا لاجيت أكيد انسان عزالله بكيده

أقدر أنزع لك ثيابي وألبس ثياب الأناني
وأقدر أطلع من عذابي والعب بدورك وأجيده

ومستعد أكسب رهاني لو بغيت أكسب رهاني
وأخدعك بحساس كاذب وأتحدى من يصيده

أبك أنا لي شفت خلّي حط غيري في مكاني
والله إني لتركه وأن صد لعشق سيد سيده

جيت مابيك تحقرني جيت أبيك تعز شاني
جيت أبي فزعة ظلوعك من مشاعرك البليده

خلني داخل (حدودك) وأجبر بخاطر زماني
أكذب بباقي (وعودك) وأصدق بلحظه سعيده

أنتشلني من (برودك) لو تولّع بالمحاني
عطني أحساس (بوجودك) وأخذ كل اللي تريد

تكفى واليا قلت :تكفى بيع خلق الله عشاني
لاتضيّع من يديني فرصة العمر الوحيده

يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني
وأنت تدري كيف كانت صدمت غيابك شديده

والله أنك لو وصلت البيت متأخر ثواني
مالقيت إلا بقايا من حصاه ومن حديده

[سارة الحلوه]

شـكــ وبارك الله فيك ـــرا لك ... لك مني أجمل تحية .

[كورن فلكس]

سارة الحلوة


وين أسم الشاعر

[كورن فلكس]

بختار اسم شاعر


فيصل اللويش

[םـבـםـנ]

كلنا الخفجي ولاعنك يالخفجي صـدود
قطعـة منـا وفينـا وعـدت مجمـلا
قالها الشاعر خلف يوم ردينا الحـدود
يوم صيت المملكة بين الاوطان اعتـلا
ردها فهد المسمى الفهد ابن السعـود
صيرمي كـل هـم يمـر أبـه انجـلا
يوم وقف وقفة ترتعب منهـا لأسـود
فارس يدحم بفعله طوابيـر الحشـود
يوم صاح ارتجت الارض والجود امتلا
كل ماعجعج وغاها على الشده يـزود
فـارس بالمعمـه مايمـل ولاكــلا
حوله اخوان تبـرم طحاطيـح فهـود
كن واحدهم ليا ثـار مـوت مرسـلا
لامشو كن البحر حول بطـود وطـود
عيال عـود كـل ماثـارت الهيـه دلا
معزي اللي يورد الموت واحواضه ورد
سبع لامنه صرخ هابت سبـاع الخـلا
سولف التاريخ عنه وللموقف شهـود
يوم كسر كل بدعـه وللظلمـه جـلا
من وراه جبال ورجال وافين العهـود
بالشدايد هم اهل حرب وللنصر قتـلا
كبارنا وصغارنا ان ثارت الشده جنود
ماترد اقدمنا النار لـو جمـره صـلا
عز شعب كل ماثارت العجـه يجـود
كل دم لانتخى القايـد الاعلـى غـلا
ارتكينا وارتقى القايد الاعلـى سنـود
واعتلينا يوم ابو فيصل بصيتـه عـلا
مملكتنا دونها نبيـع الارواح ونـذود
عن حماها وماعداها له الخاطر سـلا
ردت الخفجي وغنى لها رمل النفـود
والرياض اتهندمت والعيـون تكحـلا
عل قبر ضم ابو فيصل بهاك اللحـود
بظـل غيـم صيـب وافـي ومحمـلا
يبل قاعه كل ساع وتفيض ابه الخدود
فوق قبره خشوم مزن تهـل وتهطـلا
بظل عبـدالله ذرانـا تقدمنـا يـزود
المليك اللي يكن له المواطن له غـلا
جاعل بند المواطن على كـل البنـود
من جهوده أثمر الخير والضيق إنجـلا
بيعة الملك بارقبنا للملك وعد وعهود
سمع وطاعه من الخفجي وعهـد وولا
ياسعودي سير دربك ودربك للصعـود
وافتخر حد التفاخر علـى كـل المـلا
يابلاد الخير سيري على نهج الجـدود
منهج التوحيد شرع الكتـاب المنـزلا

طلبي للشاعر.,,

ناصر الفراعنه

[كورن فلكس]

أســـود الـشــرى مــــن كـعـبِـهـا وكـلابِـهــا***مـلـوكٌ لـهـم فــي السامـقـاتِ عـــروشُ
فـصـعْـصـعَــةٌ جـــــــدي إذ الأبُ عـــامــــرٌ***أمــــوتُ ومــجــدُ الـعـامــريَ يـعــيــــــــــشُ
ورِثـــــتُ عـظـيـمــات الــمــكــارمٍ مــنــهُــمُ***ولـــي مـنـتـهـى الــقــولات حــيــنَ تــبــوشُ
عـلـى الــراحِ مـنـي ملتـقـى النُـبْـلِ والـنــدى***ولـــي فــــي عــلاهــا مــفــرشٌ وبــــروشُ
أنــــوشُ مــــن الــطــولاتِ كُــــلّ قـصــيّــةٍ***أنــــــوشُ ومــثــلــيْ لــلــطــوَالِ يـــنــــوشُ
وإنــــــــي إذا مالله يــــومـــــاً أحـــاطـــنـــي***بفـضـلٍ لـــذي الـحَــوْجِ الـســؤولِ هـشـيـشُ
نَـــــدِيٌّ ولـــــم يــنـــدَ الــثـــريّ إذالـــثـــرى***مِـــن الـضُــرِّ مـصـفــرُّ الـنـبــاتِ جـمـيــشُ

[كورن فلكس]

طلبي قصيدة لشاعر /

نواف بن فيصل

[~أصداف~]

[align=center]

□▫



يسألوني ليه أحبك حبِ ماحبه بشر
وليه انتي في حياتي شمسها وانتي القمر
وليه صوتك لي وصل صحراي يملاه الزهر
علميهم يالحبيبه ااااه يااغلى حبيبه

يسألوني ليتهم مثلي يعيشون الهوى
الاصابع في اليدين الواحده ماهي سوى
عندهم حبك طبيعي وعند فوق المستوى
فهميهم يالحبيبه ااااه يااغلى حبيبه

يسألوني وفي شفاي يرتعش حر الجواب
مادروا انتي بحياتي راحتي وانتي العذاب
وانتي حلم اللي عشقته وطار بي فوق السحاب
خبريهم يالحبيبه اااه والله حبيبه

يسألوني وانتي اكبر من سوالفهم جميع
وانتي اجمل ماخلق ربي ابهالكون الوسيع
واني اتلاشى بدون اعيونك الخجلااا اضيع اضيع
اعذريهم يالحبيبه آآآآه ياغلى حبيبه

علميني ليه احبك حب ماحبه بشر
وليه انتي في حياتي شمسها وانتي القمر
وليه صوتك لي وصل صحراي يملاه الزهر
اعذريني يالحبيبه أأأأه والله حبيبه..≈



▫□
[/align]