رواية انت تدري اذا البنت عشقت وش ممكن يصير !

[دانة الكون]

اشــــــــــواق & يـــــــــــزن

تكلمت برعب وهي تبعد عنو وتلم نفسها ودموعها نزلت لا اراديا: انت أيـــــش سويت ؟!!؟

عدل جلسته وسكر ازارير ثوبه ومسكها من كتوفها: عادي حبيبتي ... احنا ماسوينا شئ غلط ؟!

اشواق ودموعها تنزل: حــــــرام عليك ليش خليتني اوصل لهالمرحله احنا لسه مملكين ...بس ؟!

ضمها يزن بحنان عارف انهم فقدو السيطره بلحظة ضعف بس ماكانت نيتو ابدا يصير هالشئ بهذا الوقت : انا اسف حبيبتي تدرين اني احبك وماحسيت على نفسي .. وانتي كمان كنتي مثلي ..؟

اشواق غطت وجهها بيدها شعور مزيج بين الخجل والخوف والندم ...

قدر يزن وضعهاا وشد من ضمته لها وهو يهمس بحنان : عادي خذي الموضوع ياقلب يزن ...اصلا كلها فتره وتجين بيتي احنا ماغلطنا بشئ احنا متزوجين على سنه الله ورسوله...

اشواق همست : الزواج اشهار ...احنا تسرعنا

يزن باس انفها: وانتي زوجتي وحبيبتي وحياتي وهالشئ الي صار وتسرعنا من قوه حبنا وهذا قربني منك اكثر صرتي جزء مني تنتمين لي ..

نزلت راسها بحيا مو قادره تطالعه بس هو رفع راسها وباس جبينها :ارفعي راسك دائما فوق انتي ست البنات ....... انا مو حقير.. خليك واثقه فيني مثل ماانا واثق فيك ..احبــــك

ارتمت بحضنه حست بنبره صوته بالامان واحساس بالثقه: وانا واثقه فيك و احبـــــــك ...
















************************************************** *************************************
Яąṁά●̮̮̃•̃ả๔ĐĽǿǿ3ά <<
************************************************** *************************************



















الغــــــــزال ..

هربت مسرعه وهي مرعووبه من الي صار بلحظات كان احمد راح يتهور حست بهذا الشئ من نظرات عيونه الي مثبته عليها ..
عارفه انها هي السبب ... هي الي استفزته
وقبل هذا الغلط راكبها من ساسها لراسها
اصرارها على الطلاق ازداد اكثر واكثر....
وقفت ليموزين وطلعت متوجهه لبيتهم وهي تطالع وراها خايفه يكون لاحقها مسبب لها رعب حقيقي ..مالها طاقه تقابل اهلها بعد الي صار
لانو اكيد راح يلاحظو انها مو على بعضها وبيسألوها ....
وصلت البيت طلعت غرفتها بسرعه ودخلت قفلت الباب عليها ...بدلت ملابسها ولبست لها بيجامه مسحت الميك اب الي على وجهها وتمددت ترتاح على سريرها ....
تذكرت انها ماقالت لاهلها انا راجعه البيت ... اتصلت على ابوها ...

غزل: الووووو

ابو عبدالله: هلا غزل وينك يابنتي؟ تأخرتو خالتك وبنتها فالمستشفى ويسألو عنك يالله عجلي ...

غزل: بابا انا رجعت البيت احمد جابني كنت تعبانه شوي

ابو عبدالله: خير يابنتي اشبك ترى قلقتيني

غزل: مافي حاجه بابا بس صداع وارهاق سلملي على خالتي ورنيم وماما والموجودين انا حنام لا تخاف ان مارديت على الجوال

ابو عبدالله: سلامتك يابنتي تدفي شكلو دخلك برد واخوكي راح يرجع فاليل انا راح ارافق مع امك

رنيم: تيب يالله باي

ابو عبدالله: مع السلامه

قفلت من ابوها وهي داايخه وصوره احمد ماتفارق مخيلتها حست انها ودها تبكي وتفضفض راح تنفجر لو سكتت اكثر رسلت رساله لـ رنيم
"رنيم انا محتاجتك تعالي بيتنا ضروري الله يخليك والله حموت انا تعبانه لازم تعرفين شئ "

حطت جوالها جنبها وغمضت عينها تحاول تنام .....................

[دانة الكون]

ايطـــــــــاليــــــــــا
بالمستشــــــــفى

الكل في حالة توتر وخوف والاعصاب مشدوده ..
اسما فالغرفه محاطه بالطاقم الطبي الي يفحصها ولها اكثر من ساعه ونصف الكل كان خايف يكون فيها شئ ..
هديل منهاره ماسكه بنتها والتعب باين بقسمات وجهها خايفه على اختها لانها شافتها اول ماطاحت..
كلمت امها الي جات مسرعه للمستشفى بس باقي سعود زوجها ..
كانو متجمعين بس التوتر والارتباك يعم المكان ..

وصل سعود وكان يركض وموقادرياخذ انفاسه ..باين على وجهه الرعب حس انو فيها شئ الي تمر فيه بااخر الايام مو طبيعي بس اجل روحتها للمستشفى بسبب معارضتها ....

سعود: أيـ ـش صــار ؟؟

هديل: ماندري عن شئ لسه ماخرج الدكتور من عندها ...

سعود: يارب استر يارب

ام هديل مسكته تهديه كان باين عليه انو تعبان وماسك صدره بقوه خايف يصير فيها شئ ..

ام هديل: اهدئ ياولدي ان شاء الله مافيها شئ

سعود: ااااااااه قلبي ناغزني ياعمتي مو مرتاح والله ...

ام هديل: تفاول بالخير حتى انا حاستها مو على بعضها بس نقول يارب مابيصير شئ شين ان شاء الله الله يقومها بالسلامه

سعود: امين يارب...

بشاير واقفه وباين على وجهها التعب جنبها ام اياد ..حاولت تخليها ترجع البيت او تاكل لها شئ لانها ضعفانه بس مارضيت ..
ايلان بدت تبكي بصوت عالي وازعجت كل الي بالانتظار امها شالتها وخرجت تمشي تسكتها ...

كان طلال ونواف على وصول دخلو الاثنين واتصل طلال على هديل ماحس الا بيد على كتفه التفتت شافها واقفه قدامه معها بنته ..
لاشعوريا ضمها وهوا يشوف وجهها يحمل علامات الهم والخوف والقلق كان بيحسسها انو معاها وحاسس فيها ...
ضحكت ايلان لما شافت ابوها كاانها كانت مشتاقه له والي كان ضامم الام والبنت بوقت واحد..

نواف لف مستحي وهو ماسك عزوز لحد ماسمع صوت طلال يكلمه : نواف شوف ليونه ...

التفت وشاف هديل واقفه متحجبه بس وجهها مفتوح وبيدها طفله مبتسمه كانت نسخه مطابقه تماما لعبد العزيز بس بحلق وفستان وماسكه شعرها بشباصه صغيره خخخخ

هديل حاسه بخجل خفيف منو: هلا نواف

نواف منزل نظره باادب: هلا باام عبد العزيز كيفك وكيف العيال ...

هديل باابتسامه هادئه تحس نواف كاانو ولدها او اخوها مو اخو زوجها مع انو مو صغير مره بس لانها تتذكره وهم صغار : بخير الحمدلله انت كيفك وكيف الوالده والبنات والكل ..ان شاء الله بخير ..

نواف: بخير الحمدلله ناقص بس وجودكم

هديل: تسلم يابو محمد؟

طلال مد ايلان لنواف الي شالها وهو يسمي بالله ويتعجب عليها ...

التفتت طلال لزوجته: وش صار على اسما؟؟ ماطمنوكم ؟

هديل تنهدت بتعب:اااه ماقالو شئ خرجت قبل شوي من عندهم لان بنتي صاحت بس سعود شكله تعبان مره ...

طلال: يالله نروح لهم الله يعيين ومايكون فيها شئ خطير

توجهو جميعا للجناح الي فيه اسما تعرفو على نواف وهم باانتظار خبر عن اسما يطمنهم ويريح بالهم ................

بعد ربع ساعه مرت خرج الطبيب ونزع الكمامه الي على وجهه وباين عليه الارهااق ..
تجمعو عليه كلهم ونظراتهم تبحث عن خبر جيد بس ملامح وجه الطبيب ماتبشر بخير ابدا ..

سعود بلغه جيده: دكتور اخبرني مابها زوجتي ...؟ هل هي بخير؟

الطبيب : ااه تعال معي الى مكتبي هناك ساخبرك عن حالتها بالتفصيل

سعود مارتاح لكلامه بس وافقه على الي يقوله .. توجه مع الطبيب لغرفته وهو يسمع توصيات الكل انو يطمنهم اول مايعرف ايش حالتها.....

جلس وهو بحاله توتر وخوف وهو يشوف الطبيب يخلع معطفه ويجلس على مكتبه ..لبس نظارته وكانت بيده مجموعه اوراق ...

بلع ريقه لما بدا الطبيب يطالعه ....

الطبيب: ااه سيد سعود لا اعلم ماذا اقول..لكن جيد انكم لم تصبرو اكثر لان حالتها كانت ستسوء لو لم تأتو بها

سعود بااعصاب نافذه: مابيها اخبرني مالذي تشكو منه ..

الطبيب: زوجتك حامل ..

سعود بعدم تصديق الخبر جاه مفاجأه ابتسم وهو مو مصدق: احقــــــــا .. اهي حامل !! كم شهر لها ؟

الطبيب: نعم حامل امم تقريبا لها ثلاثه اشهر الم تلاحظ عليها فالفتره الاخيره اعراض الحمل ..

سعود: بلا لقد كانت تطلب انواع غريبه من الطعام وتعادني من دوار وغثيان وصداع ايضا ..

الطبيب: نعم هذه اعراض الحمل ..

سعود بحذر: ماالمشكله اذن ؟؟ لماذا تدهورت حالتها الصحيه لهذه الدرجه الذي اعلمه ان الحمل يسبب تغيرات لكن ليش لهذه الدرجه ...!!

الطبيب : وهنا تكمن المشكله ..

سعود: لماذا ؟ مالمشكله ؟

الطبيب: زوجتك لديها مشكله ان جسمها لا يتحمل انجاب طفل في هذه الفتره هذا والموضوع الاهم انها تعاني من ارتفاع فالضغط الدم مما يسبب خطر حدوث تسمم الحمل بالشهور المقبله

سعود حس بدوار وهو يسمع كلام الدكتور مو فاهم شئ بس حاسس ان السالفه خطيره : دكتور ممكن توضح اكثر

الدكتور: هذا المرض يحدث ومن سوء الحظ زوجتك معرضه له الضغط مرتفع عندها بشكل كبير قد يكون بسبب الاكتئاب او النفسيه المتدهوره والضغوط النفسيه وهذا خطير عليها وعلى الجنين ان استمر ذلك وتجاوزت الاسبوع العشرين من الحمل ولازالت تعاني من ذلك ستزداد الامور سوءا وقد تصل لمرحله قد نضطر الى التضحيه بالجنين ..تفضل هذه بعض المعلومات قد تفيدك

اخذ سعود الورقه وهو يقرأ ...حط يده على راسه وهو يحس الرؤيه بدت تنعدم ..حس بيد الدكتور تمتد له ..

الطبيب: سيدي لا تخف لم يحدث شئ بعد من هذا اذا ساعدتنا سوف نتلافى حدوث كل هذا لكن يجب ان تساعدنا

سعود: طيب انا ايش اقدر اسوي.. مستعد اوديها احسن مستشفى واجيب لها بدال الممرضه ممرضتين ..

الطبيب ابتسم: لن تحتاج الى هذا كل ماعليك فعله هوا مراعاه الحفاظ على صحتها وغذائها وان تتناول ادويتها وان تبدا باالمراجعه مع اختصاصيه النساء والتوليد وتحضر جدول مراجعاتها للتأكد من سلامتها وضغط الدم عندها والفحوصات ولا تنسى ان كون معها خطوه بخطوه لان ذلك مهم جدا والاهم من كل هذا نفسيته المريضه ..يجب ان لاتتأثر او تضطرب او تغضب لان ذلك سوف يؤثر سلبيا عليها وعلى الجنين ...

سعود بعد مااستوعب حس براحه نسبيه مع بعض القلق والاحساس بالمسؤليه : لا تخف دكتور سوف اوفر لها كل هذا ..

الطبيب بدا يكتب : جيد هذه بعض الادويه يجب ان تتناولها في هذه الفتره يمكن ان تخرج غدا من المشفى وان تبدا جدول مراجعتها مع طبيب النساء والولاده للمتابعه ...

سعود: هل يمكن ان ازورها الان ..

الطبيب: يمكنك لكن افضل ان تدعها الان ترتاح فهي حتى لا تعلم انها حامل دعها ترتاح بضع ساعات ثم اذهب ...

سعود وقف وسلم على الدكتور: حسننا شكرا لك دكتور سأكون حريصا جدا

الطبيب: جيد بالتوفيق ..

خرج سعود وهم كبير انزاح عنه وفرحه انو في طفل في احشائ اسما جزء منه منها ثمرة حبهم بدا بالنبض بداخلها ... راح يسوي المستحيل بس مايصير شئ يخرب عليهم فرحتهم ....

شاف ام هديل وهديل وزوجها وبشاير والكل متجمعين ماخبرهم انها حامل كان يبغاها اول من يعرف بعدها يخبرون الكل.. بس قال لهم انها بخير مجرد ارتفاع بضغط الدم ولازم ماتتأثر نفسيتها ابدا وماتزعل من شئ ..حست بشاير بالذنب وانها هي تسببت بالي صار لاسما استأذنت تروح تزور شخص اشتاقت تشوفه كان اخر شئ قالت لها اسما " اياد محتاجك لا تتركيه " حبت تسوي اخر رغبه قالتها لها اسما وهي مقهوره من نفسها انها عاندت وماالقت لكلامها بال وتسببت بزعلها ....................

[دانة الكون]

معلومات عن المرض "الله يكفينا شره ....


**ضغط الدم .. خطورة على حياة الجنين وعلى حياة الام**



بشكل عام يشكل ضغط الدم خلال فترة الحمل خطورة على حياة الجنين وعلى حياة الام ، علما انه اذا تم التحكم في هذا الضغط ، يستمر العلاج الوقائي الى ان يكتمل الجنين نموه ، اما اذا ساءت الحالة فيلجا الطبيب الى انهاء الحمل عند ارتفاع ضغط الدم خلال الحمل ، وهذا التسمم تزداد نسبته عند البكريات متاخرات بالزواج اي بعد سن 35 عاما او البكريات صغيرات
العمر اي قبل ال - 18 عاما ، ونادر عند ماتتجاوز المراه هذا العمر
وهذا غالبا ما يلجأ الطبيب للجراحة ( العمليات القيصرية ) لانقاض الام وطفلها ، فأن تسمم الحمل
يعتبر ثاني اهم الاسباب الهامة لوفاة الامهات بعد النزيف ، ولذا يجدر بالحامل المصابة بهذه الحالة المتابعة المستمرة مع الطبيب ، لتجنب حدوث مضاعفات ، قد تضر بحياتها او بحياة جنينها ، تصيب هذه الحالة 5% من الحوامل ، وتتميز بارتفاع ضغط الدم مع وجود زلال في البول واحتباس للسوائل وخاصة بالقدمين ، وغالبا ما تاتي الاصابة بعد الاسبوع العشرين من الحمل ،
باستثناء بعض الحالات المتمثلة في الحمل العنقودي او الحمل المتكرر ، وتحدث الاصابة من خلال الانقباض في الاوعية الدموية ، احتباس السوائل خارج الاوعية الدموية ، تجلط الدم او النزيف ، تحلل وتفسخ ، موت الاجزاء من الانسجة ، فشل متعدد للاعضاء بالمقابل ، ان المضاعفات الشديدة المتوقعة هي : حدوث تسمم الحمل ونزيف في الدماغ او انفصال في الشبكية او قصور في القلب او في وظائفه او التهاب في الشعب الهوائية او فشل في الكلى ، وهناك احتمالية لحدوث نزيف بالرحم وموت المشيمة مما قد يؤدي الى تأخر نمو الجنين او وفاته ، علما ان المراة الحامل المصابة بضغط الدم المرتفع غالبا ما تلد مبكرا ، وغالبا لا تلاحظ الحامل اعراضا واضحة للاصابة في مراحلها الاولي ، اذ تشعر بصداع في منطقة
الجبهة او الجبين ، ونادرا في مؤخرة الراس ، وايضا بتشويش في الرؤية او انعدام الرؤية ، شعور بالغثيان ورغبة ملحة بالتقيئ، الم براس المعدة وخاصة تحت الحجاب الحاجز وغالبا ما تلاحظ قلة بالتبول وقد تفاجأ بنزيف مهبلي ، اما العارض الشائع والذي تجد المراة فيه توجيها وملاحظة ممن حولها هو انتفاخ واحتباس السوائل في الاطراف والقدمين او بالوجه احيانا .

ان العلاج الوقائي خلال فترة الحمل وذلك قبل الاسبوع ال - 37من الحمل بهدف الاطمئنان على نمو الطفل وتصحيح ضغط الدم كما قد يلزم الطبيب الام بالاقامة في المستشفى اذا تجاوز عمر حملها 36 اسبوعا ، وخلال المتابعة يقوم الطبيب بقياس ضغط الدم كل 8 ساعات ، كما يتم الكشف عن وجود الاعراض التي ذكرت واجراء التحاليل المناسبة وذلك بقياس وزن الام كل يومين وحديثا ومن بين الاجراءات الطبية البحث والكشف عن وجود زيادة ردات الفعل العصبية والعضلية ومتابعة حركة الجنين اليومية من خلال جهاز السونار مع مرعاة التقليل من تناول الاملاح والبروتين بالطعام ، ومراعاة ابقاء هذه الحامل بحالة نفسية صحيه جيده..

[دانة الكون]

رغـــــــــــــــد

رجعت شقتها اول ماوصلت طلعت مفتاحها وفتحت الباب لقت افنان بوجهها جالسه على الكنبه تنتظرها اول مادخلت ركضت ضمتها وجلست تبكي مو مصدقه انها اخيرا رجعت ومافيها شئ...

افنان: خوفتيني عليك

رغد: لاا تخافين انا بخير الحمدلله عدت على خير ...

افنان شهقت وهي تشوف اثر الدم على الثوب: ايش ذا ؟؟؟؟؟؟؟؟؟

رغد: لا تخافين هذا اثر الدم لما انصاب فارس ...

افنان : ووو شكلو نزف كثير ان شاء الله بس ماصار له شئ احكيلي كل شئ صار معاك من لما خرجتي ...

رغد : طيب انا راح احكيلك كل شئ بس ايش صار على سفرتكم ؟؟ جد بعد يومين حجز فهد ..؟

افنان تنهدت بضيق: والله هو قال لي بعد يومين... حسيته يبغى يرتاح ويبعد هالفتره حتى انا جهزت الشنط من الحين ... بس انا طلبت منو قبل لا اجيك انو يأجلها شوي لاني خفت عليك وماابغى اروح وانا قلقانه وهو ماعارض بس قال مانطول خلال هالشهر لازم نروح ...

رغد بجديه: ياحبيبتي يافنو خلاص اذا حابه روحي ولا تأخرين نفسك لا تهتمين لي اقدر ادبر نفسي...

افنان بزعل:رغد ايش هالكلام تبيني ازعل منك ....اول شئ مو بس عشانك ابغى اجلس في شئ بنفسي يقولي خليك .....حلم ......يجيني ويقولي خليك لا تروحين...."سرحت بخيالها" : يمكن عشان تعودت على العيشه هنا حاسه اني حتغرب ان سافرت ....!

رغد ركزت عينها بعين افنان: تتغربين فتره بس تتعودين.....! لا تحسبيني مو فاهمتك ياافنان هنا مافي ذكريات تسعدك.... لا تحاولين تبيني انك مبسوطه انا عارفه تفكيرك ....

افنان بالم وعينها بدت تتلئئ بالدموع: حتى لو مابقي لي شئ يسعدني بس مجرد وجودي هنا احس انو ريحتهم جنبي اني موجوده بنفس مكان وجودهم احس فيهم ...

رغد ضمتها ودمعتها نزلت على خدها: اااه محد بدنياه مرتاح كلنا مهمومين وتعبانين ااه يادنيا الله يعيينا عليك ...

افنان مسحت وجهها بسرعه ورسمت ابتسامه بسيطه : سيبيك مني واحكيلي ايش صار معاك ....

رغد عدلت جلستها وبدت تتكلم :اول ماخرجت من عندك رحنا انا وفارس وووووووووووووو.................................... .................................................. .................................................. .................................................. .................................................. .................................................. .................................................. .............................




حكت لها كل شئ صار من لما خرجت لحد مارجعت الشقه وجلست ...
حتى شوفتها لنايف حكتلها... وكيف كانت راح تتأكد انه هو بس قدرها انهم مايلتقون.... راح قبل لا تكلمه ......

انصدمت افنان وهي تسمع ..لمعت عينها لما قالت لها انه نايف حي ..
هي متأكده انو نايف ..قلبها محسسها انو هو لا يمكن يكون شخص اخر او من خيالها وهذا دفع باامل كبير بنفسها ....

والصدمه الاكبر ان طـارق ولد عم رغد يكون نفسه طارق صديق فارس وخالد شئ لا يصدق .......صدفه عجيبه ........

رغد تنهدت وهي تنهي كلامها: هذا كل الي صار معي انا خايفه يافنو لازم اخرج من هنا اروح أي مكان ......

"سكتت تفكر ورفعت نظرها لافنان" :حتى لو اسافر معاك كندا انتي وفهد بس مااضل هنا .... انا خايفه ...

افنان بعقلانيه : لا تخافي ياقلبي انا عارفه انك مصدومه وانا والله مصدومه اكثر منك بس لو سافرتي عمرك ماراح تشوفين نايف....
انتي الحين عندك امل لازم تتعبين لين تحققين هذا الامل اذا كان نايف عايش لازم تدورين عليه ...

رغد انهارت مو متحمله الضغط النفسي الي تمر فيه انفجرت : اااااااااااه ياافنان ااااااااااااه وانا هذا الي مصبرني والا كنت خرجت من اول ماعرفت انا ضااااااااايعه ياافنان ضااااااااااايعه ليش طلع مره ثانيه بحياتي ليييش وليش فارس من بين كل الناس يعرفه .....انا بكابوووس قوليلي اني عايشه بكابووس وراح اصحى منه ...

ضمتها افنان تهديها : اهدئ ياقلبي لا تبكين كل شئ لو حل ربي ابتلاك والله اذا احب عبدا ابتلاه اصبري ربي مايضيع وانتي انسانه مؤمنه وصابره

رغد بكت وهي تصرخ : اااااااااه ياااااااااارب ارحمني ياااااااااااااارب

افنان مسحت على راسها وجلست تهديها وتقرأ عليها ايات من القران الكريم لعلها تهدأ نفسها وتسكن ...

بعد فتره حستها هدأت وبدت تغمض عينها تعبانه هزتها وطلبت منها تروح تاخذ شاور دافئ يهدئ اعصابها المضطربه وتبدل ثوبها .. وفعلا ساعدتها وقامت اخذت لها شاور تريح اعصابهاا بعدها خرجت تمددت بدون حتى ماتاكل شئ المهم تنام ولو لساعه وحده بس ...................................

[دانة الكون]

بيت ابو نـــــــــــادر

صحى الكل بوقت متأخر خصوصا عمر ونادر قرر نادر يروح بنفسه يخرج ابو من المستشفى لان حالته استقرت ...
فراس وعقله كان يفكر بسالفة عمر بيوم دخول ابوه للمستشفى لما شافته بشكل غير بثوب وفيه بقع دم !!!وقرر يسأله ...
سأله وشاف على وجهه علامات الاستغراب والنفي..؟!!
حس الموضوع تلخبط عليه كيف صار كذا!!
وقال يمكن اكون اتوهم ويخلق من الشبه اربعين ....
قفل على السالفه وكتم الي بنفسه ....اما عمر فتح موضوع استقلاله بشقه لحاله مع نادر لكن لقي معارضه كبيره منه ومن فراس..
وقرر يبحث حاليا بدون علم احد .....

















************************************************** ************************************
Яąṁά●̮̮̃•̃ả๔ĐĽǿǿ3ά <<
************************************************** ************************************
















بيت الخــــــــــــــــــــالد

اتصل طارق عليه بوقت متأخراستغرب حتى اتصاله !! قال له انه جاي يزوره بهذا الوقت ...
خرج وجهز المكان لاستقباله شاف اخته جنى جالسه ترسم بالحديقه خرج بهدؤء على رؤوس اصابعه ووقف خلفها مسك عيونها من ورى اول مانزلت يدها عن الوحه عشان مايخرب شغلهاا ..
انتفضت اول مامسكها جلست تتلمس ايديه بخوف بس حست بيده الي حافظه تفاصيلها بدون ماتشوفها ...
ابتسمت واشارت بيدها تخبره انه قلبها ♥☺لان خالد كان قلبها فعلا واقرب انسان لها بالعالم ...

ضحك وهو يقولها عرفتيني ولفها شافتها تبتسم بهدؤء مسح على شعرها الطويل والي كان يميزها بطوله ..
فعلا انثى جميله بل فاتنه..... جمالها برئ جد وملامحها تتسم ببرائه الاطفال لانها فعلا طفله لم تتجاوز الـ16 من عمرها ...
جميله من اروع الفتيات واجملهن وتكاد تفوق الكثيرات كان عيبها الوحيد عدم قدرتها على الكلام ....
ترى العالم من حولها تستمع لكل شئ لكن حرمت من نعمه النطق منذ كانت طفله بسبب حادث اصيبت به انكتب اثره حتى الممات ....

خالد: جنى حبيبتي ادخلي وكملي رسمك بعدين ...

جنى لفت تطالعه تغيرت ملامح وجهها وسألته بلغه الاشاره ...ليش؟

خالد: بعد شوي صديقي بيجي يزورني ... عشان كذا ادخلي اذا راح اخرجي وكملي رسم اوكي حبيبتي ..

اشارت له انها فاهمه ومسكت كتفه وباسته له ..

باس راسها : الله يخليك لي يااحلى اخت

اتسعت ابتسامتها ودخلت داخل البيت بينما بقي خالد ينتظر طارق ...
بعد ربع ساعه شاف سياره طارق توقف عن بيتهم ونزل منها ..
استقبله بقسم الضيوف وجهز القهوه وجلس معاه يقهويه ..
بعد صمت قرر خالد يبدى بالكلام

خالد: يوم اتصلت قلقتني وحاسس وجهك فيه كلام قول لي أي فيك ؟

طارق تنهد: تعبـــــــــان ياخالد تعبـــــــــــــــان لوتدري بالي فيني بس
حمل شايله ماتتحمله الجبال ...

خالد حس بقلق : شغلت بالي يارجال قول انطق ؟

طارق بتردد: خايف اقولك ياخالد ..اخاف اطيح من عينك ..

خالد وصل حده : يارجال قول وريحني ولا تخاف لايمكن اخذ فكره مو زينه عنك لاني اعرف انك ماتقصد اذيه

طارق"مااقصد اذيه ..هه اصلا طول عمري اذي الي حولي ماخليت شخص الا واذيته ..." : اااااااااااه ياخالد تتذكر يوم حكيت لكم عن البنت الي انخطبت ؟؟وكنت ناويها ؟

خالد يفكر: والله كثييييير بنات كنت تكلمهم أي وحده بالضبط ...

طارق: هذي اخر وحده تكلمت عنها ..اسمها غزل

خالد بدون اهتمام: وخير ياطير ....لا يكون حامل منك ؟؟؟؟

طارق بسخريه: هه ياليت جات على حمل كان ماشفتني على ذا الحال ..

خالد رااح تفكيره بعيد: لا تجنني قول ترى والله قلبي بيوقف ...

طارق: طلعت اخت عبــــدالله رفيقنا

خالد انصـــــــــــدم وطاح الفنجان من يده: أيــــــــــــــــش!!!!!!

طارق : أي غزل اخته ...والي مملكه على ولد عمها ....

خالد تلعثم ووقف معصب: كـ كيف ؟؟ انت ايش سويت ..فهمنــــــــــــــــي ...مالقيت الا اخت عبـــــــــــــــــــدالله!!!!

طارق برجاء: تكفى اسمعني لين اخلص

خالد طول باله : طيب كمل .......


طارق حكى السالفه كلها :................................................. .................................................. .................................................. .................................................. .................................................. .................................................. .................................................. ..................






خالد حس بضياع من الكلام الي سمعه ..الي صار شئ مايتصدق ...مالقي الا غزل ..! اخت عبدالله ...الله يالدنيا صغيره ...
سبحان الله البنت الي كان ناوي ينتقم منها اشد انتقام وكان ناوي عليها اكثر من أي بنت ثانيه بااستثناء رغد ..........تطلع اخت اعز اصحابه .....
لا ومملكه لولد عمها ...

حس قد ايش الدنيا جزاها منها وفيها مهما طال الزمن .. يوم لك ويوم عليك
عبدلله على قد طيبته مرت عليه فتره كان فيها لاهي ويلعب ببنات الناس مايدون وش كان يسوي اكثر ... جا الدور على اخته ..
ومايدري يمكن لو استمر هو ...كان صارت بااخته نفس الشئ ..

.استغفر ربه وهو يشوف اثر الندم على طارق
بس الي مايعرفه ..ان ندم طارق مو ندم على الي سواه
...ندم انو طعن رفيقه بظهره
وبدون مايكون له علم ....

بس بنفس الوقت ارتاح انو ماصار بينهم شئ لان لو كبر الموضوع
راح تصير مصيبه كبيره .............

خالد بعتب: لو سمعت كلامنا ماكان صار كل هذا ..ياما نصحناك انا وفارس قلنا لك بطل شوي شوي تقدر على نفسك .....كلنا غلطنا بحياتنا بس الحمدلله الهدايه من الله والحين بطلنا سوالف قبل حتى عبدلله حسيتو بدا يعقل ويركز الا انت لحد الان عايش بنفس بركه الوحل ..

طارق حط يده على راسه: ااااااه انا تعبان ياخالد عارف كل الي بتقوله بس عقلي مايستوعب مااحب احد يقولي لا تسوي اذا مااقتنعت ...عبدالله من هنا وراكان من هنا واخواتي وابوي ووو ... خلااااااااااااااااااص مو متحمل ...

خالد ماركز على الاشخاص الي ذكرهم طارق : طيب انت تركتها الحمدلله وماكشفك زوجها ولا اخوها ..خلاص انساها وابدا من جديد

طارق بحقد مغلف بحزن ومشاعر متناقضه: انا نسيتها هي وماهمتني ...بس حاسس اني موقادر احط عيني بعين اخوها احس اني حقير

خالد تنهد: والله مدري ايش اقولك استغفر ربك وحاول تبعد هالتفكير من دماغك ربي سترها معاك هالمره حاول تعوض وتبعد شوي شوي عن هالسوالف اسمعها من اخوك ..

طارق بسخريه: ابعد هههههههههههههههههه حبيبي انا عارف نفسي زين مستحيل ابعد مهما حاولت ..لا تنصحني زي فارس وغيره انا مو مثلكم

خالد: الله يهديك .... صح نسيت اسألك سألت اختك عن رئيها؟؟

طارق بحزم : أي خلاص وموافقه ...

خالد بشك: متأكد انها موافقه ؟؟ لا تغصبها على شئ ....

طارق: لا تخاف هي موافقه وقالت لي بنفسها ...نقول مبرووووك

خالد حس براحه : الحمدلله الله يبااااااااارك فيك عقبالك متى طيب نملك ؟

طارق : اممم والله شوف الموعد الي يناسبك وانا بكلم الاهل ....يالله اجل انا استأذن واسف جيتك بهالوقت مالقيت احد افضفض له غيرك

خالد بروح صافيه:ولو احنا اصحاب البيت بيتك يالنسيب و حياك الله بأي وقت تبي..

طارق: الله يحيك ويبقيك يالله سلااااااااااااام

خالد: مع السلاااااااااامه

[دانة الكون]

الشرقيــــــــــــه
المستشفــــــــــى

تحسنت حاله فارس وزاروه امه وابوه الباقين طمنهم ابو فارس خبرهم ان فارس تعرض لحادث بسيط وراجع لهم قريب..
قررو خروج فارس باليوم التالي وهذا اسعد اهله وريح بالهم بينما هو كان يفكر بنايف الي اتصل عليه ومارد ....؟!


كان متمدد وسارح باافكاره كل تفكيره انحصر بااثنين
نايف & فتاه القمر ...
يفكر بسبب انو شافها بوقت مواجهته للموت ...بالرغم من انو عمره ماكلمها كلها مره وحده حتى ماشاف الا طيفها مجرد حلم ...حلم
ايش سبب رؤيته لهالحلم الغريب ...


طيب ايش علاقة نايف..............!!!!.نايف رفيقه صديقه..!!
الا اغلى صديق بهذاي الحظات....انسان شاف فيه مثال للصديق الثقه!! المضحي الي لا يمكن يستغني عنه ...ليش !!!
ليش حاسس انو مشاعره تجاه نايف تتجاوز الصداقه ...
ليش هالشعور السئ الغير اخلاقي !! بااعماق نفسه عارف وين وصل تفكيره وحس فعلا انو رجل غير طبيعي ....

حس انو انسان ســــــــــــــــــــــافل ...


تفكير صديقه فيه مجرد صحبه واخوه وهو يفكر بشئ مغاير ..كيف وصل لهالمستوى من الانحطاط ...هذا وهو ينصح طارق..
معقوله الرصاصه اثرت على تفكيره وصار انحرافي !!!
لهذه الدرجه كان غافل عن نفسه !!


فكر بشكل نايف العام ...شاب جميل اكثر منه وسيم لان جماله يتعدا الوسامه ابتسامته غير...كلها حيويه وبرائه ...
نظراته بحر لايمكن الوصول له او معرفه تفكيره ..
عيون تخلي الي يشوفها منوم ...
انيق ..حتى صوته مميز ومختلف مو كااي رجل عرفه ....
صغير بالعمر 20 سنه كثيره عليه شكله صغير جدا ...
حس انو عاطفي كثير من كلامه ونظرته ...خجول وحذر وحذره واضح للجميع يكسوه الغموض ...

عمره مافكر بهذي الاشياء بنايف ...او لاحظها بهذا الشكل الكبيـــــــــر
كان واضح قدامه من البدايه ليش لما قرب منو حس بهذي الاشياء الغريبه والشكوك الي مو بمحلها !!!
مايدري....المهم انو الان واقع بمشكله مع نفسه ومشاعره ...
مشكله احساسه انه رجل شــ.....

حتى الكلمه مو قادر يفكر فيها او ينطقها امنيته الوحيده يصحى من هالكابوس المزعج بااسرع وقت ويرتاح باله من شكوكه بنفسه .....




ام فارس: فــــــارس ...فارس ...فارس يمه اشفيك ماترد ..؟

فارس صحى على نفسه من اوهامه وافكاره : هـا هلا يمه اسف بس سرحان شوي ..

ام فارس بقلق: يمه اشفيك مو بالدنيا ؟ تعبان ؟ في شئ يعورك ؟ انادي لك الطبيب ؟ قول يمه ريحني .........؟

فارس ابتسم لها: لا تخافين يالغاليه ولدك سبع ماينخاف عليه

ام فارس : والله اني خايفه عليك ..حاسستك مو فارس الي اعرفه فيك شئ متغير وحاسستك مو مع العالم ...

فارس تنهد: اااااااه يمه والله انا حاسس نفسي مو طبيعي بس يمكن من اثر التعب الله يعين

ام فارس: بسم الله عليك من التعب ...اممم فارس بغيت اقولك ..تركي ولد خالتك خطب امل اختك

فارس تفاجأء: جد ؟؟ متى ؟؟

ام فارس: قبل كم يوم وانا سألت اختك بس حسيتها رافضه قلت لها ليش قالت مو عاجبها وكلام مااقنعني...

فارس فكر: والله ماادري انا مو قد كذا مع تركي بس القرار لامل لا تغصبونها على شئ مو مقتنعه فيه ...

ام فارس: طيب وخالتك وش اقولها ..ماابغى تصير قطيعه بيني وبين اختي لهذا السبب ...

فارس : والله سعاده بنتك اهم من أي شئ

ام فارس بعناد: وسعادتها مع تركي مافي احسن من ولد خالتها الي بيعزها ويقدرها ويحترمها ...

فارس مل من كلامها وهو مو فايق: يمه مادام انتي حاطه براسك انك تخلينها توافق ليش تسأليني ...؟

ام فارس تنرفزت: الشر مو عليك على الي بياخذ رايك هذا وانا متعشمه تقنع لي اختك الي راسها يابس ...

فارس : يمه وش هالكلام ..الله يهديك بس انا ماابي لامل الا الخير مهما كان هذي اختي بس الزواج قسمه ونصيب مايصير نغصبها ..

ام فارس مااقتنعت بالكلام بس سكتت ........

ابو فارس: يالله ياام فارس خلينا نخرج وخلي ولدك يرتاح

ام فارس باست راس ولدها : يالله مع السلامه حبيبي

فارس: مع السلامه ................












************************************************** ************************************
Яąṁά●̮̮̃•̃ả๔ĐĽǿǿ3ά <<
************************************************** ************************************
رنيـــــــــــــم العبــــــــدلله

خرجت من عند الدكتوره واصدمت بجسم قوي ...

رفعت راسها تبي تعتذر بس ذااااااااااااابت الكلامات بين شفتيها

عبـــــــــــــــــ ـــــــــــــــــــــدلله ...

عبدلله وهو عاقد حواجبه تكلم بهمس لكن وصلها: ايش جابك هنا ؟؟

رنيم تلعثمت: مـ مـالك شغـ غـل ....

عبدلله شد على زند يدها وهو يصر على اسنانه وسحبها لزاويه : بتقولين والا ايش ...وش جابك عند الدكتوره هــــــا

رنيم نزلت دموعها: سيب يدي وجعتني ..اهئ

عبدلله خفف من مسكته ليدها : طيب لا تقولين شئ ..انا راح اعرف بنفسي
فلت يدها وهو داخل لغرفه الدكتوره بس حس بيدين ناعمه تتمسك بجسمه من ورى ....؟؟

رنيم: عبدالله الله يخليك خلااص اتركني بحالي لا تتدخل بحياتي كفاااااااايه الي سويته فيني كفاااااااااايه

مااهتم لها ودخل بعد مادفع يدها عنه ...
سكر الباب وجلست رنيم بره وقلبها ينفض ...ايش راح يقول للدكتوره ؟؟ اصلا كيف بيعرف وهي داخله بااسم مو اسمها .....
حست بقلبها ينبض مو قادره تدخل وتشوفه وتعرف انه درى عنها....

**بغرفه الدكتوره **

عبدلله بصوت رجولي: السلام عليكم

الدكتوره : وعليكم السلام ورحمة الله ...لو سمحت هذي العياده مخصصه للنساء شكلك غلطان اخوي ...

عبدلله: انا جيت اسأل عن المريضه الي خرجت من قبل شوي ..

الدكتوره: اسفه ياسيد هذي اسرار المرضى مانقدر نخلي أي احد غريب يطلع عليها غيرهم ...

عبدلله بكذب حاول يبين طبيعي: بس انا زوجها وهي جات من غير اذني وبدون ماتقول لي ...

الدكتور طالعته بشك ..: رفعت الاوراق ...انت زوج السيده نوال محمد الـ........

عبدلله بنفسه "وجايه بااسم غير اسمك يارنيم ههه تحسبيني غبي ..طيب شغلك عندي " بثقه عجيبه: طبعا يا دكتوره..انا زوجها والا ليش اسأل ....تبين تتأكدين هي جالسه بره

الدكتوره بعد لحظه تردد : شوف هو ممنوع نطلع أي شخص على معلومات تخص مرضانا واحنا بمستشفى خاص والمريض له خصوصيته بس بما انك زوجها راح اتجاوز عن هالشئ...
زوجتك جات تعمل فحص الحمل وغريبه ماقالت لك ..."ابتسمت" يمكن كانت بتتأكد عشان ماتقولك ويخيب املهاا واملك...

عبدلله ابتسم بخبث "منتي هيه يابنت خالتي" : اهاا طيب وش صار ..

الدكتور : ولا شئ النتيجه راح تطلع بعد شوي

عبدلله : طيب دكتور ممكن اطلب منك خدمه ...ابغاك تخبرينها انها حامل ..

الدكتور: ؟؟؟؟؟؟؟

عبدلله بتمثيل: انا وهي متزوجين من 5 سنوات وماجانا عيال وهي ماخلت شئ ماسوته تبي عيال وهاليومين نفسيتها تعبت مره ..

الدكتوره استنكرت: بس مايصير ياسيد ...يعني شلون نقولها انتي حامل ..حتى نتيجه التحليل ماطلعت ..

عبدلله ببجاحه: حتى لو مو حامل يمكن يصير بذي اليومين ....

الدكتوره قلب وجهها الوان وونفسها تعطي هالوقح كف : اسفه بس مانقدر نكذب على المريضه ممكن تتفضل بره بدون مطرود..

عبدلله بتمثيل يحاول يحنن الدكتوره ويستغل عاطفتها كاانثى : تكفين دكتوره ماابغى نفسيتها تتعب امها مريضه جاتها جلطه قبل فتره ونفسيتها فالحضيض مايصير تفرح بخبر لو ليومين ...حتى لو كان كذب ....يمكن يصير حقيقه ...انتي سوي هالشئ عشان نفسيتها وانتي مو مسؤله عن شئ بعد كدا انا اتحمل كل شئ ...

الدكتوره ترددت : بس ...انت تحرجني ياسيد ...

عبدلله: عبدلله اسمي عبدلله ...تكفيين يادكتوره انتي حرمه وتعرفين نفسيت الحرمه لما تتعب سوي هالشغله عشان وحده ماعندها امل ...وان شاء الله يصير فعلا حمل ونفرح

الدكتوره تنهدت : طيب انا حوافق بس بشرط انا مو مسؤله عن أي شئ راح ينتج من من هالكذبه والمستشفى كمان ....

عبدلله فرح ماتوقع واحد بالميه توافق: وانا موااافق

الدكتوره: طيب "رفعت السماعه تكلم الممرضه" : ناديه نادي المريضه نوال محمد الي كانت عندي قبل شوي ..قوليلها طلعت نتيجه التحليل ......

[دانة الكون]

ايطاليـــــــــــــــا
المستشــــــــــــــفى
غرفه اياد ......

كان جالس يطالع فالفراغ ...من اول ماصحى كان بحاله ضياع وسكون شاف امه وخاله وعمه والي يزورنه دائما.....................
وخصوصا امه الي تحكيلو عنها وعن نفسه وعن عمه وبنت عمه
تذكر البنت الي جاته اول ماصحى بس كانت غير عنهم اول ماشافته ضمته وعيونها تلمع بسعاده وكاانها لقت كنز !! ....حس انو يعرفها وان علاقتهم كانت غير...
يمكن كان بينهم عشق !!!
فكر بكل الاحتمالات ...نظراتها كانت نظرات عاشقه مشتاقه ومتلهفه .مصدومه ..لان صدمتها انو مو متذكرها جمدتها ...
ضرب راسه بيده يبي يتذكر..بس مافي فايده...

سمع صوت طرق على الباب ...استغرب ..لسه بدري على زياره امه له ..انفتح الباب بهدوء ...
شاف خيال فتاه تدخل الغرفه

فتح عيونه على وسعها ...كانت نفسها ...نعم هي ..
ارتبك لما تقدمت ...كان باين من ملامح وجهها انها مو سعيده .. مو نفس شكلها اول مازارته لما صحى من الغيبوبه ...
كانت هزيله وتحت عيونها سوااد مخفي جمالها ...شاحبه ومتعبه ..
دخلت وهي تنظر نحوه ...وبيدها باقه ورد
نطقت بتردد وهي تمد له باقه الورد: مرحبــا

اياد اخذها منها: اهلا ...

بشاير حست انها بموقف محرج دخلت اكثر وجلست بالكرسي بجانبه وكان هو واقف جنب الشباك ...

رفعت نظراتها له: كيفك؟؟

اياد بسخريه مبطنه بالم: مثل ماانتي شايفه ...عايش صح مو متذكر الي حولي بس لسه عايش ...لسه مامت

بشاير وقفت ومشت بااتجاهه مسكت يده وحست انها اقوى لما مسكتها : لا تقول كذا ...احنا كلنا جنبك حتى لو ماتذكرت شئ طول حياتك راح نظل جنبك على طول ...

اياد: واضح ...شفتك مره وحده وبعدها ماشفتك ...

بشاير بحرج مغلف بالم:اياد ..انا كنت مصدومه ..كيف تبغاني اتقبل فكره اجلس معاك واتكلم وانا عارفه انك مو متذكرني ..

اياد: .امي كلمتني عنكم كلكم .......صح انا مو متذكرك بس انا احس مافقدت الاحساس .....

بشاير :وايش حاسس بهذي الحظه ..

اياد بصدق: حاسس انو انا وانتي كنا غير ...كنا قراب من بعض ماادري بس من اول مادخلتي عليا اول ماصحيت وشفتك ...حسيتك مو غريبه عليا بالعكس يمكن اقرب شخص ...
"رفع يده ومسح على خدها لماشاف الدموع تنساب من عينيها "
اياد : حاسس انو كانت علاقتنا مميزه ..

طلعت شهقه كاتمتها مو متحمله اكثر حطت يدها على فمه : بس لا تكمل ...

اياد مسك يها الي على فمه ونزلها طالعها وفي بريق بعينه وكأنه يترجاها تفهمه : ادري تحسبيني مو حاسس بشئ بس انا ..انا احاول اتذكر ..محتاجك ابغى من يساعدني ..

بشاير ابتسمت وعندها ارداه اكثر من اول: وانا ماراح اتركك ابدا ..

دخل الدكتور وابتسم لما شاف ضيوف عند اياد ...

الدكتور: حسسنا يبدو ان لديك ضيوفا اليوم ...

اياد: نعم انها ابنت عمي جائت لزيارتي ...

الدكتور : اهلا ياانسه ..لدي خبر جميل هذا اليوم لقد تحست حالتك كثيرا ويمكنك ان تكمل حياتك بشكل طبيعي .....
بقيت لديك فقط مشكله الذكريات .....لدي اقتراح مارئيك ان تخرج من المشفى سوف يكون ذلك اسهل لرجوع الذاكره لانك فقدتها مؤقتا
عندما ترى الاماكن والناس سيكون ذلك اسهل لك ...

اياد فرح بالكلام اخيرا بيخرج من جو المستشفى الخانق : حقا استطيع ..؟

الدكتور : بالطبع ...يمكنك ذلك لكن يجب ان تحضر مواعيدك ...

بشاير فرحت وهي تطالع اياد: حلووو راح تخرج ...

اياد بخوف وتوتر حاول يخفيهم: ايوا راح اخرج .....!!


















************************************************** *************************************
Яąṁά●̮̮̃•̃ả๔ĐĽǿǿ3ά <<
************************************************** *************************************
















بااحدى المقاهي ..

كان جالس يدخن وسارح باافكاره بعيــــــد بعيـــــــــــــــــد...
عندو مخططات ناوي عليها ماراح يرتاح ان ماسواها ....

بعد الي صار معه ودخول ناصر السجن ...حس بحقد تجاه فارس وامل
حتى نايف الي شافه كان سبب من الاسباب ..
مايشوف امامه الا الانتقام ...
نعم الانتقــــــــــــــــام ...
ودو ينتقم من كل واحد فيهم ...وبالاخص نايف وامل
فارس بتفكيره انو اكيد مات بعد مااصابته الرصاصه
باقي نايف وامل
لازم ينتقم منهم ويسود حياتهم ..مثل ماسودو حياته ...
بس كيف مو عارف !!!لسه ..
خلص بكت السجائر الي بيده وتعبى الهواء بالدخان مثل الغمام الي يسيطر على دماغه والسواد الي بقلبه .......

هذا هو راكـــــــــــــــ ــــــــــان ...

[دانة الكون]

بالشاليه ...وبااحتفال مختلط .....

كان يرقص ولا هامه احد فالها وكاانو ماوراه احد الا نفسه ووناسته ...
جو صاخب لابعد درجه رقص غناء ضحكات وحياه اخرى ....
تكلم معاه صاحبه وهم بقمه الوناسه ....

: ها ترووك خطبتها ...

تركي طفى سيجارته ودعس عليها: ههههههههههههههههههههههه أي وشكلها بترفضني هع بس اقدر اجبرها توافق

حسن: ههههههههههههههه والله شكلك ناوي على شئ احس اني اخاف منك

تركي بخبث: لا تخاف صح هي مدلعه وتنرفز بس بتضل بنت خالتي ابغى اربيها مسويه نفسها البريئه الطاهره ...ماعرفت من تركي

حسن: تدري عاد مدري ليش انت حاط عقلك بعقلها وحده بزر وعقلها ناقص وش عاجبك فيها

تركي: ههههههههههههههههههههههههه والله ضحكتني بالله ايش بيعجبني فيها صح حلوه بس مدلعه وغبيه ولسانها طويل هع..الي عاجبني انها بنت سعــــــود الـ.........................كيف اضيعها من يدي ...؟

حسن : منت هين يابو حسن ولاعبها صح

تركي غمز بحقاره : اعجبك...


















************************************************** *************************************
Яąṁά●̮̮̃•̃ả๔ĐĽǿǿ3ά <<
************************************************** *************************************
















بيت ابو طــــــــــــــارق

كانت تبكي بغرفتها بصمت وحزن العالم كله فيها ...
مكسوره مقهوره مجبوره ... حست روحها تطلع منها ..
وطارق يعلن قراره الحاسم ...بدون ماياخذ لترجيها أي شئ ...
حاولت امها تهديها وتخفف عنها مهما كان امها انثى ضعيفه ماتقدر تعترض او تسوي شئ ...طارق هو المتحكم بعد روحه ابوها ...
تذكرت ابوها ...مع كل مساوءه كان حاميها فهالدنيه وعمره ماقهرها ...
ااااااااااااااااااااه يبه وينك ...وينك تشوف وش سوو ببنت ... بيقهرووني بيجبروني اتزوج يابو مرام بيجبرون دلوعتك على شئ هي ماتبيه ...
بكت بالم وحسره مو عارفه ايش تسوي
نفسيتها تعبانه ومالها الا الدعـــــــــــاء ..

توجهت للحمام "اعزكم الله" ...توضت وخرجت تصلي ركعتين ...رفعت يدينها بالدعاء متضرعه ذليله خــــــــاشعه ...

يارب يـــــــــارب انت اعلم بحالي ..ارحمني وتوب علي ويسر لي الخير اينما كـــــــان وابعد عني الشر ...
يارب هون علي مصيبتي وفرج كربتي يا ارحم الرحمــــــــين
يامجيب دعوة المضطرين ...ياالله .....

دعت بكل جوارحها ودموعها تنزل كشلال ...
رفعت سجادتها وحست انها ارتاحت بعد الصلاه تمددت وطفت النور ونامت لاول مره مرتاحه و موكله جميع امورها لرب رحيم غفور لن يخيب رجائها ودموعها ...



















انتهـــــــــــــــــــــــــى البارت

[دانة الكون]

البــــــــــــــــــــارت الرابع والاربعـــــــــــــــ44ــــــــون







المستشـــــــــــفى
دكتورة النساء والولاده

الدكتوره: طيب "رفعت السماعه تكلم الممرضه" : ناديه نادي المريضه نوال محمد الي كانت عندي قبل شوي ..قوليلها طلعت نتيجه التحليل ......

كانت جالسه على مقاعد الانتظار تدعي ان عبدلله مايكشف شئ بالرغم منها عارفه راح يبحث عشان يعرف بااي طريقه ....
والدقائق مثل السكين ...تسمع صوت عقارب الساعه الي بيدها من التوتر
تك تك تك تك
انفتح باب غرفه الاستراحه ...
جاتها الممرضه ووقفت على راسها ..كانت الوحيده بغرفه الانتظار اصلا !

الممرضه : انتي مدام نوال ....

رنيم بلعت ريقها بتوتر : نعم ....

الممرضه : تفضلي الدكتوره طلبتك لان نتيجه التحليل وصلت ....

رنيم بخوف: تيب
رنيم حست انو الاكسجين بدا بالانخفاض من الغرفه مو قادره تتحمل الضغط النفسي الي تمر فيه ... سارت بجانب الممرضه وقلبها يرجف من الخوف والقلق .... حاسه برعب من جميع الجهات اولا انو عبدلله بغرفه الطبيبه ورعب اخر من نتيجه التحليل ....!!!

دخلت لقت عبدلله جالس على الكرسي والطبيبه واقفه ومبتسمه ...

الدكتوره: اهلا مدام نوال زوجك جا يتطمن على حالتك واحب اقولك طلعت نتيجه التحليل مبرووك انتي حامل ..






صــــــــــدمـــــــــــــــــــــــــــــــــــــ ه..





انا



حامـــــــــــــــــــــــــل



حامــــــــــــــــــــــــــل



حامـــــــــــــــــــــــــــل



بكل بساطه قالتها لها بس ماتدري الاثر الي صار بنفسها
التفتت وشافت وجه عبدلله المبتسم وهي واقفه تطالع فيه وعيونها تنتقل بينه وبين الدكتوره الي مبتسمه ....
حست بدوار فضيع براسها وبدت غمامه الدموع تسبح على محياها حست بيد تمسكها ...
كان عبدلله ....ماكانت حاسه بشئ من حولها ...سمعت همسه بااذنها ...
نعم هو يتكلم ...!!

عبدلله ..:سمعتي ....احنا لازم نتزوج بااسرع وقت عشان الي ببطنك لا تسوين عبط لان الموضوع كبر ....

هذي كانت كلماته ....حست كاانها سكين تنغرس بااقصى اقصاها...!!

رنيم بهمس: انا ماابغاك وماابغى الولد ..

عبدلله ضغط على زندها: مو بكيفك هذا ولدنا مو ولدك لحالك وانا ابغاه ...بتقتلين روح عشان ماتبغيني .. !!

رنيم حست بغصتها بحلقها ودموعها بدت تنزل : اكرهك

جات لهم الدكتور : في شئ ؟؟

عبدلله باابتسامه مصطنعه: ولا شئ دكتوره ..بس زوجتي من الفرحه مو عارفه حتى تتكلم ...

الدكتور: يالله الف مبروك ...

خرجت رنيم بعد مادفت يد عبدلله وراحت تركض خارجه من المستشفى بعد صاعقه خبر حملها الغير متوقع ...

الدكتوره بااستغراب : وش صار ؟؟

عبدلله بثقه: ولا شئ بس من فرحتها راحت تبشر امها ...!!!!

في ممرات المستشفى تركض متوجهه للبوابه تبغى تخرج من المكان حاسه بشئ يكتم على انفاسها ...اختنااااااااق ..
صدمـــــه ..انا حـــــــامل ...بدون زواج
حامل في روح بجسدها لكن مو طاهره ..

حاسه انها احقر مخلوق على وجه الكره الارضيه ...
والكارثه الاكبر انو عبدلله يدري بحملها ...صار الزواج شر لابد منه ...
اااااااااااه ولعبتها صح ياعبدلله وصار الي تبغاه ..بس والله ماافرحك فيني ...

ركضت ودموعها تنزل كشلال هادر مو قادره حتى تمسحهم ونظرات الماره على الفتاه الكاشفه الباكيه.....كاانها طفله ضايعه او احد ضاربها ... سمعت جوالها يعلن عن وصول مسج ...........
كان من الغزال ... ماقرت المسج لان بعد موقف عبدلله مو طايقه أي شئ يذكرها فيه حتى نفسها ....

اتصلت على السواق : ايسر تعال بسرعه عند باب المستشفى انا استناك ....

السواك : اوكي انسه ...

وصل السواق وقالت لو وديني على البيت .........................

** .....اما بعياده دكتوره النساء والولاده .....**

بعد خروج رنيم بدقائق ...كان عبدلله خارج بعد ما شكر الطبيبه على تعاونها معاه يبغى يكلم امه على موضوع خطبته لرنيم ....

في هذه الاثناء وصلت نتيجه التحليل لكن محد اخذها .....










************************************************** ************************************
Яąṁά●̮̮̃•̃ả๔ĐĽǿǿ3ά <<
************************************************** ************************************









بالمستشفـــــــــــــى لكن ببلد اخر ....

دخل بعد ماا سمح الطبيب بالزياره للمريضه وبيده باقه ورد كبيره وعلبه مغلفه بشكل حلو وجذااااب "هديه" طرق على باب الغرفه ودخل بهدوء ..

سعود باابتسامه مشرقه: السلااام عليكم

اسما كنت متمدده على السرير وجهها متعب لكن محتفظه برونقها وابتسامتها الدافئه عدلت وضعها و جلست بتكاسل ونظراتها لسعود: وعليكم السلام ورحمة الله هلا حبيبي ....

مشى سعود بااتجاهه ومد لها باقه الورود الي حاملها....طبع قبله تحمل كل معاني الحب والموده على خديها واعطاها الهديه ...

اسما استغربت الهديه : ليش كلفت على نفسك حياتي ؟

سعود: مافيها كلافه حبيبتي ...

مسكت باقه الورود ونظراتها عليها ....باااناملها تلمست ورده حمراء وهي تشم عبيرها : يسلمووو حبيبي... الله الورد بيجنن...

سعود: انتي الي تجنني واحلى من الورد الي بيدك ...

اسما مسكت خده وقبصته بمداعبه ودوده: ههههههه يابكاش اكيد شكلي مبهدل وحالته حاله ...

سعود باس كف يدها : ههههه انا تعجبيني بكل حالتك ...كيف تحسي دحين تعبانه والا احسن ؟

اسما: صح انا كنت ببييت بشاير حسيت بصداع والدنيا مقلوبه اشوف كل شئ مو بمكانه فجأه ماعاد حسيت بشئ ...

سعود بهدوء: الحمدلله نقلوك المستشفى خفت لا يصير فيك شئ كيف تحسين دحين تعبانه ؟ والا عادي ؟

اسما : الحمدلله احسن كنت مصدعه شوي شكلي ضغطت على نفسي بالدراسه وسببت لي ضعف

سعود باابتسامه خفيه : يمكن لازم ماتجهدين نفسك وتهتمين بصحتك واكلك كل شئ بالدنيا ينحل الا المرض يجي للانسان وصعب يتجاوزه ...

اسما انتبهت للهديه: طيب ليش جبت هديه ؟ ايش المناسبه ؟؟

سعود : افتحيها وشوفي ...!!!

حست بفضول للي جابه وبدت تفتح بالهديه تحت نظراته المتلهفه ..اتفـــــاجأت بالهديـــــــه
كانت مفرش طفل لونه ابيض ووردي ..ومعها دبدوب صغير وحلو
فتحت عينها على وسعها ونقلت نظراتها لسعود شافت عيونه تلمع والسعاده تملى وجهه مبتسم ويده ماسكه يدها ...

اسما ضاع الكلام من لسانها تلعثمت من الخبر : انا ..انا

سعود شد على يدها : أي حبيبتي ..راح يصير عندنا بيبي ... قطعه مني ومنك ..انتي حــــــــــــــــــــــامل ....

المفاجأه كتمت انفاسها ... معقوووله !!!! انا حامــــــــل ..وراح يكون عندي طفل .. كانت هذا الشئ الي تقوله بقلبها ولازالت ساكته...
مو قادره تتكلم او تعبر ..
عرفت الان كل شئ ...

سعود : حبيبتي مو بسوطه ..! راح تصيرين ام ...

اسما تكلمت وهي ترمش بسرعه وتتنفس بسرعه ويدها تشد على يد سعود : انا حــــــــــامل جد انا حامل

سعود ضمها يهديها : ايوا جد حبيبتي راح يصير عندنا ولد ...

اسما نزلت دموعها فرحانه شعور تحسه مايوصف ابدا اول مره تحس بهالاحساس احساس بكائن جديد ينمو داخلها: الحمد لله الحمدلله انا فرحانه سعود راح نصير عائله ..

سعود بعد ومسح دمعه الفرح الي نزلت: وانا فرحان مثلك راح نكون احلى عائله بالدنيا ..مبرووك

اسما باست خده: الله يبارك فيك ..

سعود مد يده وحطها على بطنها : يالله ياحبيبه ابوك لا تعذبين ماما خليكي شطوره وتسمعين الكلام

اسما حطت يدها على يده الي على بطنها : يمكن يكون حبيب اموو ولد شطور مو بنوته ...

سعود: الي بيجي من الله حياه الله ...المهم يكون بصحه وعافيه

اسما : صح يالله مو مصدقه انو بيجيني بيبي احس اني كبرت هههههههه

سعود:ههههههههههههههههههههههه الله يرجك انتي عجزتي مو بس كبرتي

اسما: سعوووووووووود بس لا يسمعك ولدك ..

سعود: امم طيب بما انك حامل وفي كائن يلازمك ويشارككك بكل شئ لازم تهتمين بصحتك وغذائك وماتزعلين من شئ عشان نفسيتك ونفسيه البيبي وكمان ماترهقين نفسك بشئ وتشغلين بالك خلي كل شئ علي وانا اتصرف انتي مسؤله عن اثنين مو واحد ....

اسما :ههههههههههه من أي فيلم جبتها ها .. لا تخاف كل الحريم حملو وولدو ملو البيوت وماصار لهم شئ الحمدلله

سعود ماحب يخبرها بخطوره حملها : بس انتي تدرسين وعندك بيت بنفس الوقت لازم تعتنين بنفسك اكثر ...اوكي قلبي

اسما ابتسمت ببرائه: اوكي حبيبي لا تخاف علينا انا والحلو بنكون بخير ..واحنا نبغى نخرج دحين طفشنا من جو المستشفى ..

سعود: خلاص حبيبتي الدكتور يقول نقدر نخرجك وراح تبدئين مراجعاتك مع دكتوره النساء والتوليد عشان المتابعه ...

اسما: اممم وفي شغله لازم نخبر الكل الخبر والاهم امي اكيد بتفرح راح يجي حفيدها الثالث ..

سعود: اكيد راح نخبرهم وانا بااتصل على امي وابشرها ..............

اسما فجأه اختفت ابتسامتها..: سعود ايش صار لبشاير ؟؟؟

سعود طمنها: لا تخافين مافيها الا العافيه وكانت موجوده جات تتطمن عليك وراحت تزور ولد عمها ...

اسما تنهدت براحه: الحمدلله الله يريح بالك يابيشووو ....

سعود: امين ويريح بالنا...

[دانة الكون]

بيت ابو فــــــــــــــــارس

كان المكان هادئ كل واحد منهم بغرفته وبعالمه الخاص...لان الوقت كان وقت الراحه ..بعد منتصف اليـــــــــــــــــــــل

ابو فارس وام فارس نايمين بغرفتهم ...رعد بغرفته ...ام تركي راحت فرح واحد من عيال صاحبتها اما الريم كانت على الاب توب تكلم ....

امل مبسوطه برجعتها للمدرسه ولشلتها بروح اخرى ونفسيه كلها تفاؤل ورغبه في التغييرللافضل ...كان تعرفها بغرام الي تغيرت شخصيتها واندمجت معهم شئ ايجابي بحياتها وحياة غرام ....

بدت تراجع دروسها بااجتهاد صح طالبه شقيه ومشاكسه لكنها ذكيه ومخها نظيف ..ضلت تراجع استعداد لامتحان الغه العربيه "قواعد" متمدده على بطنها رافعه رجولها لفوق وقلم الرصاص فوق خشمها ..مسويه جو مذاكره حلو فالغرفه على التسريحه في صحن مليان شبسات وبيدها علبه بيبسي شعرها مسويته اثنين مهملته والخصل على وجهها كل شوي ترجعها خلف اذنها والبيجامه البينك .... كاانها بيبي !!!

امل بصوت مرتفع وكاانها تكلم احد :

اووووووووف والله القواعد غثاا صعبه مره امممممم "مسكت قلم الرصاص وبدت تكتب القاعدات الي درستها ....."

ماحست بباب غرفتها الي كان شبه مفتوح لما تحرك... ولا حست كمان به لما انقفل فجأه ....

وهي بقمه تركيزها وتسوي امثله من حياتها ..وتعابير وجهها تتغير حسب كلامها : الصفه مثلا امم فارس جميل لا لا نغير نقول اممم فهد جميل نعم وصفت فهد انو جميل ههههههههههه يالبى قلبه
الصفه جميل والموصوف فهد هع والله اني ذكيه .......

امممممم ايو طيب الاستفهام ..اممممم هل فهد معجب بي ؟؟
يارب اكون عاجبته مثل ماانا عاجبني ههههههههههههههههههههههههههه حرف الاستفهام هو هل... ااااخ ياليت العربي كذا دائما لبـــــــــــــاه بس

"حمر وجهها لما تذكرت بوستها له جلست ترسم قلب فالكتاب فوسطه كاتبه فهد امل وحطت السهم بينهم بدت تبتسم وترسم قلوب وتكتب حروف اسمائهم f f f f f f f f aaaaaaaa بدون ملل.."

امممم ايش كمان ايوا درس العطف
اممم امل وفهد مع بعض ..عطفت نفسي على فهد هع
ياترى كيفه الحين مفتكرني والا لا يااااه والله وحشني ...

: وانتي وحشتيني انا ....!!!

ارتعب جسمها من الصوت الي سمعته قريب منها جدا وهي تحس باانفاس تلفح رقبتها من ورى حست بملمس شفايف على رقبتها بعدت بسرعه ونقزت من سريرها مفزووعه ..

امل برعب: انت شتسسوووي هناااا ؟!

تركي قرب اكثر وهي تبعد : وحششتيني ماتحملت شوقي جابني

امل وهي تمشئ على ورى تكلمت بصوت اقل عشان محد ينتبه: انقلع برررره برررره ايش جابك دا الوقت انت ماتستحي على وجهك ..؟

تركي بهياام: لا مااستحي الي يشوفك ينساااااااا الحيا وينسى كل شئ ..تعالي نفسي اضمك

امل: بعد والا والله اصرخ وانادي بابا انت مجنووووووون اكيد

تركي:ههههههههههه حبيبتي انا ....اصلا انتي زوجتي اسوي الي اباه بكيفي محد يقدر يمنعني ...

امل: انقلع ياكذاااااااااب اصلا مستحيل اخذك لو تكون اخر رجال فالعالم ..

تركي قرب لحد مالصقت فالجدار مفزوعه مسك وجهها بيده وشده بقوه بكف يده وهو يعصره حست فكها بينكسر بين يديه..
قرب وجهه من وجهها وصارت انفاسه تلفح وجهها وانفاسها تلفح وجهه همس بفحيح كالافعى: لا تتحديني ماانتي بقدي يابنت خالتي انتي لي ومحد يقدر ياخذك مني ...

امل صرت على اسنانها ودموعها توشك على النزول : اترككني ياكلب انا اكرررهك ليش تسوي فياا كذااا انا ايش سويت لك ؟

تركي بنذاله وخباثه: هههههههههه ماسويتي شئ بس لسانك طويل يبالو قص وتحتاجين من يربيك من جديد لانك ماتربيتي يا داشره

امل تنرفزت من كلمته وتفلت بوجهه: تفوووو عليك انت الداااشر الي ماعرفو اهلك يربونك ..انا متربيه احسن تربيه ياخسيس...


مسح وجهه من تفلانتها وشد مسكت يده لوجهها لدرجه كان بيهشمه بيده : انا تتفلين بوجهي ..هااا طييب ياحيوانه ..تحسبين اني نسيت الكف الي ضربتيني اياه انا ماانسى بس مجمعها لك ...

رفع يده واعطها كــــــــــف صدى صوته وصل للبيت الثاني..!!
ومااكتفى بكف واحد قلبه ما برد لسه وهو يشوفها مرميه على الارض سحبها من شعرها زي الغنمه ... ومسك وجهها واعطها كف اقوووووووى
على الخد الثاني طسسسسسسسسس ....طاحت على الارض من قوته...

نزلت دموعها وحست انها ماتحس بوجهها ابدا طالعت عيونه وهو واقف يشوفهاا ...
لسه الحقد مابرد بقلبه قرب مسك وجهها بيده وكاانها بهيمه قرب وجهه وباس شفايفها بعنف لحد ماسال الدم منهاا وحس بطعم الدم بفمه
وهي تقااوم تبغى تفلت من هذا الكائن الهمجي المتوحش ..

فلتها بسرعه وهي مسحت فمها بقرف ...وقف وعيونه تلمع بشرار : هذا درس بسيط لك عشان تعرفين من هو تركي مو وحده زيك تتحداني ياتافهه ..

حست انها مو قادره تتحرك او تتكلم مع كل الي سواه فيها بس عنادها وكبريائها مافي مثلهم حاولت تحرك نفسها وترفع راسها بضعف: انــ ـــت التــــ ــا فــه يا كلــــ ــــــب..

تركي ركلها برجله على بطنها حست انها راح تروح للعالم الاخر من قوتها غمضت عينها تتوجع وتأن ..

تركي : نشوووف يا............. من فينا الي يمشئ كلامو انا او انتي وان ماوافقتي من رضاك "طلع جواله من جيب الجينز وفتح الاستديو قرب من وجهها والمكر بعينه " شوووفي ياقلبي .. من الحلوه فالفيديو ها .؟؟؟ تعرفينها ؟؟

فتحت عيونها بتعب شافت الشئ الي اصاااااااابها فالصميـــــــــــــــم ...

كانت هي لما نزلت من سياره فهد ..!! ولما كلمته وباست خده ...كل الي صار كان بالمقطع لحد لحظه دخولها البيت !!!!!!

تركي:ههههههههههههههههههههههههه يوميات بنت خالتي البريئه الطفله مع عشيقها الشاب الوسيم بثانيه اكون عند غرفه ابوك اقولو زوج خالتي شوف بنتك المصونه المتربيه ...

امل بحرقه بقلبها: انت نجس معفن زباااله حقييييييييييييييير

تركي طنشها لانو حس انو شفى غليله لهذا اليوم ..: هههههههههههههههه قولي الي تبينه مصيري اطلعه من عيونك واخليك تبوسين رجولي ......

فتح باب الغرفه وخرج ....

امل بكت وهي بتموووت من قهرها وحقدها :اااااااااااااااااااااااااااااااااااااااااااه الله ياااااااااااااخذك ياوااااااااااااااطي ..