بركان بداخلي والسبب هالكليه الي ماتستحق اسم كليه

[أمير الحزن]

يعطيك العافيه

[الرايقه]

السلام عليكم ..~~




مساآء / صباآح .. الرضى والسرور ~



ان شاء الله الجميع بخير ,,~






صح لسانك بكل كلمه ~


انا اشهد ان الكليه ظلم بظلم .. .. ..


لو بكتب من اليوم لبكرا ماخلصت ,,,,,,,


بس بكتفي بكم موقف >> وهي شيئ من لا شيئ بكلية الفلس




نبدأ من عند بوابة الكليه ( الامن ) تخيلوا حتى الامن صار فيها واسطات خخخخخ ( ماينحقرون ) :

مرة كنت لابسه لون من درجات الكحلي وخالفوني يقولون لا هذا مو كحلي قلت اوكي وجلست برا وكان شتاء ( المخالفه هي انهم يعاقبونك بالبرد برا الا الساعه 9 خخخ .. والله حاله ) الموووهم شوي الا جت وحده من البنات فوق انها متأخره الا انها كانت لابسه بلوزة نفس لون بلوزتي وكانوا الامن يعرفونها وجوا بيدخلونها من الباب الخلفي وانا اقوم عليهم واتهاوش معهم >> وعشان مايكبرون الموضوع دخلوني معها ( شفتوا كيف !!! )




الموقف الثاني من ناحية الحضور والغياب :

عندنا دكتورة سمحت لنا بالتأخير ربع ساعه عن المحاضرة .. ومرة اخذت اجازة وجت تدرسنا استاذة تمارين الماده ( من خريجات العام مدري اللي قبله ) الموووهم اني انا ومجموعه كبيرة من البنات كنا متأخرين تقريبا ربع ساعه ودخلتنا عادي وحضرنا المحاضرة اللي كان وقتها ساعتين ولما خلصت قالت بحسبكم غياب ( كان من البداية قالتلنا والله مااحضرلها لان وجودها مثل عدمها كنها تشرح لاطفال ) ونفس الاستاذه عطتنا ورا هالمحاضرة محاضرتين مو بوقتهم وبأيام ماعندنا بالجدول الماده هذي .. ( يعني صار عندي 3 غيابات وعندي من قبل غيابين = يعني انذار ثاني .. وكم يوم الا وانا موصله للحرمان )

ولما نكلمها ماترد علينا >> ماادري ع ايش شايفه نفسها حسبي الله عليها .. وكلمنا رئيسة القسم وشكيناها قدامها >> لكن ......!!! مافيه احد يعبرنا .. الشكوى لله




اما الدكاترة .. فهذولا عاااالم خاااااااااص :
تخيلوا نلاحقهم ملاحق من شبكة لشبكة ومكالمات ع الجوال كأننا نطر منهم ( حنا مانبي الا درجاتنا وبالاخير مانعرفها .. الله لايشكرلهم فضل )



اما بعض الاستاذات قصدي الدكتورات يزعلون اذا قالتلهم الطالبه يا استاذه خخخخخخ تقول انا دكتورة >> مسكينه دارسه عشان هاللقب ويقولون لها استاذه والله ماعندهم سالفه هههههههههه



اما العميده بصراااااااااااااحه ماعمري شفتها



ومن ناحية النظافه مااختلفنا الكليه هالسنه انظف من العام



الشكوى للـــــــــــــــــــــه





الله يخرجني منها مخرج صدق





وآآسفه ع الاطاله

[السهم الجارح]

الله يعينــــــــكم

[شيخة الغيد]

[align=center][/align]اختي وضعكم في هالسنه افضل بكثييير من السنواات اللي رااحت يعني بوسي كفك وجه وقفى واحمدي ربك صدق فيه اخطاء بس هذا حنا تحملنا اللي محد يقدر يتحمله ظلم وشفنا وصااخه وشفنا لعب وغش عيني عينك وشفنا بالرغم من هذا الحمدالله ذاكرنا وتخرجنا انا لفت نظري تقولين كتااب ثااني طيب للمعلوميه الكليه الخايسه هذه تحولت لجاامعه يعني فووق الخياااس صعووبة موااد والدكتور اتوقع مو ذنبه هذا مقرر ولازم يمشي عليه وهالكلاام مش معناته انا ضدك بالعكس اما عن اللبس يااختي لاتلومينهم وربي اياام ماكنت موجوده اسمحوا بالالواان والبنات الله يصلحهم لابسين هالالواان الفاقعه مع الصبح خيير طيب اسمحوا الواان البسوا الوان هااديه تصلح لوقت الصبااح مش فصفووري تجييك كنها علبة الواان ...

اعتذر عالاطااله وتحملي وانا اختك الين ماتتخرجين مالك الا الصبر ...

[عبدالمنعم]

أقوول أختي أحمدي ربك ألف مره أنك بالخفجي أنا أدرس بالرياض وملعن أبو حظي تعبت تعب نفسي بالعربي الفصيح عزوبي ومفارق هلي وماأشوفهم ألا بالجازات وبعدين ماتعرفين جو الرياض حرررررررر صرت ضب24 ساعة مشغل المكيف وبالشتاء عكس درجة الحراره تحت الصفر ويجي برد جاف وموتري لزم أقعد فتره علشان أسخنه تلقين المكينه متجمده من البرد مهو زي برد الخفجي فيه رطوبه يعني أهون وبعدين أنتي تقولين بالكلية زحمه ماتدرين أن الرياض أم الزحمة مشوار جامعة ساعتين تخيلي وأذا تاخرت 5 دقايق عن المحاظره تدرين الدكتور وش يقول ممنوع الدخول أطلع من القاعه وأذ أبي أتفاهم معه أعرف اني ساقط بالماده أروح اطلع بكرامتي وراجع مشاور ساعتين أقول يازين الخفجي بس عندي تسوى لندن
وأما بالنسبة 300 صفحة اعتقد أنه عادي على حسب المادة وبعدين حنا عندنا نظام دايماً نسويه وأنا وأصدقاي جربيه رح ينفع معك أذا فيه مادة صعبه أكلم أخويي كلهم ونكلم الدكتوره نخليه يخفظ المنهج وهاذا النظام من يوم مادخلت الجامعه وأنا أسويه والنظام هو أبداء الشعله أكلمه أناوبعدين يطلع طالب يقول صحيح المنهج كثير شوي شوي والقاعه كله تقول المنهج كثير ويقلله وهكذا

وعندي نصيحه أصبري مثل ماصبرن البنات ألاقبلك
وأسف على ألاطاله .

[صمت المعاني]

كان الله في عونك

[بــ الخفجي ـنت]

اختي كلامك هذا مبالغ فييه

لدرجه كبيره

وببدا معك من البدايه

العميده اللي تقولين محد يشووفها

انا اعرف بنات واجد بالكليه والحمد الله مرتاحين مع وجود العميده الجديده

واي مشكله تصادفهم يتجهون فيها لشئون الطالبات وتنحل لهم

وبعدين يالغلا كيف العميده محد يشوفها وهي اصلا تعطي مواد وادرس اكثر من فرقه بالكليه ؟؟

يعني تعطي محاضرات وتجلس مع البنات ؟؟

قولي كلام ممكن يدخل العقل اكثر يالغلا

وثاني شي بالنسبه للامن اللي تقولين اكثروا ع الفاضي

حلو ان يكون في امن يخاف عليك والتفتيشات اللي تصير لمصلحتك انتي وغيرك من بنات الكليه

واذا صار في زحمه تفتح الثلاث ابواب وانا كذا مره شفت الابواب الثلاثه كلها مفتوحه

وبالنسبه للكتب اللي من 300 صفحه انتي بجامعه مو بمدرسه


تبينهم يحددون لك .. او يقللون عدد الصفحات ..؟

هذا النظام ولو رحتي ودرستي بجامعات ثانيه بتعرفين النعمه اللي انتي فيها

احمدي ربك يالغلا ان في جامعه بالخفجي ..

ووانا اشووف ان الكليه تطورت تطور كبير جدا بعد ما امسكتها العميده الجديده


الله يعطيها الف عافيه

تغير الاثاث .. المكيفات تجددت .. الانشطه والبرامج مستمره طول العام

حفل تكريم للمتفوقات وصار .. تعاون بين الدكاتره والطالبات

وغيرها ...

اختي شوفي الجوانب الحلووه قبل لا تكتبين اي حرف

ممكن ربي يحاسب عليه بعديين


تحياتي لك

بـ الخفجي ـنت

[بــ الخفجي ـنت]

اختي الرايقه

مع احترامي الشديد لكلامك

بس هالكلام من متى ... ؟

وباي سنه صار

اصلا الحين في حريه باللبس والالوان

انا زرت الكليه وشفت البنات لابساات الوان واشكال من البلايز

ما عادت زي اول متقيدين بلونين بس وما تتغير


بالعكس الكليه تغيرت كثر للاحسسسن

وجهوود العميده ومنسوبات الكليه فيها واضحه

ربيي يعطيهم الف عاافيه


ولا يحرمهم الاجر ان شاء الله

وما اقول الا الانسان طماع ما يميلي عينه شي ولا يعجبه العجب

تحياتي

بـ الخفجي ـنت

[لأجل اشتياقي]

[align=center]


ناس مشددين ووناس مرخيين


طبعا مو من الخفجي انا

بس اعلمكم الوضع اللي عندنا


طبعا كاميراات جوال بجميع انواعها مسموح :d


أي لون بلوزه مسموح :d


أي كم بلوزه مسموح ..لو قريب للكت ..ومير البنات طينوها وكأني شفت على كم حبه كت :d


طول التنوره مسموح:d

واحيانا تووصل لتحت الركبه بشبر وكأننا بإستراحه يوم الخميس جمعات العمات والخالات :d






واتوقع كل الجامعات فيها الاشياء اللي ذكرتوها ..!!

شي طبيعي اللي قلتوووه

وتحملوا ..كلها اربع سنين وتخرجكم


و300 صفحه شي طبيعي ..انتي بكالوريوس مو متوسط او ثانوي تبين ملخصآت

عالاقل عندك منهج ليله الاختبار تذاكرينه

احنا في بعض المواد نسوي لنا منهج ونذاكره


عاد شوفي كلن يذاكر اللي يبي


وعالزحمه احنا بداخل وخارج الكليه زحمه

نطلع قبل المحاضره من بيوتنا بوقت كثييييييير عشان ندري قدامنا زحمه وقرف واشاره توقفين عندها ست مرات عشان تعدين
او حادث معطل الطريق

او يتبلاك واحد ويصدمك وتنطقين تنتظرين المرور يجيك وتفوت المحاضرات عليك



وعلى كذا
جامعتنا و غصب نحبها كثير مو شوووي :d:d

طيب اعطيكم موقف عالطآير عشان ترضون وتحسون الوضع عادي وان فيه الازفت


جامعه الامام بالرياض ..كانوا عاملين ( التوعيه ) نفض للجامعه عشان الجوالات

لدرجه شيكون عالوارد واخر المكالمات ويقولون هذا من رقمه

ويخلون البنت تتصل على زوجها وتقوله انا مين عشان يقول انتي زوجتي ويصدقووووووووون

<<عادي قمة التخلف ومدري وين الخصوصيه


شفتوا الوضع عندكم عادي


واللي ماتبي لاتدرس فيها


وصلى الله وبارك



[/align]