((تغطية)) الدورة التنشيطية الصيفية لكرة القدم بنادي العلمين بالخفجي

[نواف الفهاد]

لقطات من اللقاء :

** بلا جدال .. خسرت الدورة .. فريق سلتك .. بنجومه .. فريق كبير .. قدم مباراة كبيرة ..
وتميز .. وتسيد .. لأغلب فترات المباراة .. لكن .. وش نقول ؟؟؟

** خروج البريدي .. كان مثار إستفسار الكثير .. لكن .. الإجابة .. جائت من نفس النجم .. بقوله : والله يا شباب .. ما من .. لياقة !!

** تأهل .. فريق عماش للأدوار النهائية .. دليل على أن هذا الفريق قادم بقوة للبطولة .. فريق يجبرك على إحترامه .. كله نجوم .. وفيه أسماء معروفة على مستوى الشرقية مثل
ناصر حسن .. وهديب .. وشويل .. وإيراد الدوسري ..وفيه أسماء معروفة على مستوى الخليج .. مثل ...حمد محمد [ الذهبي ] المحترف في الدوري القطري .. وكذلك الحارس محمد مشرف الذي شارك مع منتخب المملكة للناشئين في وقت مضى !!

** كان .. لاعب سلتك .. سالم العتيبي .. يستحق الكرت الأحمر .. بلا جدال .. وهو .. يتعمد
النزول .. على قدم اللاعب عماش الخالدي .. في حركة أثارت إستغراب الحضور .. وهي
حركة .. يجب أن لاتصدر من لاعب مثل سالم .. مالها داااااااعي !!

** تفنن .. لاعبي الفريقين في تسجيل ضربات الجزاء .. إلا .. أن أجمل ضربة جزاء .. أتفق
على جمالها المتواجدين .. هي ضربة الجزاء التي سددها إيراد الدوسري .. وسجلها ..
بكل .. أناقة .. ماهي غريبة على أبو عزوز !!

** من المفارقات .. أن من أضاع ضربة الجزاء الأخيرة لفريق سلتك .. هو .. عبدالعزيز العتيبي .. وللمعلومية.. كان نجم اللقاء .. يتحرك .. ويناور .. ويمرر .. ومتحمس بشكل راقي .. لكن .. الحظ ما ساعده في البلنتي .. أحد الحضور .. ردد .. كذا .. دايم ياشباب ..
ترى .. الحلو .. ما يكمل !!

** أثلجت صدري .. العودة القوية .. للنجم المعروف .. والكابتن سامي يحيى .. أبدع ..
وقدم .. أداء كبير .. وكان مع زملائه .. سد منيع أمام هجوم سلتك .. رائع ياسامي !!

** وعلى الطرف الآخر .. كان النجم .. عجاب المري .. في قمة توهجه .. أداء .. وحيوية
ولياقة واضحة [ ماشاء الله عليه ] .. عجاب .. من النجوم اللي يفرضون أنفسهم .. بالقتالية والأداء الحماسي .. تربيع سلام لك ياعجاب !!

** ليلة .. رائعة .. بكل تفاصيلها .. وزادها .. جمالاً .. حضور .. هديب وسيف وسطام من النعيرية .. وحضور .. إيراد الدوسري وشويل وناصر حسن من تناجيب .. و حضور ..
سالم العتيبي .. وعبدالعزيز العتيبي و سعيد هديان وحمد المري من الكويت !!

** على طاري .. حمد المري .. والله .. الذهبي .. قاطع عنه الكهرباء والتليفون والماء ..
تخيلوا .. ولا .. كورة .. قدر .. ينفرد فيها .. كل ما انطلق إلا .. الذهبي موجود .. وقاعد
له .. على الطريق .. للمعلومية .. حمد .. هداف الدورة الرمضانية الماضية في شركة الزيت .. قبل موسمين .. لكن .. الذهبي .. ماعنده مزح [ عيني عليك باردة ياذهبي ] !!

** أقولها .. بكل صراحة .. التحكيم .. عشرة على عشرة .. وكل القرارات كانت سليمة ..
يعني .. مالها .. لزوم .. هالزحمة .. والتشكيك .. بس .. اللي مايلعب يقول .. الميدان وسيع !!

** كل من شاف المباراة .. يتأكد .. أن .. هالمباراة شهدت عودة أحمد كفاش لتقديم مستواه المعروف .. أحد الموجودين .. ردد .. أبو كفش .. كفشهم !!

** كل الفريقين نجووووم ... بس .. ترى .. عجاب المري .. وعبدالعزيز العتيبي .. وناصر
حسن ومحمد مشرف .. كانوا .. سكر زيادة !!

** أجرى فريق سلتك .. تغييرين .. الأول .. خروج البريدي .. ودخول الموهوب دخيل سند .. و التبديل الثاني خروج نايف حمود .. ودخول .. طالب المري !!

** قمة التضحية .. كانت من حمدان غنام .. وهو .. اللي رفضت اللجنة مشاركته مع فريق عماش بحجة تحكيمه في الدورة كـ حكم ساحة .. ورغم هذا .. رفض يترك الفريق .. وجلس
مع الفريق .. وهو .. اللي جاب كل اللعيبة .. وأقول تضحية .. لأن حمدان .. عنده دوام صباح الجمعة .. في الجبيل في شركة كيميا .. وتعرفون دوام الشركات .. 12 ساعة ..
ويبغالها .. راحة .. بس .. حمدان .. كان واقف إلين أنتهت المباراة !!

** هنا .. وصلت .. للنهاية ..

** سامحوني .. إذا .. كلامي يزعلكم .. وصدقوني ..أنا.. ماكنت أبغى أكتب .. بس ..
أبو رائد .. وآآآهـ .. منك .. يا أبو رائد !!

/
\

تروح دورة .. وتجي دورة .. وأنا .. على حطة يدك .. ماتغيرت !!

/
\

سلالالالالالالالالالالالالالام ,,

[نواف الفهاد]

هلا وغلا ..

بكل الحبايب !!

/
\

اليوم ..

مباراة .. بعد .. قوية !!

/
\

لا تقل عن لقاء البارحة ..

بين ..

ناصر صلبي + عبدالله سعد !!

/
\

لقاء نجوم .. ومباراة كباااااار !!

/
\

ياليتني ..

كنت .. أقدر .. والله .. مباراة ماتنفوت !!

بس .. الظرووووووف !!

/
\

أتمنى .. التوفيق .. لـ فريقي . [ عبدالله سعد ] ..

وأعتذر .. لكل زملائي عن المشاركة معاهم ..

أنا ..

لازم .. امشي للجبيل ..

/
\

بس ..

أتمنى من الفريقين تكون مباراة حلوة ..

وأخلاق .. وأخوة !!

/
\

أتمنى التوفيق لـ عبدالله سعد .. ونجومه !!

/
\
/
\
/
\
/
\
/
\
/
\
/
\
/
\
/
\
/
\
/
\
/
\

وأتمنى بعد .. التوفيق ..

لأخوي .. وحبيب قلبي .. وتاج راسي .. ناصر صلبي !!

/
\

سلالالالالالالالالالالالالالالالالالام ,,

[نواف الفهاد]

اقتباس المشاركة الأصلية كتبت بواسطة فهدالقحطاني [align=center][align=center] الى الرمح لم تجف الاقلام لكن همي اكبر من هذه الدوره لما يعاني الفريق في دورات النادي من التحكيم واكمل التحكيم مسيرته مع هذا الفريق في مباراة اليـوم في بعض اللقظات ا لمثيره هدف لم يحتسب وضربة جزاء لاتحتسب من غير التسللات التي تحتسب للفريق المقابل والمهاحم يبعد عن المدافع بعدة امتار كيف يكون تسلل!! الله واعلم يمكن النظام الجديد؟؟ ماادري ياجماعه نبي حكام اجانب حطوا لنا انور _(عامـل النادي)حكم مافيه مانع بس اقوول الفريق المقابل يستاهل وفريق كبير يستطيع احراز الفوز من غير حكم ولا مساعده من احدى ولااقول الا يستاهلون الفوز لكن الحكم لــم نيصفـنا...بناء على كلام الذين شاهدوا المباراه...للمعلوميــه انـهم من خارج الفريــق هذا اللي يخليني مااتكلم وفريقي مايفشل اذا فيه شي يفشل فهو انت لما تكتب وتسيء لاشخاص اعلى منك شان ومكانه وارجو ان تختار الفاظـك قبل ان تكتبها وانت لست ضدي انت ضد الفريق وفي كل مجال تصرح وتجرح تحت مظلة الرائديه فهذا الفريق قائم شئت او ابيت وارجو ان تجعل حقدك على هذا الفريق في قلبك ولاتتباهى به امام بعض الحاقدين وامام الملا رد فريقي على كل المشككين فـمستوى الفريق عشره على عشره وياكثر الاتصالات والمعجبين منهو رقم 18 منهو رقم 6.ومن ومن ومـــــــــــــــن؟؟ لكن الفريق المقابل كبير ويستاهل والاهــم اني شــخص معروف وافتخر اني اداري فريــق سلتـك ولـكن من انت ولاي فريــق تنتمي ايهــا..المجهــووول؟؟دعنا نعرف قيـمتك..اذا كان هناك قيــمه؟؟ ام انك لاتفـتخر باسـمك ولا باسم الفريـق الذي تنتمي اليـــه اوانك شخص مليء بالعيـــــــوب تخاف ان اعيـبك عندمـا تذكر اسـمك....مااقول الا على مااقالواا البدو..طـلع راسـك وواجــه فــهــد....لنرى من هو الخــائــف والجـباان فهـد سليماان القحطاني اداري فريــق سلتـك(افـدم فريـق حواري في مدينة الخفجي وسيظل قائم الى الابــد) عــندما اتذكر المقالات التى تـمس فهـد سليمان بشخصه...والمقالات التى تـمس فريـــــــــــق سلتــك اتذكر المثـــــــل الرائـــــــــــع ...مايــهزك ريــــــــــــــــح عندما تذكر اسمك واعرفك احب ان اقول للذيـن يتصلون لتعطيـهم النتأئج وتصرح قبل مباراتنا....(خلــهم ينفعونك** دامـهم يعجبونك)[/align][/align]

/
\

فهد ؟؟؟

/
\

فهد ..

أنت .. بالدمام .. وشلون تتكلم عن المباراة ؟؟

/
\

يا فهد ..

الدعوى .. ماهي .. كذا !!!

/
\

تجي ..

وتكتب من راسك !!

/
\

يا أخوي ..

يا قلبي ..

يا عمري ..

يا كل عبارات الغلا !!

أنت .. ما شفت المباراة .. وشلون تحط بـ ذمتك .. شيء ماشفته ؟؟

/
\

فهد ..

أنا .. أتكلم معاك من باب حبك .. وتقديرك !!

/
\

فهد !!

أنا .. اللي مكلمك تليفون .. ومعطيك النتيجة !!

/
\

وأنا .. بعد ..

اللي .. يوم سألتني عن الهدف .. تقول .. الشباب يقولون هدف صحيح !!

رحت ..

وخليتك .. تكلم محمد مشرف .. وتسأله من جوالي !!

وقال لك ..

والله العظيم .. ماهو .. هدف !!

/
\

يا اخوي ..

مايصير .. كذا ...

/
\

فهد ..

لا تزعل مني .. بس .. ترى التحكيم عشرة على عشرة !!

وضيدان ..

كان في قمة الروعة .. و رجال الخطوط .. كانوا ممتازين !!

وكل من شاف هالمباراة .. قال هالكلام !!

/
\

وبعدين ..

تقول .. حطوا .. نور .. حكم !!

ترى ..

نور .. قبل .. لا تعرف الدنيا .. وهو .. موجود .. بالنادي ..

يعني ..

يفهم .. كورة .. أحسن مني .. ومنك !!

/
\

فهد ..

لا تأخذك العزة .. بالأثم !!

/
\

ولو ..

ما أنت غالي ..

ماقلت لك ..

هالكلام !!

/
\

ترى الرائدية ..

منبر .. من منابر الخفجي ..

وفيه .. ناس كثيرة ..

تدخل .. وتقرأ .. الكلام المكتوب !!

/
\

فهد ..

أدري .. يمكن تزعل من كلامي ..

بس ..

والله .. ثم .. والله ..

أبي لك الخير !!

/
\

ألا .. هل بلغت .. اللهم فـ أشهد !!

/
\

سلالالالالالالالالالالالام

[مشاكسmbcرومنسى]

يعطيك العافيه اخوي نواف لاهنت يالغالي على هالوصف الأكثر من رائع للمباراة وربي الكيبوردحقي تلعثم ودي أمدح بس يخوني كيبوردي لاهنت ويعطيك ربي ملالالاين العافية وماقصرت كفيت ووفيت ألف شكر.....................<<

[توتي]

الى من يسمي نفسه بالرمح [/color]

نقد بناء بعينك ... انت بناء

& خلف دكة سلتك اضع خطين تحت هذه الكلمه هل هي اعجاب اما ماذا ؟؟

& يفشل قمة البناء كلمة تخرج من حقد دفين وبكل تفاهه ورعونه تتكلم عن فريق كبير

ولااقول الا على قولة عبدالحسين عبدالرضا

(صفى النيه )

& الهدف بلنتي وش المشكله ونطالب بلنتيات حق مشروع يعني اذا لي بلنتي خلاص

تكسرني داخل ال18 عادي البرازيل سجلت 3 بلنتيات في مباراه واحده على الارجنتين

وش المشكله حق من حقوقي ماابي الا حقي يارمح ارمح بعيد عني ولاتدخل في دوامه

تقذفك بعيدأ عن القسم الرياضي الى مطبخ الرائديه لكي تعود للبصل والكوسه كما

تقول واتمنى تاخذ شغالتكم الاندونيسيه تساعدك ..


& بعدين من اللي طلب رايك رايك لايهمني واعرف من اطلب رايه واحتفظ برايك للي

يكلمونك تعلمهم بنتائج يالالوسي ياصاحب الكوره السحريه


& يااخي خاف الله الظاهر انا مشرك ...بعدين خايف الله قبل اشوف وجهك


& الذهبي (ابنا خيك ) اذن لماذا التطفل هل

تحاول ان تصطاد بالماء العكر لا بلى بالماء..... تغيير لاجلك يامن تدخل بين الظفر واللحم

الذهبي يعرف مااقصد ولنا مقصد في مانقول يا مثير المشاكل ...

& لقب الذهبي انا من اطلق هذا اللقب ولم اندم ولن اندم يااصحاب العقول الضعيفه ..

تجريح

وحقد

وتفاهه

ورعونه

وتطفل

انت تكتب براس الرمح ولاتكتب بالقلم ولكن قلت لك قبل ذلك الرد حاضر

ولاتدعني انزع عن راسك طاقية الاخفاء لكي نلعب على المكشوف

اسمحوووا لي ياجال الرائديه فهذا الرجل حاقد واريد ان اخبره لسنا ب (الجدار القصير

[توتي]

[align=center]الــمــقــدمـــه
شاهدنا الليـله مباراه من اروع المباريات كانت تجمع فريقي ناصر صلبي وفريق عبدالله سعد وكانت مباراه ممتعه ومثيره لانها تجمع نجوم كثر من مدينة الخفجي امثال ناصر صلبي وعبدالله سعد وطارق مدغش ومحمد الهاجري وفياض سميحان ومشاري علي وغيرهم من النجوم الموجودين وكان هناك مباراه خاصه بين الكابتن ناصر والكابتن عبدالله سعد لما لهم من ثقل داخل الملعب وكل شخص يجرب قدرته امام خصم شرس ولم يكتب النجاح لاحد رغم نجاح ناصر في مايريد وهو تأهل فريقه وكان له مايريد بتسجيله لثلاثة اهداف في هذه المباراه ليقول للجمهور الحاضر تعودت هنا انا اسعد جماهير الخفجي على هذا الملعب وتعودت تسجيل الاهداف وساظل كعادتي .........

الــــتــــحــــلـــيــــل

الشوط الاول

بدأت المباراه بين الفريقين قويه وسريعه وكان اللعب محصور في وسط الملعب في اول ربع ساعه وكان اللعب زجال لما يملكه الفريقين من نجوم في خط النص امثال محمد الهاجري ومشاري الشمري في فريق عبدالله سعد وفياض سميحان وفراج عبدالوهاب في فريق ناصر ولم تكن هناك محاولة تذكر على اي من المرميين وبعد مرور ربع ساعه كان للقناص ناصر الشمري رايه بعد تمريره على خط 18 من المدافع عبدالله سعد لزميله ياسر الشمري الذي لم يستطع السيطره عليها لتصطدم بساقه ليخطفها ناصر الشمري وينطلق بها ليضعها في الشباك كهدف اول في هذه المباراه وبعدها يعود اللعب في منتصف الملعب ليلتقط محمد العازمي كره على مشارف الثمانية عشر ليسددها قويه لتجد الحارس خالد حسن الذي تصدى لها لتسير على خط المرمى ولم تجد المتابعه ولكن هذا الهدف الاول لم يكن ليرضي غرور ناصر الشمري ليستغل خطا اخر في منتصف الملعب للمدافع فايز الرشيدي بعد محاولة المراوغه ليخطفها فايز خلف ليمررها للاعب ناصر صلبي لينطلق كسهم رغم محاولة المدافع عبدالله سعد لكنه لم ينجح لسرعة هذا المهاجم. بعد هذاالهدف قام الكابتن عبدالله سعد بتغيير اللاعب محمد سلطان بفهاد الدوسري ووتعود المباراه الى نصف الملعب ليعلن بعدها الحكم عبدالله ثويني نهاية الشوط الاول ...

الشوط الثاني

بدا الشوط الثاني وبدا فريق عبدالله سعد عازم على تعديل النتيجه ودخل الشوط الثاني بقوه وضغط على مرمى الفريق الاخر مما نتج عنه ضربة جزاء للاعب فايز الرشيدي بمثابة تعديل للخطا الذي نتج عنه الهدف الثاني ليتقدم الكابتن عبدالله سعد ويضعها في المرمى.
وقام محمد الهاجري بتمرير كره الى محمد عياش ليضربها براسه لتتجاوز حارس المرمى ويقوم المدافع الرائع محمد احمد بابعادها من على خط المرمى.
وفي تمريره من وسط الملعب للمهاجم القناص ناصر صلبي لينفرد بالحارس ليسجل الهدف الثالث له ولفريقه ليعلن انه اول هاتريك في دوري الثمانيه وسط مطالبة الفريق الخصم بتسلل لم يحتسبه حكم الرايه ضيدان الشمري.
ايضا احرز فريق ناصر الهدف الرابع من ضربة جزاء احرزها اللاعب سايــر حامد وكانت ضربة الجزاء بسبب خطأ احتسب لصالح ناصر صلبي بعد تعرضه لاعاقه من حارس المرمى وفهد سعد.
وانفرد محمد العازمي ايضا بالحارس ليلعبها ارضيه وتتجاوز الحارس لكن المنقذ محمد
احمد مرة اخرى.
ومن هجمه مرتده وصلت لطارق مدغش من الجهه اليمنى ليقوم بتمريرها لفايز خلف في وضعية انفراد وبسبب تاخره قليلا ومحاولة تجاوز الحارس تعرض للسقوط وضاعت الفرصه
وسط مطالبة من الكابتن ناصر بضربة جزاء ليعلن بعده الحكم بعدها نهاية المباراه ..
وكانت المباراه رائعه من الطرفين وشهدت عودة اللاعب فراج عبدالوهاب لوسط الملعب الذي كان من افضل لاعبين شباب نادي العلمين سابقا.[/align]

[داعــ العين ــج]

[align=center]بصراحة كانت مباراة رائعه


استاهل فريق ناصر صلبي الفوز بالمباراة


لانه كان افضل من فريق عبد الله سعد وخاصة في الشوط الاول


لكن بصراحه كنت منقهر من المدرب لانه ما دخاني اصور المباراة


وصورتها من المدرجات

وانشاء الله نتمنى التوفيق للفرق المشاركة


ونتمنى النجاح للدورة



تحياتيـ، [/align]

[توتي]

[align=center]لقاء مع الكبار

كان لنا هذا اللقاء مع كباتن الفريقين
عبدالله سعـد && ناصر صلبي

بعد نهاية المباراه التقينا بالكابتن عبدالله سعد وكان لنا معه هذا الحوار..

1-هارد لك ياابوسعد وخيرها بغيرها..!!
ليرد بعادي والحمدالله على كل شي.

2-ماذا تقول عن مباراة اليوم؟
بصراحه مباراه كبيره وقدمنا الكثير ممالدينا لكن تجري الرياح بما لاتشتهي السفن وكان الفريق الخصم لايستهان به ..

2-ماهي اسباب الخساره بوجهة نظرك ككابتن للفريق؟
كرة القدم فوز وخساره وكان لنا نصيب الخساره في هذا اليوم
ولكن الاسباب الفعليه بالنسبه لي اولا احتساب الحكم الهدف الثالث مع انه تسلل ليكون بمثابة القشه التى قصمت ظهر البعير وثانيا غياب بعض اللاعبين الذين كنا بامس الحاجه اليهم بحجة الاصابه او التزامات اخرى وثالثا وصول بعض اللاعبين قبل المباراه من السفر للعب في هذه المباراه وعلى راسهم انا.

كلمه اخيره ماذا تقول؟؟
الحمدالله على كل شي.
ومادام طلع فريق عزيز لازم نكون معه مع وجود ابتسامه عريضه على وجه الكابتن عبدالله سعد تعكس روحه الرياضيه وان خسارة مباراه وخروجه من الدروه لايعني نهاية المطاف.
-------------------------------------------------------------------------
-------------------------------------------------------------------------
وبعد ذلك ذهبنا الى الاخ ناصر الشمري ليكون لنا معه هذا اللقاء على انفراد وبعيد عن زحمة اللاعبين والجماهير.
1-مبروك ياكابتن ناصر!!
الله يبارك فيك .

2-ماانطباعك عن مباراة اليوم ؟
بصراحه كانت مباراه قويه وصعبه وولله الحمد كانت لنا الغلبه بالنتيجه.

3-سجلت ثلاث اهداف وتسبب في ضربة الجزاء ماتعليقك على دفاع الخصم؟
الدفاع كان جيدا ومتماسكا ولكن بتوفيق من الله ثم مجهود زملائي في الملعب استطعت ان استغل الفرص المتاحه لي

.4-ماتعليقك على اان هدفك الثالث غير صحيح وهو تسلل وخطأ من حكم الرايه؟
بالنسبه للهدف الثالث فهو صحيح ميه بالميه من وجهة نظري المتواضعه واريد ان اريد ان اذكر ان هناك ضربة جزاء لم يحتسبها الحكم لصالح اللاعب فايز خلف واعتقد ان السبب تقدمنا باربعة اهداف مقابل هدف.

5-كلمه اخيره ماذا تقول؟
اتمنى التوفيق في المباريات القادمـه وهاردلك للفرق الخارجه من البطوله.[/align]

[أبو رائد]

الله يعطيك العافية يا توتي



وتسلم على هذه التغطية الرائعة



وهذه اللقاءات الطيبة مع نجوم كبار


ونأسف لعدم عرض صور للمباراة


بسبب التصوير من خارج أسوار الملعب


وذلك بعد رفض دخول ( وائل ) لأرض الملعب للتصوير


نبارك لفريق ( خالد كايد ) وصولة لـدور الأربعة


والجدول التالي .. يبين موقف الفرق .. ويظهر


فريق خالد كايد الوحيد في دور الأربعة وننتظر


الثلاث فرق الآخرى ...







نتمنى أن نشاهد مبارايات تعكس المستوى الحقيقي

لشباب الخفجي ..



لكم شكري وتقديري

[أبو الهنـــــوف]

هلا و غلا

اخوي الغالي أبو رائد


الله يعطيك العافية على المجهود الرائع



ما أقول الا الله لا يحرمنا منك يالغالي


أخواني الأعضاء جميعا دون أستثناء

أود الأشارة لكم إن أخوكم منبسط منكم كلكم

على الوصف الرائع و الدقيق

خاصا أخوي الغالي نواف و توتي


نواف الغالي الله لا يحرمنا من تعليقاتك

ما شاء الله عليك يالغالي

أخوك بالرياض بس كني شف المباراة ...






من تحليلك للمباراة الرائعه




يريت تحلل بالرياضية يالغالي



الغالي توتي


الله يعطيك العافية يالغالي


مجهود يستحق الذكر


تحليل رائع يالغالي


منت بسيط و الله تحلل مباريات

يريت تكتب بالرياضي

هاردلك يالغالي

و تعوضها إن شاء الله بالدورات القادمه


وأخير :


مبروووووووووووووك للفايزين

و

هاررررررررررررررردلك للخاسرين




الحمد لله فريقي ما طلع


شدوا حيلكم ...

و اتمنى لكم التوفيق


ولكم كل الشكر جميعا