مطبات الخفجي احصائية خطيرة وتجربة مثيرة

[/ خط أحمر /]

اقتباس المشاركة الأصلية كتبت بواسطة سليمان الصقر ما تلاحظون إن صناعية الخفجي كل ما فتح فيها صفة محلات جديدة إلا وهي رايحة كلها ومن النادر جدا أن تجد بها محل للايجار تدرون ليش لأنها ماشية زي الحلاوة بسبب كثرة خراب سياراتنا بسبب المطبات المنتشرة بكل مكان بالخفجي ، أبي أعطيك مثال بسيط ، القماشات أو السفايف شوف انت كم مرة تمسك بريك ، فإذا حسبنا المطبات والاشارات والدوارات واللفات والحفر وأشباه المطبات ما راح أبالغ إذا قلتلك 200 مرة باليوم يعني راح تمسك بريك بالشهر 6000 مرة ( ستة آلاف مرة ) هذا مثال واحد والباقي عليك

عز الله صادق



وبعدين المشكلة مو بالكثرة المشكلة في العايير الي يتم بناء عليها إقامة مطبة


أحس المعايير ( 0 ) المفترض المطبات يكون لها مواصفات ومعايير معينة يتم بحسبه بناء المطبات



و هناك معايير موجودة لدى البلدية والمفترض إنها تراقب وتحاسب المقاول على التقيد بها

[مطفش ابليس]

ما دام الموضوع عن المطبات وجبت طاري المطبات تكفون اجل انا وش اسوي بمطبات الاسكان والله تقول جاي من فوق ثور من كبرها
مطبات وانت داخل وخارج والله سيارتنا تكسرت واعرف واحد من الشباب سيارته جديده
من الوكاله يقول الاذرعه راحت فيها وكل فتره يسوي لها ترصيص
النجده النجده شوفوا لنا حل مع اداره الاسكان

[زمان الصمت]

الحل كل 6 شهور بدل هيئه اماميه وكل 4 شهور سفايف ..

[فهد العبدالله]

الف شكر لك اخوي على هالموضوع ..

وبصراحه مافيه فايده صوتنا يسمعونه المسئولين ولكن لاحياة لمن تنادي ..

سبق وان طرحنا موضوع الشوارع وكثرة الحفر والمطبات فيها ولكن يأخوان

اذا وُظف الشخص في المكان اللذي لايستحقه تنتج هذه المشاكل..

[ماجد الخفجي]

والله الحين زمان المطبات يالخفجي

[سليمان الصقر]

صباح الخميس 23/6 رحت للكويت أراجع بأحد الوزارات وبعدها مريت كم محل وتمشينا مع الأهل ورجعنا قريب المغرب ماواجهت إلا أربع مطبات بالجمرك وكثرهن بالوزارة وكلها عند بوابات رسمية أما الشوارع الخارجية ولا مطب واجهني ، يعني كل مشواري داخل الكويت مامر علي أكثر من 18 مطب أما بالخفجي مشوار واحد للدوام 50 مطب ، وأنا أقول أن كثرة المطبات من مظاهر التخلف .

[ابن البلد]

[align=center]
مصائب قوم عند قوم فوائد

اصحاب الكراجات شكلهم يقولون اللهم زد وبارك

والمفروض ان الخفجي تسمى ام المليون مطب

طرح مميز بالتوفيق
[/align]