معاناة 5آيام بمستشفى الخفجي (أهمال0صراصير0عشوائية في كل شيء)

[مابقى]

بسم الله الرحمن
تري ياخوي ماشفت شي من الاهمال والنظافة هاذي حدث ولاحرج لان الشركة ماتستخدم ادوات جيدة ولا بعد العمالة مايشتغلون الا اذا عطيتهم فلوس والمدير وقع عقد جديد مع شركة سراكو مع انة واضح انة شركة فاشلة بمعني الكلمة بس اذا عرف السبب بطل العجب والله يعين اهل الخفجي موفق بإذن الله ... لك مني أجمل تحية .

[مابقى]

بسم الله الرحمن الرحيم
ماشفت شي ياخوي بس النظافة حدث ولا حرج من الاهمال ولا بعد العمالة مايشتغلون بدون ماتعطيهم فلوس والمدير راضي عنهم كل الرضا وقع عقد جديد مع شركة سراكو لمدة ثلاث سنوات مع العلم انه شركة فاشلة بمعني الكلمة بس اذا عرف السبب بطل العجب
شـكــ وبارك الله فيك ـــرا لك ... لك مني أجمل تحية .

[مشارك]

اقتباس المشاركة الأصلية كتبت بواسطة رمضان العنزي وللمعلومية يضع وجبتان واحده لي والاخرى لا أعرف لمن .!!!

اخي رمضان ابو ماجد

أشهد بالله أنك صادق بهذه الوجبات وأنا أحد الزوار عندك يوم يوزعون
الأكل وتعشيت مع واحد من الزوار والباقي يظحكون

كرماء واعتقد بانها محسوبة ومصروفة على المرضى

لا يوجد مرضى ولازم يشتغل المطبخ وترفع التقارير هناك مرضى

[مايكروسفت]

الحمد لله على السلامه لكن اخي الكريم مستشفى الشركه ماكان 6 نجوم يوم اهل الخفجي يعالجون فيه

[رمضان العنزي]

اقتباس المشاركة الأصلية كتبت بواسطة مايكروسفت الحمد لله على السلامه لكن اخي الكريم مستشفى الشركه ماكان 6 نجوم يوم اهل الخفجي يعالجون فيه

عزيزي مايكروسفت

الله يسلمك وما تشوف شر والله يكتب لك زيارة مريض
ويجعلها في موازين أعمالك .

بخصوص أستثنائك لفترة محدودة وهي آيام مراجعة مستشفى شركة الزيت
العربية المحدودة .

قد يكون قصورا ونقصا تلك الايام ولكن ما أجمل أن تتقدم ولا تلفت للماضي

ولماذا لم تتحدث عن الوقت الحالي

...........

عزيزي

الان تحت أدارة شركة أرامكو لاعمال الخليج

والشركة المشغلة شركة دلة ويرأسها(مديرها)

عبدالعزيز العسكر

من اصحاب الخبرة بشركة أرامكو بالظهران ومتواجدا بمكتبه بالخفجي

وتحت عيناه وتجدة دائما قريبا من المرضى وأقسما بالله لا أعرفه

الا بعـــد أن غادر غرفتي وشرفني بزيارته سألت من حولي قالوا هذا

مدير شركة دلة الشركة المشغلة وعرضوا سيرته العملية

ومن أهم الأنجازات لمستشفى عمليات الخفجي المشتركة

علاج الطفلة مرام الشمري

الحدث الابرز على مستوى العالم وخلال فترة بسيطة

عزيزي

ولا ننسى دور مدير إدارة الخدمات الطبية

الذي استطاع أن يعمل على التطور وما أنشاء ووضع الحجز الاساسي

لمركز التدريب الا عنوانا للتطوير ولم يكتفي بشهادة الممرضين وانما

يستمرون في مجال التدريب لمدة شهور وخلال التدريب فقط يطبقون

عمليا بالاستماع ومرافقة من يعملون بالعيادات ولن يقدموا اي خدمة للمريض
الا بعد أن يجتازوا تلك الشهور .

يا أخوان

ارامكو لاعمال الخليج تهتم بموظفيها والخدمات الطبية من اهم العوامل

الاساسية للموظف

بينما نحن مواطني الخفجي

تزداد امراضنا فور دخول مستشفى الخفجي العام نفسيا لعدم تواجد

الأستقبال والممرضين والدكاترة والغياب المؤثر هو غياب الأداري

كالمدير المناوب لكي يتواجد الموظف ,


وسوف تتطلعون على التقرير والمقارنة بين المستشفيين قريبا

الله يشفي مرضنا ومرضاكم
الله يعدل حال مستشفى وزارة الصحة بالخفجي

[بنت النور1]

السلام عليكم....انا ما انقص عنك بشي ولدي عمره 9شهور اعطاني دكتور هندي لو يغسل سيارات ابرك له من المستشفى عطاني مضاد حيوي حق رجال بالغين بغى ولدي يروح مني والنتجيه بقع جسمه وورم بلوريد جسمه احتقن و اول ما رجعنا المستشفى من بكره قابلنا هو وارتبك لمى شاف الولد كذا وساعه واحنا هوشه معهم نبي دكتور يفحصه ويشوف السبب لاحياة لمن تنادي من 5 الفجر الى الساعه 8 ونص واحنا ننتظر حسبي الله ونعم والكيل لا ولمى كتبو لع تنويم يبون يحطون له مغذي 2فلبينيات ربع ساعه وهم يحاولون يركبون المغذي ويدخلونه ويرجعون يشيلونه 5 مرات وهم يدخلون الابره بكل مكان بيده ورجله وتقطع قلبه وهو يصيح الله لايحللهم حسبي الله ونعم الوكيل حسبي الله ونعم الوكيل اتمنى يجيبون او يفتح بلخفجي مستشفى يكون فيه دكاتره متخصصين وبندفع بس اهم شي الصحه مافي شي يعوضها

[مايكروسفت]

اخي الكريم في الوقت الحالي لا اعلم عن مستشفى الشركه شي
لكن في السابق يوم كانو اهل الخفجي يعالجون فيه كان فيه مشاكل كثيره
ومستشفى الخفجي العام الان سئ لانه يعالج اهالي الخفجي
يمكن لو يعالج فيه موظفي الشركات تزين خدمته
مثل مازانت خدمة مستشفى الشركه على قولتك
بعدين انت اخي شهادتك مجروحه في المستشفى لانهم معالجينك فيه

[نايف عايد]

رمضان العنزي حمدا لله على سلامتك ..

اخي رمضان أتعجب من بعض الأسماء التي كانت تدافع عن مستشفى الخفجي العام واليوم أختفت..

فأين هم من هذا الموضوع والتبريرات السابقه..

وللمعلومة اخي رمضان منذ شهر ونصف ذهبت انا وزوجتي للمستشفى الخفجي العام وكانت حالتها تحتاج لترقيد فوافقة..فكان هذا الكلام ليلا

فحينما سرت معهم مرافقا حتى لغرفه الترقيد لهدف توصيلها مع السستر

تعجبت من رجال الأمن يقولون ممنوع الدخول فهنا شعرت كأن المريض يقودونه إلى السجن دون مرافق..

وبصراحه أرتبكت لأن زوجتي ليس من السعودية ولاتعرف رقم جوالي ولا هاتف منزلنا ولا تفهم على كلام الدكاتره

فذهبت للمنزل واحضرت احد اخواتي للمرافقه لها و بعد مرور يوم في المستشفى بدأت ترتسم المعانات على وجهها مما واجهة في المستشفى

من سوء الإهتمام من قبل الممرضات وحرورت التكييف وسوء الأكل والنظافة

فقامت تذرف الدموع بعد زيارتي لها أخرجني من هذه المستشفى فقلت لها غدا إن شاء الله وفي نيتي إذا لم يخرجونها سأخرجها على مسئوليتي لكن ولله الحمد اخرجوها من المستشفى بعد التطمئن على حالتها

و منذ ذلك الوقت وكرهت جميع الوجبات التي تناولتها في المستشفى وإلى يومنا هذا حتى في منزلنا..

وفالنهاية نتمنى أن نرى تغيير في هذا المستشفى ماأجملك يامستشفى عمليات الخفجي المشتركة في نعيم مرضاهم..

لامقارنة بين مسشفى عمليات الخفجي المشتركة ومستشفى الخفجي العام

تحياتي لك واشواقي..

[سعود السهلي]

الله المستعان على مايفعلون


ياخي والله هم مايستقبلون المريض الى الي فيه حاله طارئه و حوداث هذا الكلام الصبح و الظهر اما بعد العصر يستقبل اي شي...

[دنياالوله]

السلام عليكم ورحمة الله وبركاته
كل مكان فيه جانبين جانب حسن وجانب سيء وكل ماكان المكان يتسم بمساحه كبيره وضغط عمل كبيرلايؤدي إلى نتيجه 100%
وانتوا تبون الناس على كيفكم وليس من المعقول انه مافيه ايجابيات بالمستشفى وياليت الاخ رمضان يتسم بالمصداقيه في بعض الكلام لان الصوراللي منزلهم قديمه وانابالعكس شفت اهتمام من العاملين بالمستشفى والدكاتره يبذلون جهودهم وحتى العاملين في المجال الأداري يركضون للناس ولراحتهم ولومافيه اهتمام كان ماشفناالخدمه اللتي اطلقوهالعلاج كبارالسن في منازلهم وخافوا الله الواحديجي بالمنتديات اوبالجرايد ويكتب اي شي يجي بباله يبي يشوف التفاعل والناس ماتصدق خبرولاتقارنون المستشفى العام بالشركه في فرق من نواحي كثيره واولهاالكم الهائل اللي يتعالجون بالعام للأمانه كيف بيلحقون على هالبشر
اتمنى الجميع يتقبل وجهة نظري وهذا الصدق من الواقع اللي جربته