وجع حب .. ووجع شعر .. ووجع "شوق " .. ووجع ضيقه
............................على كيفك وهاك اختار هذي ( سلة أوجاعي )
غلا ..!! واسمع نزيف الجرح .. كلام الصمت ما اطيقه
...........................أنا محتاج أسولف لك عن أول وآخر أوضاعي
وأبد لا يجرحك صوتي .. حياة الطير تحليقه
..........................وعليك الله تصير الكن والمسباق والداعي
أنا اصدق طير بالدنيا .. عشق حتى مسابيقه
.............................ولكني بديت أذكر معك أيام مرباعي
تعال افتح كفوفك حلم .. واموت بيوم تحقيقه
..............................تعال ارسم بحور العشق وكسّر لو تبي شراعي
تعبت افتش الدفتر .. وأحس بحزن تطبيقه
..............................دخيلك غمض عيوني .. وخلّ الشوف لاصباعي
أبي غيم ٍ سرق ربعي .. وذللهم بتشريقه
.............................أكون أول بشر مجنون .. تزوره بالعطش قاعي
وحتى لو وهم .. تكفى .. أبتوهّم .. بتصديقه
...............................أبي ذاتي .. أبي مولد .. يوازي صرخة الناعي
أحس بداخلي عالم .. حرام أقتل مخاليقه
.............................حرام اسكت وأنا صوتي .. نذرته وجه لاتباعي
يا أول قلب يبكي لي .. وتبكيني مواثيقه
...............................أنا أطباعي مهي زينه ..ولكن هذي اطباعي
تغرّب بي قوافل موت .. أقول العمر تشريقه
.................................أعيش بشبه غيبوبه .. وأعرف إن الزمن واعي
أكمل لك؟
اكمل لك؟
أكمل لك ؟ وجع خوف .. ووجع فقر .. ووجع ضيقه
..............................وعلى كيفك ترتبني .. حلالك .. بالهوى أوجاعي.
المواضيع المتشابهه
العرض الشجري