{ .... آهـ مآأرق الريآض تآلي الليل ..{ روآئع البدر } (( موضوع مميز ))

[goree]

تعبت اسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الالم لاشك جرحي غلبني
انا سجين الحال مهما تسليت
وانا الطليق وكل شي قضبني
حريتي لا عل ياكود ياليت
ماشفت حي جاد لي ماسلبني
وليت ياليل التباريح وليت
اما محاني الحزن والاكتبني
كل السما في دفتري وان تجليت
مثل الشموس غبار قبري حجبني
لي صاحب وان ماتخلى تخليت
لابد ما نهدم ولابد نبني

[goree]

مـدخ ــل..{

أنا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَرابٍ ولا مَيّ
راعي الهوى تفنى وراها سنينه

وقفت انا لحظة
وداعة ابكي
وانا ضاحك سني

الله يرد خطاك لدروب خلانك
لعيون ماتنساك لو طال هجرانك
الله يردك لي
يامطول غيابه

ليه أحس اني وانا اشوفك حزين
وقلبي الليلة بهمي ممتلي
كانها الفرقى
طلبتك حاجتين
لا تعلمني
ولا تكذب علي

مثل الوسن انتي
حبك سرقني وانتبهت
وتوي اعرف ان الزمن فرقة ووعد
وان الهوى ماله ثمن

يامن يغيب القمر
لا من ظهر خدة
الزين زينك
وانا كثر الوله ذنبي

اول اليوم عانقت الشفق
واخر اليوم عانقني شفق
وانا بين التلاقي والفراق
ادفن العمر
واحفر لي نفق

عيني عن النوم جزاعة
وكثر الهواجيس فزني

ليله لو باقي ليله
في عمري ابيه الليلة
واسهر في ليل عيونك
وهي ليلة عمر

لا والذي سواك ماريد سواك
ماأخبر به نفس تمنت قدرها
وكان التفرقياادعج العين عناك
انا الذي روحي
عذابه مهرها

فصل الخريف حبي
حزن وورق اصفر
ودعني ياقلبي
وخل العذاب اقصر

سيدي قم
ماخبرت اللي يحب
يشتهي النوم

دامه معي اغلى الحبايب
فانا حي
باللب اضمه يوم قلبي ضنينة
له في ضميري من لهيب
الوله كي
روحي معه عذب المناجي
رهينة

بالله لا تبكي عندي
وذا رحتي سوي اللي تبين
مالك عزى في قلبي الحزين
ومدري ايش اقول
لاني سبب جرحك
ولا عندي الحلول

مـ خ ـرج..{

نور الصبايا .. بسمة الدّار والحيّ
نوره ولا شمس الضحى تستبينه
دامه معي أغلى الحبايب فأنا حّي
بالقلب أضمّه يوم قلبي ضنينه

له في ضميري من لهيب الوله كي
روحي معه عذب المناجى رهينه

ياصاحبي لا تنشد الروح عن شيّ
أنا حبيبي .. نور كل المدينه

[goree]

المحبة أرض و الفرقا أراضي
و الزمن كله ترى لا غبت ماضي
والله إني ما أشوف إلا عيونك
أن رحلت اليوم أو طول مراضي
قالوا العذال و العذال مرضي
وش بلى حالك من الأشواق قاضي

قلت يهجرني حبيبي لين يرضى
علموا الظالم ترى المظلوم راضي
جرحوني في هواك و قلت بشكي
ما هو من جرحي و لكن لا اعتراضي
وش علي لو قطعوا لجلك عروقي
من رضى بالحب يرضيه التغاضي

>> الـ بـدر <<

[goree]

,



لـو رضى قلبي بـ غيرك.. ماأبيه..!


,

[goree]

يا بنت منهو غاب ..
ضحك و حكي و أحباب
و انتي و أنا و قلوبنا .. صرنا
حديث أغراب
أثر المفارق صعب ..
غيمة سواد وليل
أنساك هذا صعب .. لا مابقى بي حيل
يا عيونك الظلما .. مافي الجفا كلمه
ومال الغياب اللسان..

..اتصوري
مره نسيتك .. وابتسمت
واتصدقي ..
اني على البسمه ندمت
و الأكيد اني بكيت .. ما ابتسمت
أبسألك ..
وشهو الشبه ..؟
بين النهايه والأخير
كلها نفس المصير

وأبسألك ..
من قال لك ان الهوى جرحه عذاب
وأجمل أيامه غياب
عمر الحزن ما يلبس اثياب جداد
مثل الهجير ما يعرف أنفاس البراد

[goree]

في الليالي الوضح ..
والعتيم الصبح ..
لاح لي وجه الرياض ..
في مرايا السحب ..
كفّها فلة جديله من حروف ..
وقصة الحنا طويلة .. فـ الكفوف
من نده عطر الرفوف ..
لين صحاه ..
في ثيابك يا الف ليله..
وفي الهبوب ..
انثنينا يا هبوب النعاس .. والحلم ..
ألف غصن من اليباس ..
فز لاجلك .. وانثنى ..
اكسري الاوهام كاس ..والمواجع فم
وان عشقتيني انا ..
ما ابي من الناس .. ناس ..
ما علينا .. لو طربنا وانتشينا
آه .. ما ارق ( الرياض ) تالي الليل ..
انا لو ابي ..
خذتها بيده ..ا ومشينا ..

يا نصيبي من الصور .. والرسايل
ومن كل شمس قايمه .. ومن كل ظلٍ مايل ..
يا مكاني من البيوت ..
ومن الصحاري اللي .. فرقت فكري قبايل ..
وين احب الليله .. وين اهيم ..
اقبلي مثل ديم ..
أو غصون النار تنبت فـ الغضى ..
وبين ما خلى من النخيل الفضا ..
وما نسى الغيم ..
أقبلي .. يا بختري عيوني من الربيع ..
وطل وجهي من الشتا ..
ومثل صوتي من الهبوب ..
اقبلي مثل الرياض ..
من تعاريج الدروب ..
في ضلوع الوادي ..
وين حبيتك قمر .. فوق طين أجدادي ..

وين احب الليله .. وين أهيم ..
ارفعي طرقة الشيله .. عن سديم ..
وكوبٍ وهاج ..
اقطعيني بنصل طرفٍ سادرٍ وحجاج ..
شقيقيني يالهبوب العارضية ..
واهدمني سياج ..
لين أغني الهوى ما هو خطيه..
يالعفاف اللي تسربل بالبياض ..
كل ما قربت يدينا ..
ناض طير.. وجض ريم ..
ما علينا ..
آه .. ما ارق الرياض تالي الليل ..
انا لو ابي ..
خذتها بيدها .. ومشينا

[goree]

ترى فرقى الأحبه [شين]
سهرنا والهوى واحد .. وصرنا والفراق إثنين!
حبيبي.. قلبي اللي كان
وفينا.. والزمن خوان..!
صبرنا والسؤال سنين..?!
سقا الله روض خلاني .. رحلت وما رحلتوا :-
بعين
....ولا روحٍ
............ ولا وجدان..!
نسيتوا بداركم إنسان.. نسيتوا وما نساني البين !





,

[goree]

الـــبتــــول
كل أرضٍ تشيلك يا ثقيل الحمول
وكل وقتٍ كريمٍ بالرضا والزعل
وين مارحت تلقى لك حبيب وعذول
وين ما كنت تلقى مثل ياسك..أمل
ياطريق الترجي والوله والنحول
والله إني مشيتك... لين حد الثمل
مالقيت فوصولي لغير قبري وصول
ولا عرفت فحياتي مثل عرفي الجهل
لا تظن المسافر من يسوق الرحول
من وقف دون حلمه عاجزٍ ما رحل
وما لمخلوق منجا في الحذر والجفول
ما تصيب السهام ولا يطيش الاجل
الليالي خوات.. مير منهي البتول
والحوادث عشاير مير وين الفحل
ليلةٍ لك .. وليله بالفرح ما تطول
وليلةٍ من شهدها ذب راس الجبل
أتذكّر في عين الشمس طفلٍ خجول
شالته في هدبها وقت لين إشتعل
أعجب الناس وهجه بالجدل والفضول
ما دروا عن (جمال الجرح) لين إندمل
والله اني كتبته في العطش والذبول
لين غصنه تعدل بالورق وإعتدل
والله إني كتبته لين قال الجهول
والله إني كتبته وانتشى واحتفل
ما أتفه الشعر كانه هالحكي اللي نقول
لا تعدى المديح ولا تعدى الغزل
إن لثمت الزهور وصاحبتني الحقول
ماهقيت ان صافي الشهد عيب النحل
مابقى في ضلوعي كود ريح معمول
وثوب شاشٍ عليه من الندامه وحل
ألتفت للطريق وما عبر منه زول
في جفوني تزاحم عبرتي والوجل
طلت يالعمر والا قلعتك لا تطول
طاولتنا الليالي بالسهر والملل
إن تعبنا نحب ولا لقينا قبول
ما تسر الاماني .. ولا يفيد العذل
لكن .. الله كريم وكل همٍ يزول
ما على الله بعيد .. ولا جفاك المحل
كل أرضٍ تشيلك .. يا ثقيل الحمول
وكل وقتٍ كريمٍ بالرضا والزعل

[goree]

سجني وسجاني
أحزانك احزاني !!
وشلون ابنساك ؟
وشلون تنساني ؟
محبوس في عيونك دمع
وزنزانتي تقطيبة الحاجب
وحاول توارى في الجفا ...
يا وجهه الصاحب
بتشوف نفسك في يدي ...
قيدٍ رقيق
قيدٍ سلب حريتي

[goree]

أستبد




استبد..استبد احيان

استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك..
وابتعد..ابتعد
واحيان ما املك العواصف .. ولا الزلزال
ولا حتى .. فـ الهجير .. ظلال
لكن استبد..استبد باللي عندي
اضرب بيدي فـ الهوى..بجبيني فـ الصخر
لين اتعب ..اتعب..وانهمد
مثل طفل اضناه البكا.. والسهر
وانتي آخر ماأعد في عمري
واجمل ما أعد
اعشقي ظلم الغصون الخضر للحطاب
والجلد للأنياب..والجفن للسكين
اعشقي هـالظالم المسكين...
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك

وابتعد .. ابتعد