رواية انت تدري اذا البنت عشقت وش ممكن يصير !

[دانة الكون]

النمســـــــــــا









في طرقات العاصمه الساحره فيينا ....

كانت تتمشى برفقه سامرشابكه يدها بيده وكانهم عرسان بشهر العسل
وهي تضحك وتمزح في جو مرح كان اثره جميل على الاثنين ...
سامر ابتعد عن اجواء الدراسه للاستمتاع ببعض الوقت مع اخته .....


اما بشاير....بعد مالبست استر لبس تملكه وهي مقتنعه في بدايتها برحله التغيير ...
محاوله لتغيير نفسيتها المكتئبه ورغبه جاده في تجاهل الماضي تماما
والاستمتاع برفقه اخيها شايله بيدها كاميرا تصور المنازل والاماكن الي تمر فيها
تلفت نظرها الاثار الي تميز هالبلد....


كان لبسها غير متكلف بنطلون اسود وبلوزه قطنيه ناعمه لونها ابيض
فيها كتابات بالاسود لبست عليها جاكيت طويل لونه اسود يوصل لركبتها مقفلته تماما من الامام اما شعرها فما غطته كانت محتاجه لفتره حتى تعتاد على غطاء الراس ....


سامرجلس على احد الكراسي وهو تعبان : بشاير انا مره تعبت مشينا اليوم كثير خلينا نرتاح شوي ...


بشايرسحبته بدلع: يالله سمووور والله المكان روعه خليني اكمل تصويروالله مره حلوه فيينا ماجا ببالي ازورها بس جد صراحه ماكذبو لما قالو انها مدينه ساااحره ....


سامر: ولسه ماشفتي شئ ...ايش رايك اعشيك اليله بمطعم اعرفه مره راح يعجبك انا متاكد بس قبلها لااااازم تزورين الاوبرا


بشاير: ليش ؟؟ يعني حلوه ؟


سامر : يب فيينا مشهوره بدور الاوبرا .....انتي تعرفين انو فيينا عاصمه الحب والانس والموسيقى ...سمعتي بذي المعلومه قبل او لا ..؟


بشاير بجهل: مدري يمكن سمعت بس ماركزت ...


سامر بصدمه: اوووف هذا وانتي دراسه موسيقى ....عز الله دراستك فالرجلين راحت ..


بشاير بسخريه: ها ها ها ماتضحك لا تتفلسف عندك معلومه قولها ...


سامر وهو ينفخ نفسه: احم احم طيب ياا بنت خالتي العزيزه راح افهمك مع انو المفروض تكوني عارفه لانو حتى الي مادرسو يعرفو في بالله احد مايعرف فيينا عاصمه الحـــــــــب والموسيقى بس يالله نمشيها لك


بشاير : يرحم والديك بس يافيلسوف زمانك لا تجلطني قول بسرعه ....


سامر : هههههههههه تيب اكيد سمعتي صوت أسمهان في أغنية
«ليالي الأنس في فيينا»،


بدا سامر يدندن بااغنيه اسمهان ...

ليالي الأنس في فيينا نسيمها من هوا الجنّة
نغم في الجوّ له رنّة سمع لها الطير بكى وغنّى


بشاير تكمل بصوت شجي : ما بين رنين الكـــــــــــاس ورنّة الألحـــــــــان
أدي الأوان ميّــــــــــــاس تعاطف الأغصـــــــــــــان


سامر انطرب بصوتها : الله الله


بشاير تكمل من قلبها : تمّ النعيم للروح والعيــــــن ما تخلّي
قلبــك ....قلبك...... قلببك..... يتهنّى
آدي الحبايب عالجنبيتن


سامر : ترررم تررم


بشاير تكمل بطرب:إيهِ اللي فاضـــل فـــاااضل فـــــــــاضل على الجنّة


سامر يحاول يعذب صوته وهو يمسكها وكانه يقول لها احنا الحبايب:
آدي الحبايب عالجنبيتن
إيهِ اللي فـــــــــاضل على الجنّة


كملت بشاير بصوت صداح وهي تترنمم بكل حرف تغنيه
بدت تلفت الانظار لها : متّع شبابك في فيينا دي فيينا روضة من الجنّة
نغم في الجوّ له رنّة سمع لها الطير بكى وغنّى


سامر كمل يشاركها وهو داخل جو: ساعة هَنـــا. لو تفضالك.
تنسى معاها الكون كلّه
إيه اللي رايح يبقالك من النعيم ده غير ظلّه


بشاير بدت تسرح بخيالها.... اياد يمر ببالها
غنت وهي تسمع صوت الموسيقى يطربها مو حاسه بااي شئ حوليها
عايشه لحظتها وهي تطلق العنان لنفسها ويدها متشابكه بيد سامر
:خيال ساري مع الأوهـــام وطيف جاري مع الأحــــــلام
وليه تصبر على الأيـــــام تفوت من غيـــــر ما تتهنـــــا


انتبهت وصحاها صوت التصفيق فتحت عينها شافت مجموعه ناس متجمعه حولينهم
وهم معجبين بصوتها ..حمرت خدودها وسكتت تخبي وجهها بكتف سامر ..
بشاير بخجل :سامر يووه الناس سمعتنا نغني خلينا نمشى


سامر:ههههههههههههه وعجبهم صوتك كملي يالله شوفيهم يبونك تكملي


بشاير بخجل: مااقدر مستحيه والله مررره يوووو خلينا نمشى يالله ..


سامرحاول يشجعها: عادي ماعليك غني شوفي كيف يطالعونك لا تفشليهم وانا حغني معاااك خليك جريئه وشجاعه زي مااعرفك ....


تشجعت من كلام سامرحاولت تركز نظرها بعيد وغنت بدون ماتطالعهم غمضت عينها ......
حاولت تتخيل انها لحالها ..
واياد ..بجنبها .......ياه لو كان جنبها .......
غنى سامر يشجعها تكمل ..كانت كل افكارها مع اياد .....

تخيلته اياد جنبها ويغني لها ....يغني ويمسك يدها ......

كانت تبتسم وتطالعه بنظرات غريبه... وابتسامتها مرسومه على وجهها ....


سامر : دي ليلة الأنس في فيينا نسيمها من هوا الجنّة...


بشاير مسكت يده وشدت عليها وهي تغني معاه: نغم في الجوّ له رنّة
سمع لها الطير بكى وغنّى


سامر تحمس وهو يشوف تفاعلها : افرح. واطربْ.


بشاير تكمل بحماسه اكبر وهي مغمضه عيونها : ابعت قلبك يسبح ويطير ........في الدنيا دي يلقله سمير


سكت وهو يعطيها مجال تكمل حس انها اختلفت عليه فجأه وهي تغني
وكانها عايشه بدنيا ثانيه غير الي هو فيها....


بشاير بحب : تهنا بقربه، وتسعد بهـــواه واتهنّي شبابك والقلب معـــــاه


تحركت تسحبه معها وتدور وكانها بتلف فيينا كلها :دي فيينا روضة من الجنة يسعد لياليكي يا فيينا
نغم في الجوّ له رنّة سمع لها الطير بكى وغنّى


سكتت وهي مغمضه عينها صحاها من نوبه سرحانها صوت تصفيق حار
فتحت عينها شافت المجموعه كبرت وهم يصفقون بحراره ومن بينهم سامر ....

حست بخجل ابتسمت وهي تشكرهم ماتعرف كيف قدرت تغني بجرءه
بس الي عارفته انها ماغنت الا وهي مع اياد .......................

لو كان معها كانت فيينا فعلا حتكون .............جنه ...........
بعدو عن الساحه وهم في طريقهم يكملون تمشيتهم ...


سامر ضحك وهو يمازحها : الله الله صوتك يجنن الصراحه حسيت انك غريبه عني مو بشاير ارحمينا يااسمهان انتي ...لا الا غلبتي على اسمهان..


بشاير بغرور: احم احم اكيد واحمد ربك غنيت معاك اصلا انا المفروض مااغني الا على المسرح ...


سامر: هههههههه لا انتي بشاير الي اعرفها نفس الغرور
بس والله صوتي تغريد بلابل كلهم يقولون كذا..... ياااااه بس يافيينا


بشايرابتسمت : جد فيينا ساحره وماكذبو بوصفها ....ليت بابا معايا هنا


سامربتريقه: بالله لما تسمعي الاغنيه دي ما تخليكي ترسمي فيينا بخيالك ياااه انتي دحين تتمشي في مدينة الحب والموسيقى وانتي ماتعرفي ....


بشاير فقدت اعصابها من تلميحه انها جاهله: سااااااااااااااااااامررر لا تتريق


سامر :ههههههههههههه ماينمزح معاكي انتي خلاص ماحتريق خخخخ اعصابك...ياستي يقولك انو فيينا كانت عاصمة الموسيقيين في القرنين السابع والثامن عشر واكيد تعرفي الموسيقي الشهير "أماديوس موزارت"


بشاير: يس قريت دي المعلومه


سامر: هوا جا من مدينة "سالسزبروج" هي هنا فالنمسا قريبه من فيينا بس هوا جا واستقر هنا ... في فيينا، بعد مالقى فيها الأجواء الصحية الي تريحه وخلت منو مؤلف لموسيقى لين دحين يعزفوها في المسارح


بشاير: واااااااو حلوو طيب نفسي ازور سالسزبروج كمان


سامر : ابشري راح الفلف بك النمسا كلها كم بشاير عندي انا


بشاير بدلع : وووووحده بث فديتها


سامر قبص خدها : ههههههههههههههههه الله يخليها ولا يحرمني ضحكتها


بشاير: طيب خلينا نتفرج ووريني كل شئ في فيينا من زمان نفسي اتمشى واتعرف على معالمها واصورها دايم ااجل


سامر:ههههههههه ودي فرصتك حد انك موجوده انبسطي قد ماتقدرين واي شئ بنفسك سويه وانا حسوي الي تبيه


بشاير: يب دا الي ابا اسويه ....طيب حكيني عن النمسا ...


سامر بحنو: والله اتعب وانا احكيلك عنها بس بما انو قسمي متعلق بالاثار والسياحه اقدر احكيلك كل شئ عنها تقريبا زرت كل مناطقها...
تصدقي ..صح اني ابا اتخرج وارجع المملكه بس كمان حشتاق للنمسا ...


بشاير: اكيد حتشتاق لها كم سنه وانت تدرس هنا تعودت على الاجواء


سامر : صح كلامك ...اممم النمسا من احلى البلدان الي زرتها ويمكن احلى مكان بنظري كثير يجوها الناس سياحه او التعليم حتى انتي ممكن تجي تتعلمي هنا وهذا احسن لك لانو في مركزً عالميً للتعليم والأدب والموسيقى والعلوم


بشاير تحمست: حلوو لازم ازورو قبل ارجع روما ...طيب احكيلي اكثر ايش احلى شئ هنا ...؟


سامر : امممم فيينا تجمع لك بين الماضي والحاضر ...محتفظه بااثار وتقاليد الماضي وحتى البيوت على الطراز الكلاسيكي الي من القرن الرابع والخامس عشر ...بنفس الوقت فيها الحاضر والاناقه والفخامه والهدوؤ في أكثر من 27 قلعة وأكثر من 150 قصراً


بشاير : ماشاء الله


سامر: احسن مكان للسياحه فيها وسط المدينة الي احنا نتمشى فيه والبولفار الدائري في المنطقة قريبه حنروح واوريك اياه واوريك المنتزهات بصراحه مرررره رووووعه ماحتشبعين منها


بشاير باانبهار: وااااااااااو خلينا نشوفو اجل تصدق ماتوقعت فيينا تكون بهذي الروعه


سامر حس بمدى حماستها: ولسه ماشفتي كل شئ شوفي احنا دحين نتمشى في مركز فيينا هذه المنطقة فيها كثير من مباني المدينة التاريخية والمعالم الحضارية حتى لو تبي تتسوقي في اسواق تجنن كمان وفخمه.


بشاير : حلو راح انزل اتسوق من هنا قبل ارجع روما بصراحه مره نايس خخخخ تصلح دليل سياحي بجداره


سامر بفخر: شكرا شهاده اعتز بها ههههه فديتك ولسه ماشفتي شئ هههههه القصور كمان حلوه تحسسك وانتي تشوفينها بالعلو وانك تعيشين الماضي الي عاشوه
وتتخيلين نفسك في العصور الوسطى تعالي شوفي .. مثلا قصر الشانبرون بالاس
راح اخليك تشوفينه لسه رحلتنا طويله عشان تتعرفين على النمسا ...
القصر الامبراطوري كمان جميل اسمو هوفبيرج دا مبناه حديث بس الهيكل قديم
من العصور الوسطى ...القصر فيلو الغرف الملكية، والمكتبة الإمبراطورية
ومتاحف كتيره ومدرسة ركوب الخيل الإسبانية.


بشاير باانبهار: ماشاء الله جمع بين الحاضر والماضي الاساس القديم والتطور ومواكبه العصر والعلوم ...


سامر: صح وهذا الي ميز النمسا عن باقي الدول الاوربيه لسه محتفظه بماضيها في وسط فيينا مع كل دي الاماكن التاريخيه بس تحسي بصخب المدينة العصرية وكانك بااي مدينه متحضره تماما ، حتى تلاقي زواراً كثر


بشاير: حلو الدوله تحتفظ بتراثها بدون ماتخربه الحضاره وتمحيه له مكانه سبحان الله تختلف وطعم وانتا تتجول والله حمستني اشوف اكتر خلينا نكمل.



كمل سامر كلامه وهو يفرجها الساحات والمعالم ويحكيلها عن التراث والاثار ودار الاوبرا
زي ماوعدها اخذها ل دور الأوبرا في ميوزييك فيرين انبسطت وكان جوهم كله مرح وضحك
كان يرد على كل تساؤلاتها الملحه بدون ملل وهي تستمتع بكلامه
حكالها عن تاريخ بعض الاباطره تتخيل لو عاشت في العصور القديمه ....
تخيلت لو كانت مكان الامبراطوره اليزابيث...
كيف بتكون لو عاشت بهذي القصور وعاشت في ماضي هذا البلد ...
وبدت تبحر بمجال اخر بعيد عن الحب وعن الدراسه ...
عالم اخر بدا لها اوسع واجمل ...


جلسو طول النهار يتفرجون تنقلو بين الساحات والنصب التذكارية والمقاهي الشهيرة
كانت بشاير تعلق على كل شئ تشوفه ..وهو يضحك على تعليقاتها صورت كل شئ عجبها ...
تمشو في ساحة ستيفنز ...
حتى تعبت وطلبت منه يرجعون الشقه يرتاحون ويكملون جولتهم بكره.....

[دانة الكون]

فندق «غراند أوتيل»

بعد وصله لمطار فيينا اخذ عنوان شقه سامر من ادهم وطلب منه يرجع روما
وهو الي بيتكفل برجعه بشاير .....

انتقل ونقل كل اغراضه للفندق بيرتاح ويفكر شلون بيكلمها ...
شلون بيعتذر لها ...والاهم راح يقدر ينسيها او لا ...
مهموم من كل النوحي ..اذاها ومايبي زعلها ..
غاير ومو متحمل جلستها مع ولد خالتها ....
يبيها له لحاله ملكه هو بس ....

احتار يروح لها الحين ....والا بكره ...
او يتصل عليها يكلمها ......

محتار ومو عارف وش الحل الانسب بهذه الحاله
لاول مره بحياته يكون الطرف الاضعف دائما هو الطرف الغالب والاقوى ....

لاول مره يحس بشعور الهزيمه ....بعدها عنه يعتبر هزيمه ساحقه له ...
لازم يرجع الطرف الاقوى ويكون هو فقط محور حياتها ....

مادرى انها بكل نفس تتنفسه مايغيب لحظه عن بالها ...
رغم جرحه لها لكن لازال قلبها ينبض فقط بحبها له
اسرها بدون أي مجال حتى لكرامتها تسيطر عليها ....


حب تملكها حتى النخاع تخفيه ...تدفنه...لكن لايمكن تمحيه ...
استوى على كل ذره بجسمها .....مسكينه يا بشاير .....


يبي يسمع صوتها ...مشتاق لها ...ولانفاسها ...مشتاق حد الجنون
مافي غير هالحل ...قرر يتصل مو متحمل ينظر حتى الغد
لازم اقل شئ يسمع صوتها قبل ينام.....

بس الي قاهره انها ماراح ترد عليه ...عارفها عنيده ومافي اعند من راسها
وكأنهم توائم نفس الطباع ونفس التفكير ...ونفس العشق الي متملك كل واحد فيهم
فعلا معادله عجيبه ....لازم يتخانقون ولازم يزعل كل واحد منهم الثاني
مع كل هذا يعشقون بعضهم بجنون .

"....البس يحُب خناقو .... "
البس = القط

هذا كلام ابو بشاير دائما عنهم ...لكن كبريائهم ينفي هالكلام ...
غرورهم هو سبب عذابهم وتفرقتهم ...الحب لحاله هو الي كسرهم
وفضح مشاعرهم ...

حتى الغرور صار ماله أي سيطره
الحب هو من قال كلمته الاخيره وها هوا يعلن انه المنتصر ق
بل بدايه الحرب الي ستطول وقد تكون اقصر من المتوقع ....

لن يصمد الكبرياء كثيرا ....الحب هو الطرف الاقوى......
..........كم انت عظيم ايها الحب ..........


طلع جواله ودخل شريحه جديده اشتراها قبل ينزل الفندق
كان متردد مو عارف ياترى راح ترى او لا ....ضغط الارقام بخفه وهو يترقب ...



توت ...توت ...توت...توت ..........هلوووو ..............






®راما الدلوعـــ ♥ــــه®




شقه ســــــــــــــامر ......

بالصاله وامام شاشه البلازما .......

استغربت من جوالها يرن بهذا الوقت المتأخر ...والغريب ان الرقم غريب اول مره تشوفه ....
قررت ترد يمكن يكون الموضوع مهم .....

بشاير: Hello.....

سكت وهو يسمعها تتكلم ...

بشاير استغربت ماتسمع أي صوت : Hello...Who are you

اياد يتنفس بسرعه وهو يسمع صوتها صوت تنفسه واصلها
...مشتاق لها موت ....

مو قادر يرد عارف لو رد عليها بتقفل السماعه بوجهه
فضل يسكت ويسمع صوتها وهي تتكلم بس....


عصبت من المتصل ...يستهبل عليها : Well as you want is not listed and goodbye
< بالعربي > عسى عمرك مارديت ....


قفلت السماعه بوجهه وهي متنرفزه من الحركه البايخه: من جد ناس فاضيه


سامر جا وبيده الافلام : اشبك ؟ ومن اتصل عليك ذا الوقت ....؟


بشايربملل : مدري ناس فاضيه متصل وساكت ...اقول الووو الووو محد يرد عصبت وسكرت بوجهه وماعاد اتصل

سامر: غريبه من مسوي هالحركه البايخه ...اكيد احد من اصحابك يستهبل عليك ههههههههه


بشاير بتفكير ..ماجا ببالها انو اياد او يمكن ماحبت تفكر انه هو المتصل : يمكن اسوم او هدول ويمكن .....او احد غلطان ....


رن الجوال مره ثانيه وكان نفس الرقم الي يرن: شوف نفس الرقم يدق ....

سامر سحب منها الجوال : هاتي انا ارد .............. الووووو

اياد............................................

سامر: الوووو ميــــــــن ؟

اياد..............................


سامر: ايش قله الادب هذي ناس فاااضيه ......
انقفل الخط بوجه سامر .... اتنرفز من الحركه


سامر بقهر: ووووجع قفل بوجهي ...اقولك طنشي لا يتعكر مزاجنا اليله دا فاضي اكيد ويستهبل او سكران مو داري عن شئ ...


بشاير بدون اهتمام: على قولك ...ماعلينا المهم جبت الافلام ؟


سامر يوريها: ومن الي يحبها قلبك ...انسي المكالمه دحين وتعالي اليله سهرتنا حلوووه و صباااااااحي...


بشاير تحمست: ههههههههههههههههههه يالله


جلست وحطت الشبسات والبوب كرون وجنبها سامر
طفو كل المبات بالشقه وشغلو الفيلم وهم داخلين جو ...........

[دانة الكون]

فندق «غراند أوتيل»

جنـــــــــــــــــــــــــاح أيـــــــــــــــــــــــــــاد


من سمع صوت سامر وهو يغلي من القهر ...
الوقت متاخر وش يسوي معها ولد خالتها ....

حتى لو ساكنه معاه بس الوقت متأخر ...لا ويرد على جوالها كمان ....
باين الميانه بينهم مره طايحه ....ويمكن يكون قريب منها بزياده .....
كيف تخليه يرد على جوالها ....اصلا كيف يجي غرفتها بذا الوقت

ذا اذا ماكان ينام ..............

استغفر الله استغفر الله اعوذ بالله منك ياابليس

رح الحمام وغسل وجهه حاسس بحراره بجسمه و بقلبه

مو قادر يتخيل ولا حتى قادر ينام وهو عارف انها بشقه ولد خالتها
وانه معها يشاركها مكان واحد ....وجلسه وحده ...

نار الغيره والشكك اعمت بصيرته متى بس يطلع الصبح ويواجهها متـــــــــــــــــى ......




************************************************** ************************************
Яąṁά●̮̮̃•̃ả๔ĐĽǿǿ3ά <<
************************************************** ************************************




يتبع

[دانة الكون]

الشرقيــــــــــــــــــــه


وصلت سياره الاسعاف وتم نقل طــــــــارق وهديــــــــل
لاقرب مستشفــــــــى لاسعافهم لان حالتهم كانت خطيره...


بالاخص طارق الي تعرض للضرب بمناطق حساسه منتشره بجسمه
وتاذى من اثر سقوطه من الدرج ...هذا عرضه لصدمات بالراس قويه
مو معروف كيف تاثيرها بيكون ومدى الخطوره حتى الان
المسعفين يحاولون يوقفون النزيف .......



اما هديل فكانت الصدمه مقتصره على الراس
بسبب تعرضها للاصطدام بعارضه الطاوله وهي تقاوم طارق بكل قوتها
كانت صدمه راسها جدا قويه وبمكان حساس بالرأس
ادى لنزف كميه كبيره من الدم افقدها الوعي ........
واياديها باين اثار مقاومتها كانت محمره كانها تربطت بحبال
اثار شد طارق لسه معلمه على يدها وكتفها ...



كانت هديل بسياره و اللي طلال مافراقها ومعهم مرام ...
اما طارق فكان معه نواف وابو طارق وام طارق بسياره الاسعاف الثانيه...
ضلت غرام بالبيت مع الاطفال وسينا .....


طلال مو واعي لطارق كل همه انو هديل تكون بخير
حملها للسيارة الاسعاف بنفسو وانطلقت السياره للمستشفــى .........





************************************************** ***********************************
Яąṁά●̮̮̃•̃ả๔ĐĽǿǿ3ά <<
************************************************** ***********************************





ايطــــــــــاليــــــــــــا

سعود @ اسما

حياه روتينيه هادئه ظاهريا لكنها مشحونه بالتوتر والحروب داخليا ...

سعود يحاول يسيطر على اعصابه ويكون لين ويتحمل كل شئ منها
ويراعي انها حامل وتعب الحمل مأثر على نفسيتها وتصرفاتها ...
لكن بالقوه تطلعه عن طوره ....

كل ماحس ان النقاش راح ينتهي بهواش يخرج من البيت ويتركها لين تهدى اعصابها
تعب من وضعهم هي ابدا مو مساعدته بشئ ...
بالعكس كانت تخانقه على الطالعه والنازله ..


تبكي كل شوي ومحملته مسؤؤليه الي صار لبشاير
مو راضيه تكلمه او حتى تسامحه حتى ترجع بشاير و يتعدل الوضع
حاسه انها هي كمان مسؤؤليه بشاير مثل اختها ماهان عليها الي صار
والي قاهرها ان زوجها مشترك في الي صار ...


كل يوم امها تمر تزورها وتساعدها وتحاول تسليها وتعقلها لكن بدون فايده
اعصابها دائما مشدوده وهذا مأثر سلبا على جنينها وعليها .....


كل يوم تتصل على بشاير بس ماتلقى منها أي رد
وهذا الي مكدر خاطرها وموترها على توترها ..
غير الام الحمل الي زادت مع زياده الشهور ...حاسه بخنقه مو طبيعيه
ودها تبكي كل شوي واعصابها تعبانه ...مو عارفه وش تسوي

بعد سعود عنها هالفتره زايد وجعها وخنقتها ...
رغم انها عارفه انو يتحاشى يزعلها والي يسويه عشانها....

وقفت بصعوبه شافت الساعه تشير للواحده والنصف بعد منتصف اليل ...
سعود مارجع من بعد اخر خناق كان بينهم ...


حست انها زودتها عليه ...كان راجع من شغله وباين عليه التعب والارهاق
ماكان له داعي تزعله لو سكتت ونامت ماكان خرج من البيت زعلان منها
هو بااخر مرحله فالدراسه كلها فتره ويااخذ الدكتوراه ويرتاح
تعبان وقرفان في دراسته الي تاخذه معظم وقته
وفي شغله الي لازم يخلصه عشان يعيشون ويوفر لها القمه الي تاكلها
... وتعبان منها بعد ....اعصابها وتقلبات مزاجها..


عارفه انه ماله ذنب بالي صار بين اياد وبشاير ....
لكن عنادها ونفسيتها المتقلبه هو سبب مشاكلها
مو هاينه عليها بشاير ولا هاين عليها سعود .....صارت ضايعه ...


حاسه بتناقضها وانها تبي تحمله مسؤؤليه أي شئ رغم طيبته معها ..
لكن مو راضيه تعترف لنفسها هي اكثر شخص عارفه بااخلاقه
وانو ماقصد شر بس هذا الشيطان لعب براسها ....
مو قادره تسامحه ..حاسه بمسامحتها له انها تخون صديقتها ...

حست بقلق ...تاخر كثير عن البيت ...مرت اكثر من نص ساعه وهي تنتظر
ولا في منه أي خبر ...
حطت يدها على قلبها ...يارب سترك ...ان شاء الله يكون بخير ومافيه شئ.

صارت تمشي فالبيت رايحه جايه تدعي انو يكون بخير ...
اتصلت عليه اكثر من 7 مرات لكن جواله كان مقفل وهذا الي زاد قلقها


بدت تحس بالام ببطنها ...حطت يدها عليه وهي تأن بالم ...
صارت تنادي على امها لا شعوريا وهي تتوجع
نزلو دموعها وجلست عالكرسي مو قادره تسوي شئ الالم شل حركتها ...
بدت تبكي بشكل يوجع القلب ....

[دانة الكون]

فالشــــــــــارع القريــــــب من الشقــــــــــــه .....

كان يمشى ويترنح وبجانبه جاك يتمتم بكلمات متقاطعه ويضحك وجاك يشاركه الضحك ...
حالته مخزيه تماما ...


جاك حط يده على كتف سعود: هههههههههههههههههههههههههههه
شو هاد لهالدرجه الحب بيعمل


سعود وهو مو داري وش يقول لسانه ثقيل :اااااااه....واكـــثـ ــر تعبـ ــ ـان تعــــــــ احبـ ــــهـ ـا ومــابــ ــي زعـ ـلـــــ هـ ـا


جاك وهو مازال واعي ماشرب الا كم رشفه هو الثاني لكن مازال عقله براسه ...
كل واحد منهم عايش بهمه وكاتم الي حاس فيه بقلبه ....


جاك: والله حاسس فيــ ـــك لك انتا اقل شئ عايش مع المـ ـــره الي بتحبها انا شو فيني احكي ...الي بحبــ ـــها ملك غيــــري ومافيني كون معها
ولو بااحلامي ....


سعود تنهد: خــ ـــايف عليــ ـــها ..هي حـــ ــــامل ماني عارف ..
كيف اتصرف معها كيف ارضيـ ـها واظمن مايصير للطفل شى ...


جاك نزلت دموعه بقهر : انتا فيك اقل شئ تحس بوجـ ـــودها جنبــ ـــــك تحميها وتسهر
عراحتـ ـــها ..اما انا شو الحل عندي ..شووو
انا عايش لحالي وعم فكر فيــ ــها وبعرف انها بحضن شخص تاني وبتحبه من قلبها
وانا مابعنيلها اكتر من صديق وبس ...
شو اعمل لقلبي الي ماحب حدا غيرها ...


سعود وهو يصدم فيه وهو سكران تماما : انســـــــــى ....انســـى
مافي حل الا النسيـــان


وصلو للعماره الي ساكن فيها سعود مسكه جاك بقوه وسنده
حسه راح يطيح باي لحظه نسبه الكحول الي شربها مأثره عليه
رغم انو ما كثر بالشرب بس جسمه مو متعود اساسا على الشرب ....


وصل به التعب النفسي مرحله متقدمه خلته مايسيطر على نفسه
مو عارف كيف يعالج وضعه اتجه للطريق الخطا ...

باايام مراهقته حتى ماسواها وشرب ...سواها الان وهو بكامل عقله
وقرب الثلاثين والادهى انو راح يصير اب .....


كان يبي بس يقضي كم ساعه يريح اعصابه ...
توجه للحانه القريبه من شقته هارب من الخناق الحاد مع اسما
ونفسيته فالحضيض جلس فيها جاه جاك وجلس معه بعد اتصاله له ...

صار يتكلم معاه ويشاركه همومه وعن المشاكل الي يعانيها
والتعب الي يحسه كل واحد منهم ......


بلحظه ضعف شاف السكارى وكيف يضحكون من دون هموم
ومن دون مايحسون بااي شئ .....طلب له كاس تشجع جاك وطلب مثله

بدا يشرب منها يمكن يخف عنه الهم الي فيه وهو حاسس بطعم مرارتها بلسانه
كان اهون من المراره الي حاسها بصدره....

عشان بس ينسى ويرتاح من المعاناه الي يعيشها حاليا
ولو بقليل من الخمر ...


سعود:ههههههه ههههههههه بس انتا تدغدغني ههههههه سيب يدي ياراجل


ضحك جاك على شكل سعود :والله انتا بتضحك يازلمه ااه انتبه راح تدفشنا عالارض اصبر باقي شوي ونوصل لشقتك


سعود صرخ بجنون :احبـــــــك اسمـــــــــــا..... احبـــــــــــــــــ ـــها


جاك يسكته: ولك اسسسسكت فضحتنا بصوتك راح تفيى كل الي ساكنين هون خلاص قربنا


غمض عينه وهو يضحك بهستيريه ولحظه يقلب لبكاء حالته يرثى لها
فعلاا كل هذا بسبب تراكم الهموم والنفسيه المحطمه الي يعاني منها


سعود:هههههههههههه راح اصير اب ههههههههههههه سمعت


جاك وهو يرفعه بالقوه: أي سمعت ....اه واخيرا وصلنا


دق الجرس اكثر من مره لكن محد فتح الباب سمع صوت لكن مو واضح
استغرب ليش محد فتح الباب ...


جاك بقلق: معك مفتاح احتياط ...


سعود مفهي : هههههههههه هاااا .ههههه


مد يده وهو يدور بستره سعود لقى مجموعه مفاتيح اخذها وبدا يجرب
يبي يفتح باب الشقه لحد مالقى المفتاح المناسب ...


فتح الباب مسك سعود سحبه لداخل البيت دخله وسنده على الجدار
كان يبي يخرج خلاص سوا الي عليه ...

بس لفت انتباهه جسم فالصاله المجاوره المكان مظلم مو باين الا الهيكل
لكنه عرفها مافي غيرها فالبيت ....اسما...

كانت على الكرسي تبكي ولامه نفسها ...

انفجع من شكلها وهي متجمده عن الحركه
قرب منها لحد ماصارت واضحه تماما امامه بشعرها المفلوت براحته على اكتافها
كانت بقميص وردي قصير لنصف الساق بااكمام جبنيز بطنها بارز

كانت ماسكه بطنها وتتوجع لاول مره يشوفها بهذه الحاله وبدون حجاب ....
كان بيخرج بس حالتها كانت سيئه ولازم يساعدها
مهما كان تضل صديقته
سعود بوضع مايقدر يوقف على رجليه ...


قرب منها وشافها كيف لامه نفسها : اسمااا انا جااك شو انتي منيحه بتحسي


اسما تبكي : اااااااااه بطني ااااااهى ابي سعووود ااااااه


قرب منها ومسك يدها بدون مايعطيها مجال تتكلم حملها رغم انه جسمه تعبان
وحاس بخمول بسبب الشرب رغم قله الي شربه
لكن حاله اسما كانت زي المنبه الي صحاه ...

حملها وهو حاس بثقلها وخرج بها من الشقه حتى بدون مايلتفت لسعود ...
وقف تاكسي وحمد ربع انه لقى بمثل هالوقت
مددها على المقعد الي فالخلف وجلس جنب السائق .....
طلب منه الاتجاه فورا لاقرب مستشفى..............................

[دانة الكون]

رغـــــــــــد الفـــــــــــــارس


عناق دام طويلا ايقظهما منه صوت رنين جوال الفارس ...
بعدت عنه رغد وهي حاسه بخجل من نفسها كيف ماحست بنفسها
وضلت تعانقه بذا الشكل وجهها صار زي اشاره المرور
وهو منحرج مثلها بنفس الوقت ماكان يبي يبعد
لعن بنفسه الجوال الي رن وهو حاقد على المتصل ...


رفع الجوال ...لكن معالم وجهه تحولت لابتسامه وهو يشوف المتصل
رد عليه وهو مبسوط : هلااااا وغلاااا باابو بندر ....

دق قلب رغد يوم نطق اسم ابوها ...


نايف: هلااا فيك ...شلونك ؟


فارس: بخير دامك بخير ...حيا الله الغالي


نايف بخجل: الله يحييك ويبقيك ...لما خرجت كان شكلك مو تمام بس حبيت اتصل اتطمن عليك


فارس ابتسم من قلب : تطمن يالغلا انا بخير ومافيني الا العافيه كانت عندي مشكله مع الاهل وانحلت


نايف: الحمدلله


فارس وجه نظره لرغد الي منزله راسها : الا عندي لك خبر حلو الي قلت لك راح يساعدك ولازم تشوفه ....تقدر تقابله بكره العصر لو حبيت


نايف انبسط : حلو خلاص بكره العصر بس وين اشوفه


فارس وهو لسه مركز نظره على رغد : بشقته وانا راح امرك واوصلك للعنوان تماما بكره بعد الدوام لا تشيل هم ....


نايف: ان شاء الله مشكور يابو سعود الله يجزاك بالخير وماتقصر


فارس: العفو يابو بندر احنا اخوان ومابيننا بكره نتقابل ...في امان الله


نايف: في حفظه .....مع السلامه


فارس : مع السلامه


تحركت رغد من مكانها شافت طرحتها مرميه على الارض
نزلت بسرعه اخذتها ولبستها وهي تتحشى نظراته ....

ابتسم وهو يشوف ارتباكها ....مو عارف شلون يقول لها عن الخبر
حاسس انها ماحتتحمل الصدمه ...يمكن من الفرح تبكي او تصرخ
لكن ماراح تسكت ....


تحمحم وهو يستعد لتفجير القنبله : اممم رغد في شئ بااقوله لك ...


رغد استغربت : ايش ؟

فارس بهدوء : بس ابغاك تتمالكي نفسك ...هو خبر حلو وبيفرحك ان شاء الله
بس حاولي تتمالكين نفسك وانا اقوله ...


رغد تحمست تبي تعرف : حمستني طيب قووووول


فارس يعابط لف خارج : لا لا اقولك خليه بكره


تمسكت بيده توقفه وهي تهزه بترجي : لاااااااااااااااااا قول حرام عليك علقتني قوووووول قوووول


فارس: هههههههههههههههههههه تيب حقول تعالي اول الصاله والله لا يهينك
جيبيلي كاسه مويه احس ريقي نشف


كان نفسها تخنقه مو وقت عبطه طالعت عينه شافته يطالعها ببراءه ...
تنهدت وخرجت من الغرفه وهو وراها دخلت المطبخ وجابت له كوب مويه
خرجت لقته جالس على الكنبه ...
قدمت له المويه وجلست على الكنبه المقابله له ....


فارس : هههههههههههه بالله وين اغراضك وشنط الحين


رغد: ههههههههههه تلقاها وصلت كندا دحين وانا جالسه هنا بدون ولاااااااااااااا شئ البركه فيك


مسك يدها وباسها : احبـــــــــــك

رغد نزلت راسها مستحيه سحبت يدها منه وهي تصرف : يالله قول والله شغلت بالي ايش الخبر ؟؟


فارس اعتدل بجلسته بهدوء : تعرفين انو في شخص راح تقابلينه بكره ....لازم اصلا تقابلينه ويقابلك وانا طلبت منه يجي بكره ....


رغد ارتبكت من ممكن يبي يشوفها ؟؟ معقوله طارق ...او عمها ...
حست الوسواس بدا يوسوس لها : مين ؟


فارس فجر القنبله : نــــــــــايف ....

[دانة الكون]

المستشفــــــــــــــــــــى

وصلت سيارات الاسعاف وتم نقل الاثنين لقسم الطوارئ
هديله بنقاله ومعها طلال دخلوها على الغرفه وخلوه بره ينتظر على نار ...
مو عارف وش يسوي حاسس انو ضايع وخايف يكون فيها شئ ...


مسكت مرام يده تسانده : هدي ان شاء الله مايصير لها شئ ...


طلال مو طايق حتى نفسه تكلم بعصبيه : انتو وينكم عنها من اول تصارخ يعني لو مارجعت وش كان صار فيها هاااا


مرام حاولت تهديه باين عليه لسه تحت تاثير الصدمه ودمه فاير: هدي وصلي على النبي ...
احنا ماحسينا بشئ والحمدلله لحقتها هذا الي ربي كاتبه والله كاتب يصير هالشئ ...


طلال بقهر: اللهم صلي وسلم على سيدنا محمد ... استغفر الله العظيم ...استغفر الله العظيم...


مرام بحكمه: قوم وصلي ركعتين ..استهدي بالله مو زين الي جالس تسويه ...
الشيطان جالس يوسوس لك ....الدكتور قال يمكن يطولون وهم يكشفون عليها
غسل وجهك وتوضا و صلي وان صار شئ بناديك


توجه لدوره مياه الرجال فتح الحنفيه وغسل وجهه بالمويه ...
كانت المويه بارده زي التلج بس ماحس الا وكانه يغسل وجهه بمويه النار ....
القهر مستولي عليه وحارقه ...المشهد مو راضي ينمحي من مخيلته



طارق .............هديل



صرخات هديل معبيه مخه ....منظرها وهي بحضن طارق ....

طارق وهو ماسكها ويحاول يعتدي عليها بكل خسه ....

حاسس وده يموته ...كل ما مر الخيال براسه وده يقتل طارق الف مره

ولا يعاني من هذا الكابوس .....


خرج وتوجه للمصلى يصلي ركعتين يمكن تهدى النار المولعه بصدره ....





®راما الدلوعـــ ♥ــــه®





في الجانب الاخر

تم نقل طارق مباشرا لغرفه العمليات ...
كان نزيفه حاد جدا والضربه الي تعرض له وقت سقوطه من الدرج قويه جدا ...

من وجه الدكتور كان مبين انو حالته حرجه ...
دخل طقم اطباء كامل للغرفه بينما ضل ابو طارق ونواف وام طارق بره ....


كانو خايفين لايكون بحاله خطيره ...........مهما كان ومهما صار
بيضل ولدهم

لو ارتكب كل اخطاء الدنيا
لو قتل مليون نفس
مهما سوا وفعل



يضل ولدهم ..........



ابو طارق يكلم نواف على جنب : نواف شيل امك وروحو البيت ...شكل العمليه بتطول وامك تعبانه


نواف: ماراح ترضى تمشى ...لاتنسى حتى هديل هنا ماراح ترتاح لين تطمن على الاثنين


ابو طارق: بس لحد الان مافي شئ مبين ...جلستها هنا مامنها فايده خليها تروح ترتاح بالبيت مايصير غرام لحالها مع البزران


نواف : طيب بكلمها ويارب توافق بس ....


توجه لها وهو يشوف علامات التعب بوجهها ...
كانت وكان احد مات عندها ..


نواف : يمه تعالي نرجع البيت لسه مطولين بغرفه العمليات


ام طارق ودمعتها على خدها: ماراح اطلع لين اتطمن على ولدي وبنتي


نواف تنهد: يايمه ياحبيبتي ..ماراح نستفيد شئ لسه مطولين
ولو صار شئ لايسمح الله طلال وابوي هنا ...


ام طارق بعناد: ماراح اروح ...روح شيل مرام وارجع معها البيت انا بجلس هنا وماراح اتحرك ....


نواف بيأس : مثل ماتبين يالغاليه .....


خرج الدكتور وعلامات وجهه ماتبشر بالخير ....

ركضو له ابو طارق وام طارق ومهم نواف


ابو طارق: دكتور طمني ايش صار

الدكتور :................................................. ...............

[دانة الكون]

في لحظه اقلاع الطائره المتجه الى كند ...

وصلت رحله لمطار جده ............
نزلت وهي تبتسم ...رجعت لهذه البلاد بعد غياب دام سنه ......
مشتاقه لمن يسكنون البلاد اكثر من شوقها للبلاد نفسها

رجعت وكان اخر ماتوقعته رجوعها بعد الي صار ....التوأم هم من يربطونها بهذا المكان ....

اخطأءت بالابتعاد ....ادركت خطأها بعد ماذاقت مراره فقدانها لابنائها .....
حست بعذاب الضمير ...كيف تركت زوجها وهو في امس الحاجه لها ...
تركته وهو الي سوا المستحيل عشانها ...باعته واستمعت لكلام امها


عادت الان لاصلاح خطأها ...واسترجاع ماتركته ...
عادت لاحتضانهم ....ام عادت لايذائهم ....لا احد يعلم

لكن هل يترى ستجد ما ضيعته بنفسها ....ام فات الاون ...


شالت النظاره وهي تسحب الشنط معها خارجه من المطار

تاملت سماء جده وهي تهمس لنفسها : رجعت ياجده ....وينك يا محمد ....

[دانة الكون]

ليالي الانس في فيينا......!


البــــــــــــــــــــارت التاسع والاربعـــــــــــــــ49ــــــــون


(الفصل الاول)



ايطــــــــــــــــــــاليــــــــــــــــــــا ....

" قصــر البشــــائر "
صاحب القصر وارمله اخيه على الطاوله يتناولون طعام الافطار في صمت وهدوء كل شخص يبحر بخياله الى مدى مختلف...

ابو بشاير ببنته التي انتقلت خلال اليومين الماضيين للنمسا ...
كان راح يدور عليها بكل مكان قلبه مو متطمن على بنته الوحيده
رسالتها انها بخير وتبغى وقت للراحه ماريحته ...ارتاح فقط بعد ماعرف وين مكانها بالضبط كان سامر حكيم بااتصاله باابو بشاير .....



ام اياد بوجودها بهذا القصر الغريب عنها ...حاسه بعدم ارتياح مهما كان تضل غريبه وجلوسها بهذا البيت مو حلو بحقها ...مع محاولتها عشان تتكيف مع الوضع ارضاء لحموها الي طلبها برجاء كبير وامل انها تستقر مع ولدها بقصره رغبه منه في لم شمل العائله...
والهدف الثاني واضح وضوح الشمس زواج بنته باابنها ...........




ابو بشاير * ايش السبب الي خلاك تبعدين يابنتي ...من دون سبب ..
بدون حتى ماتكلميني ..او تودعيني ...كنتي مبسوطه ومرتاحه ..
ايش سبب ابتعادك فجأه..معقوله تكون تعبانه وتبى تبعد او متهاوشه مع احد ..اكيد في شئ مضايقها ..او تبغى تغير جو ....يمكن ملت من الدراسه ...ليش يابشاير ليش...




ام اياد* هلا انا لائيما بدي ظل هون ..مابيصير هيك الزلمه بيكون اخوه لجوزي الله يرحمو بس مابيصير ضل معو ببيت واحد والله موحلوه بحقي شو اعمل لازم حاكي اياد ونرجع لبيتنا بسرعه او نرجع لسوريا..
مافيني ضل هيك مع هالانسان وانا مو محرم لالو....



الاكل مثل ماهو على الطاوله كل واحد منهم غارق في دوامه افكاره
نزل اياد من غرفته ومعه شطنه سفر صغيره...
طوال اليومين الماضيه كان يدور عليها ومالقها يحاول يعرف وين اختفت لكن بدون فائده جلس مع عمه وبعد ضغط منه عرف وينها فيه ...
حس بقهر يوم قال له عمه انها راحت النمسا بشقه ولد خالتها ....
شلون تروح لولد خالتها وتجلس ببيته وهو عزابي والادهى شلون ابوها ساكت وعادي عنده ...

التفت شاف امه وعمه جالسين صبح عليهم : صباح الخير ...

ام اياد + ابو بشاير : صباح النور ...

ام اياد: تعال حبيبي افطر ..

اياد بدون نفس : مابدي اكل ماما صحه وهنا ان شاء الله ..انا مسافر هلا بيجوز اغيب كام يوم

ابو بشاير : على فين رايح ..شايف معاك شنطه خير ان شاء الله

اياد بجمود: عندي سفره مهمه ولازم امشئ ...

ابو بشاير فهم عليه : يجوز ترجع بسرعه ...استناها كم يوم

اياد بقهر: لا مااقدر استنى ... بروح اجيبها واجي

تنهد ابو بشاير : طيب مادامك مصر خلي ادهم يروح معاك يدلك على العنوان و انتبه لنفسك ...ارجعو بسرعه

اياد تقدم وباس راس عمه وراس امه : ان شاء الله لا تشيل هم شئ انا بااتصل عليك بس اوصل .... مشكور عمي يالله في امان الله

ام اياد: الله يحفظك لا تتاخر حبيبي ...

ابو بشاير: مع السلامه ...



خرج من القصر وقلبه يشتعل من الغيره والشوق والحنين لها
من راحت وهو يحترق بنار فراقها ...
مشتاق لها ولانفاسها ..لابتسامتها ولدمعتها ..لريحتها ...
مشتاق لكل شئ فيها حتى عنادها ..ااه ياعنادها
نشفتي ريقي يابشاير ..تعبتي قلبي الي ذايب بهواك يا نبضه..
وجودها مع رجل اخر وبعيد عن عينه يحرقه اكثر واكثر
كاانه كتله نار الغيره قاتله وموجعه حتى النوم مو متهني فيه بسببها ...



تنام بشقه ولد خالتها..لحالهم ..الفكره بحد ذاتها تذبحه وتوصله لحافه الجنون مشاعر تشتعل بقلبه لها رغبته القاتله بااعادتها ودفنها بين اضلعه ..
مستحيل يتركها تبعد عنه بعدها ..انتي لي يابشاير لي ....
يكفي اني احبك ... اعشقك ..مااقدر اعيش بدونك ولا اتحمل
اااااااه صرت مجنونك من دون مااحس ...
ومجنونك مع مرتبه الشرف...... وش اسوي لقلبي...


سامحيني جرحتك وعذبتك ..انتي غلطتي وانا السبب ...
حتى ماعرفت اعالج غلطك الا بغلط اكبر ....
انا دايم كذا اوجع الي احبهم ...مجنون حبيبك...وانتي تعرفينه...


ارجعي لجلادك وعلميه معنى المحبه ..ارجعي وغيريني واغيرك
ارجعي وخلينا نحاول سوا ...خلينا نصلح اغلاط بعض ..
ارجعي ياانفاسي ...


ياترى ايش تسوي دحين ...متذكرتني ؟ اكيد زعلانه مني ....
جالسه لوحدك ...تبكين ...او تضحكين ....ناسيتني او مفتكرتني ..
اكيد جالسه معاه ..."عض شفايفه بقهر"


بالقوه او بالطيب بترجعين لي...بتحبيني مثل مااحبك ..
ادري فيك تحبيني وبتحبيني اكثر
جرحتك وزعلتك وقهرتك وانا غلطان وحمار ...اوعدك اصلح كل شئ
تضلين حقتي... ملكي ..حبيبتي انا وبس ..
ااااه مشتاق لك يا عذابي مشتــــــــــــــــــــاق ...




يا هوى روح و قلو قلو كتير اشتقتلو لو بدو عمري كلو بعطيه
لما يا حبي تردو راح كمل عمري حدو نار تطفيلو بردوا و دفيه

ردو يا هوى لعندي قصر لي المسافات
حامل بإيدي ورده آهات و ذكريات

حبيبي يالي بحبو قلبي معلق بقلبوو عم بحلم فيه

بغنيلو ما بيسمعني حتى يحن و يشفعلي من يوم الي ودعني بناديه
نيمت الصوره حدي غفيت عالم خدي غمضت عيوني و بدي دفيه

ردو يا هوى لعندي قصرلي المسافات حامل بإيدي ورده آهات و ذكريات
حبيبي يالي بحبو قلبي معلق بقلبوو عم بحلم فيه



اخذ اول رحله برفقه ادهم احد الموظفين بشركه عمه متوجه للنمسا بالتحديد للعنوان الي ساكنته بشاير ..وشوقه سابقه لها ....

[دانة الكون]

بيـــــت بنــــــــــــــــــــــــدر

بدا بحزم اغراضه واغراض رنيم بعد ماجدد جوازات سفرهم وحجز لاقرب رحله لكندا اخذ اجازه مفتوحه من عمله وهو حاسم قراره وحاس براحه كبيره له لاول مره حس انو انصف بحياته وسوا الشئ الصح ..

راح يسافر معها ويبدأ معها بدايه جديده ببلد بعيد عن المملكه
حياه جديده وجميله بااذن الله ....
بعيد عن الماضي الحزين ..راح ينسيها الي عاشته ...
ينسيها كل لحظات الالم والاه الي حستها ...
ينسيها كل شئ تسبب بنزول دموعها ...يعوضها عن كل الي صار ...
الا امهم ... ما يقدر ينسيها او ينسى هو ...
كل الي يقدرون يسوونه يحققون امالها فيهم ......
عشانك ....يمه بنعيش وبنستمر وبنحقق احلامك...
لازم يمحى الي عاشه من ذاكرته ..كفايه انهزام كفايه بكاء ......
يبدأون ...وكأنهم توهم انولدو من جديد...

كلم صديق له يهتم باامور البيت بفتره غيابهم الي ممكن تكون طويله المدا
كلم رنيم تستعد سفرتهم بكره وماعاد في وقت...


جهزت كل شئ بااسرع وقت مو مصدقه انها راح تسافر وتكمل دراستها بره مثل ماحلمت طول عمرها ...راح تبعد كل شئ موجع بحياتها...
تنسى الماضي المرعب ....راح تنسى الحب وايامه واهاته ....
راح تنسى الجرح وتدفنه بمكانه ..طفلها الي راح ...
راح تنسى عبدلله والي سواه فيها ..راح تنسى الحب....

تنســــــــــااه وتنظف قلبها ...
تنظفه من كل شئ عالق لسه فيه ..مايستحق يضل لها أي ذكرى له
ولا لاي شئ يتعلق بهذا المكان ..
مافي شخص يستاهل يضل بذاكرتها بعد اليوم دموعها نزفت اكثر من الازم لازم تخلي مساحه لفرح جديد ولحياه جديده ..
يمكن تلقى حب جديد بعيد عن هذا المكان الي عذبها طويلا....
تبعد عن كل شئ ....


اااه اخيرا باارتاح اخيرا بحس اني انسانه يحق لها تعيش ...مثل كل الناس
اعيش انا وبندر بمكان ثاني بعيد احقق احلامي واعيش مثل مااتمنى
وكاني ماعاشت قبلها يوم ....


حسها ولاول مره بحياته تبتسم له من قلب نظراتها له كانت غير نظره محبه وابتسامه ترد الروح .... اول مره يشوفها بعيونها ....
فهم الان سببها ..عمره ماسوا شئ واسعدها فيه دايم يقهرها ويزعلها ..
عمره مافرحها بكلمه او بااي شئ ...كيف يشوف النظره بعينها ....!
وايش سوى اصلا عشان يلقى منها هذا الحب الي يشوفه الان ....ولا شئ..
حست بوقفته معها لاول مره سبب تفرح عشانه وتمنحه هذي النظره والابتسامه ...ياطيبه قلبك وطهر روحك يارنيم ...
ماا تستاهلين تنزل دمعه من عينك
راح اعوضك ياقلب اخوك راح تشوفين بندر ثاني ..



بندر: رنيـــــــــــــم يابنت فينـــــــــك ...

نازله من غرفتها وبيدها اكثر من شنطه : جـــــــــايه لحظه بس معايا الشنط ...بندووووور تعال ساعدني الشنط ثقيله مره

ركض لها وسحب منها الشنط وهو زعلان صرخ بوجهها عفويا : ليـــــــش تنزلينها بنفسك كان خليتي ميشا تنزلها.....

لوت رنيم بوزها وهي تنتفض : مافيا شئ اقدر اشيل بس ساعدني شوي ميشا مشغوله ...

بندر يحاول مايعصب عليها بطبعه حار وعصبي :رنيــــــــــــم انتي لسى تعبانه مالك كم يوم راجعه من المستشفى ...لا تشيلين شئ انا وميشا بننزل كل الاغراض انتي ارتاحي

رنيم ووجهها صار احمر شوي وتبكي : بس انا ابى اساعدكم ...

ضمها وهو يشوفها شوي وتبكي ...صارت حساسه وبسرعه تتأثر ماتحمل يزيدها عليها : لا تزعلين مني يارنيم والله من خوفي عليك مالك فتره خارجه من عمليه وانتى ادرى فيها ....

رنيم ودموعها تنزل : انا اسفه ....

مسح دمعتها ولمها له : لا تبكين ياقلبي ...ارتاحي وريحيني كل شئ بيصير زيي ماتتمنين بس انتي اسمعي كلامي ....

هدأت وهي تسمع كلماته تمسكت فيه وهي تحس بحنانه عليها :
الله لا يحرمني منك يا بندر

بندر : ولا يحرمني منك يارب ....يالله روحي اجمعي اغراضك لا تنسين شئ وارتاحي بغرفتك كلها شغله ساعتين بس

رنيم ابتسمت: حاضر ...طيب خلينا نسهر سوا اليوم في فيلم مررره حلوه

بندرمسح على راسها بحنان : حااضر ياا احلى رنوووم يالله خلينا انزل الاغراض وارجع لك ....

بعد ساعتين رن جرس البيت بشكل مستمر ...
نزل بندر وفتح الباب تفاجأ وهو يشوف خالته وزوجها هم الزوار بهذا الوقت .....

ابو عبدلله : مافي تفضلو ياولدي

بندر بجمود ..نظرته ماكانت مرحبه وجودهم لكن احترام ان المرأه الواقفه تضل خالته ومالها ذنب... مو قادر ينسى الي صار كلو بسبب ولدهم حاله رنيم والي وصلو له : تفضلو....

دخلهم للمجلس الداخلي نادى على ميشا تجيب العصير ماحب رنيم تعرف انهم موجودين نفسيتها ماراح تتحمل جيتهم ويمكن يجي ببالها انو ناوي يزوجها فعلا لعبدلله .....

الجو كان متوتر بينهم ..ابو عبدلله منحرج ومنكسف مو قادر يحط عينه بعين بندر وزوجته بحاله اسوا من حالته ....

ابو عبدلله تحمحم: احم احم كيفك ياولدي يابندر ان شاء الله بخير انتا واختك ايش اخباركم ...

بندر ركز عينه فيه : بخير ...عايشين الحمدلله ...

ام عبدلله بتوتر : يمه بندر وينها رنيم مااشوفها جات تستقبلني ..؟

بندر بجمود: رنيم نايمه وتعبانه ماحبيت ازعجها ...بس ايش سبب الزياره ياخاله خير ان شاء الله الوقت متأخر ولا تزعلين من سؤالي

حزت الكلمه بخاطر ام عبدلله بس ماتقدر تشره عليه ولا تفتح فمها بكلمه وحده سواد وجه ولدها يكفي ...: لا مازعلت ياولدي ...بس ابا اشوفها واتطمن عليها وعليك ...

بندر بهدوء يحاول مايزعلها بكلمه قد مايقدر : تطمني مافينا شئ وعايشين احسن عيشه لا ينشغل بالك ياخاله

نزلت دموع ام عبدلله غصب عنها : انـــت تحســـب اني مو حـــاسه يا بندر انا حـــــاسه وقلبي يوجــــعني الي صــــار كســـــرني مثل ماكســــركم ويمكن كسرني اكثر منـــــــكم انا بين نارين رنيــــــــــم بنتي وعبـــــــــــدلله ولــــــــدي والي ماتت اختــــــــــي قلبي يتحمــــــل ايش والا ايش فهمنــــــــــي...

مسكها ابو عبدلله يهديها : بس حبيبتي هدي ..

بندر ماعرف وش يقول حاله خالته مزعلته بس مايقدر يبتسم لها ويقول لها مافي شئ ولا كأن شئ صار....راح يكون منافق لو سواها ...
وبنفس الوقت مايبي يحملها كل شئ صار وذنب ولدها ..
بتضل مالها ذنب بشئ ........الغلط كان من عبدلله نفسه وبس .....

بندر مسك كتفها : بس ياخاله ...خلاص يكفي الي صار صار ...انتي مالك ذنب بااي شئ بس رنيم كمان مالها ذنب ...امي مالها ذنب بشئ ..

ابو عبدلله: بس نقدر نصلح كل هذا يا بندر امك ماتت والله يرحمها هذا يومها وكانت بتموت باليوم الي ربي كاتبه ولو على فراشها ..هذي حكمه رب العالمين ورنيم الحمدلله بخير وربي بيعوضها ..احنا جينا اليوم نحل كل شئ بنخطب رنيم لعبدلله ..نزوجهم وبكذا حلينا جزء كبير من المشكله ...

ام عبدلله : أي هذا الحل لكل شئ ..ادري عبدلله غلط وسبب لنا مشاكل كثيره بس هو يحبها ويباها

وقف بندر ولف وجهه عنهم : بس انا مو موافق ازوجها لعبدلله

ابو عبدلله استغرب: طيب ليش ؟ بعد الي صار لازم يتزوجون ماراح نسلم من كلام الناس ومستقبل اختك اهم.....

لف بندر وحط عينه بعينهم: اختي ماتبى ولدكم ..وانا ماراح اجبرها على شئ هي ماتباه كفايه العذاب الي تعذبته بسبب عبدلله ...

وقفو الاثنين مصدومين بكلام بندر ...توقعو رنيم ترفض بس رفض عبدلله شكل صدمه كبيره عليهم ...

ابو عبدلله: كيف يعني ماتبغاه ...هذا ولد خالتها والي صار بينهم مو شويه الناس بتاكل وجيهنا..

بندر بقوه: الناس مايدرون وش صار بينهم وانا ماراح ابني أي شئ على حساب سعاده اختي لا كلام الناس يهمني ولا أي شئ ثاني

ام عبدلله: يعني شلون ...كيف بنحل المشكله هذي يابندر اعقل مهما كان يضل عبدلله اولى فيها من الغريب يحبها وشاريها

بندر بعصبيه: أي باين يحبها وشاريها يقوم يغتصبها ناسي ورامي ورى ظهره كل شئ وكل الناس ماحط اعتبار لاي احد حتى خالته ....

ابو عبدلله : بندر سمي بالرحمن ياولدي ..انت كلمها وحاول تقنعها يمكن ترضى وتتزوجه وتحل القصه

: بس انا ماابيه ...

التفت الكل للباب كانت واقفه وهي متحجبه مو باين الا وجهها منها ...

ام عبدلله : رنيم فكري حبيبتي عبدلله يحبك وكل الي سواه لانو يبغاك وانت عرفينه وانتو صغار

رنيم بخوف وهي تطالع بندر : انا مااباه ياخاله مااقدر اتزوجه وبندر وعدني يخليني براحتي

وقف بندر وسحبها وهو يشد على يدها كمسانده منه : وحتى لو رنيم ماعندها مانع انا لا يمكن اوافق ياخذها بعد الي سواه فيها

ابو عبدلله بجديه: بندر الموضوع مو سالفه توافق او لا هذا في سمعه العائله لازم نزوجهم ومانخلي مجال لاي شخص يتكلم

بندر: وانا اصلا ماراح اعطي مجال لاي احد يتكلم انا ورنيم مسافرين بكره بنكمل دراستنا بره ونبعد

تفاجأ ابو عبدلله وام عبدلله بالخبر ... كل الي يسمعونه كان مفاجأ تماما ..

ام عبدلله: بندر انت تتكلم جد ..كيف تسافر معاها وبيتكم واهلكم ..وشغلك ودراست رنيم ..مافكرت بكل هذا ...

بندر بثقه: احنا مدبرين كل شئ بنسافر نكمل دراستنا بره وانا بشتغل هناك هذا احسن حل اما زواج عبدلله من رنيم فمن سابع المستحيلات .......