--( زهور متناثرة .. من بساتين الحياة )--

[الدووووخي]

في فن علم النفس وانمـاط الحيـاه
مصيبتـك طلّـع وراهـا فـايـده..

لاينتثر فكـرك علـى كـذا اتجـاه
الخصخصه فن العقـول الرايـده..

وان ساد من حولك شعور الاشتبـاه
خـذ لشعـورك منطقـه محايـده..

الثقه سقف العقل والناقـص ذكـاه
من حسسك بأن فيه حاجه زايـده..

والابداع؟ماهو لعـب شـد الانتبـاه
على حساب الغاء فكـره سايـده..

والضيق ضيق الافق واكظام الشفاه
وفهم الحياه علـى انهـا مزايـده..

افضـل وسيلـه للسعـاده والنجـاه
سهله على الراغب ولا هي كايده..

توحد الله صـدق وتقيـم الصـلاه
وجعل الفواحش عن حدودك نايده..

وتكف يدك وتحمد الله على الغنـاه
وتخشّر هنودك معك فـي المايـده..

ولاتخـاوي لاشيـوخ ولا رعــاه
خـاو اصدقـا تفكيـرك وفرايـده..

والشيخ من تواضعه يسبـق عطـاه
يتعودون النـاس مـن عوايـده..

والحب ذروة كـل شـي ومنتهـاه
ومحلا من وضوحه سوى مكايـده..

يبكـي الرجـال ويبحّـث خـفـاه
ويعلمه شـرح الحظـوظ الباديـه..

واللي يحب احد(ن) ماهو في مستواه
يبطي وعينـه بالمدامـع جايـده..

ياوجد حال الشاعر ويا امـه وابـاه
وجود من هاوش لأخوه وصايـده..

اللي اتمنى اعيـش واتوفـى معـاه
حتـى فعيـده ماقـدرت اعايـده..

الحـزن طاقـه للدعـاة وللطـغـاه
وانا طلعت من الجـروح بفايـده..

ان لم تزد شيئا ً على هـذه الحيـاه
فتأكـد انـت حـاجـه زايــده

[الدووووخي]

اللّي علْىَ جٌرِحُ المِشْآعُرِ : يغنُون
تجْمَعوّا فَيِ . . :غَيبتِي | وشوّهُوني !


فيِ جيّتي [أصُحآبَ] وأنُ رّحِت يحَكّون :
مآكنهُم بيدينْهُم صآفحوُنِي

[الدووووخي]

"الدمع" ماهو دليل :.. ( الحزن .. واللوعه ) ~
(يمكن) دليل لـ فرح .. تحتار في شرحه !
احيان : و"الشخص يضحك" (تنزل دموعه) |
واحيان : يبكي .. وهو " يبكي من الفرحه "

[الدووووخي]

أبيك تذكرني مع الناس بالخير
لا مرّ لي طاري وذكرى وسيره
تخفى المشاعر.. فوق بوح التعابير
ولا تاثر بين غيره وحيره
تسمع.. ولا تاخذ وتعطي مع الغير
عني ولا تذكر خفايا مثيره
خل الغلا يبقى معزه وتقدير
على الفراق اللي بدينا مسيره

[الدووووخي]

حَاول تعيش اليوم فيْ كل / سَاعه
لـآحق على بكره و ضيقآتْ بكره !

وإسجد لـ ربك كل وتر و شفاعه
فيْ هـ الزمنْ مآ ينفعك غير شكره ]|~

[الدووووخي]

يـنـدمل جرح قلب ماتت احلامـة
بس ما أظن يبرا جرح الاحـساسي
يـوم صارت مابيـن القـلب والهامة
ويش ابـي بالحـياة اليا انـحـنى راسي

[الدووووخي]

أبشرك ما عاد يوجعني فراق
وأقسى وجع يزول بثواني
عودت قلبي لا حمل هم أو ضاق
ارمي ولا أسال عن اللي رماني
وعودت نفسي للمتاهات ما انساق
ولا أسيل دمع عيني واعاني
وخل الحياة تروح والعمر ارزاق
يمكن مع الأيام يضحك زماني

[الدووووخي]

صادف غرورك عزة النفس فيني
ولاخضعت بعزة النفس مـــــــــعذور
شلتك بقلبي واحتضنتك بعيني
وزرعت فيك احلام عن ليالينا نـــور
ابيك في صدق المشاعر تجيني
لكن مع ايامي تماديت بالجــــــــور
آسف انا ما ابيك ياللي تبــــيني
وماني على لحق المقفين مجبور
راحت سنين العمر وينك ووينـــي
اليــــوم دوري وباكــــــــر لـــك الدور
انا عزيز النفس لا تــــرتجـــــــيني
مغرور... دور لك على انسان مغرور

[الدووووخي]

املك كنوز الارض بلمسة يديني
لاني قدرت املك صلاتي والايمـــــــــان
واحكم ملايين البشر في يميني
لاني قدرت املك هوى النفس باحسان
ويملكني الي بالوفاء يحتويني
ويرخص بعيني اقرب الناس لو خـــــــان
الله خلقني مالي العز عينـي
والله اموووت ولا يجي يوم وانـــــــهان

[الدووووخي]

تضيق الشوارع بالمقهور.. وتغيب الناس
.............وكأن المباني تدري اني..مفارقها !
وانا سنيني بريح الجفا.. تشبه القرطاس
.............سماها.. بعيده والوطا مايعانقها !!
خساره...تحس بواحدٍ مامعاه احساس
.............يجمّع دفاتر تضحياتك .. ويحرقها !