.,. سجل دخولك لهذا القسم ببيت شعري اعجبك.,.

[نواف الفهاد]

هذي بقايا داخلي ماأختفتْ لـه

بأسبابها .. ياماحنينـي كشفنـي

يمكن نساني .. والليالي صفتْ له

ويمكن بعد بالذاكره ماحذفني !

لكنّه أوّل روحٍ .. روحي لفتْ له

وأوّل وليفٍ من الولايف ولفني

[نواف الفهاد]

إذا صدري تحمل قسوتك .... دمعي تراهـ اقوى

وانا ما أقوى على رد الدموع وصدمتك لاهنت !

وشف خدّي ... تعرف إن الحياهـ اليوم ما تسوى

وشف صدري ... تعرف إن الحنايا ما تبي الا أنت

[نواف الفهاد]

تعآل يا وجه السعد واشطب على وجه البغيض
ياحيك وطلتك في وجهي بعد... يآحيها
تنعشني انعآش الشفاء العاجل لقلب المريض
ياأيها .. تدري يالبيك... انت وش يآ أيها؟
مانته بزي الناس واكتبها لك بخط عريض
تبغيني احلف؟ لاورب البيت مانت بزيها

[نواف الفهاد]

أحس الليال تدور ! واشعر .. بضيقة بال
وتطريّ عليّ هموم ! من كل شكل ونوع !


ليا قلت : [ احبك يا حبيبي وابيك ] و قال :
[ شلونك ] !؟ وحسيت إنه يغيّر الموضوع !

[نواف الفهاد]

رفعت كفي .. ماقدرت ارفـع الصـوت
لـو كـان فالخاطـر .. كـلام ٍ كتمتـه
ضاع الطريق وصرت في الدرب مبهوت
مدري وش اللي فاتنـي مـا اغتنمتـه !
يبقى الغصن لو مابقى فالغصـن تـوت
تحـرك انسـام الذعاذيـع .. صمـتـه
ياما .. بنيـت بيـوت وبيـوت وبيـوت
اليـوم .. كـم بيـت ٍ بنيتـه .. هدمتـه

[نواف الفهاد]

يا وسع صدري مير للضيق مرهـون
وأن ما توسّع كلّه .. يضيـق كلّـه
أحيان أجامل وأترك السـدّ مدفـون
وأضحك ما بين الخطّـر المسفهلّـه
وأحيان أجي مشحون وأروح مشحون
وأقول مـن يعقـد حجاجـي يفلّـه
ثلاث تحكمني ولا قلـت وش لـون
المعـرفـه والعاطـفـه والجبـلّـه
العقل صاحي لكـن القلـب مجنـون
والكـل منهـم نظرتـه مستقـلّـه

[نواف الفهاد]

احساسي .. ونبضي .. ونزف المعاني
عيّت تساعدنـي .. وتمشـي قبلهـا

يا ربّي .. أحلل عقـدة مـن لسانـي
وجمّل طواريقـي .. وحقّـق أملهـا

دفنت من صمتي .. بحـور وموانـي
وحطّمت بيديني قصـورٍ .. باهلهـا

خذ راحتك .. لا تبتسم يـا زمانـي
وان ما كفاك اللي حصل .. خذ بدلها

(ف)ان شفتني جالس لحالي .. أعانـي
عرّض على ذيك المضارب .. وسلهـا

قل شفت انا / واحد .. يعـدّ الثوانـي
وعروق قلبه .. من قسى البعد .. ولهى

اما اسعفوه .. بسيـد كـل الغوانـي
والا اتركوه يمـوت فـي معتقلهـا!

[نواف الفهاد]

يا برد الليل يا طول المسافه
يا درب(ن) ما جهلته لجل اخافه
اشوفك واقع(ن) عاشه كياني
واشوفك حلم واشوفك خرافه
الا يا وقت كافي من جروحك
جروح القلب ما تحتاج اضافه
انا قلبي شكى من جور خله
سوات النهر يشكى من جفافه
شعوري هو شعوري ماتغيّر
احب الوصل والا البُعد اخافه
حبيبي غاب مدري وين داره؟
عليه اسوق وجدي والحسافه
وعليه اهل دمعي كل ليله
وعليه الشعر ولحونه وقافه
الا يا وقت ليته بس يرجع
ويترك كل ماضينا خلافه
واذا مرتاح في بعدي وهجري
( يرد القلب لو مابه كلافه)

[نواف الفهاد]

:
:

مافي يدي غير قلب / فيه شوق وميول
وإن كان لك فيه حاجه .. مآني بـ ذآخره .......!!

يآكم تمنيت آجيك بـ كل ليله / وأقول :
أحبك / أحبك / أحبك / أحبك .. إلى آخره ....!!

:
:

[نواف الفهاد]

ليتني لا طحت من عيـن الزمـان
دام ما بي مـا يحقـق مطمعـه..
يـا يوصـل قلبـي لبـر الأمـان
يا يجيب الله وقوعي فـي سعـه !!