--( زهور متناثرة .. من بساتين الحياة )--

[الدووووخي]

من اجمل ما قرأت لنواف فهاد وان شاء الله اعجبتكم ..

[الدووووخي]

الفنجـَان الخامسْ ..!!





-إلى : جهةٍ خامسَة .!








صباحاً ..
أغادرُ فناجيني كما هيَ ..
فكلُّ أصنافِ القهوةِ تأتيني بكِ على أسطحِها طافية .
تستفزّني فراغاتٌ كرغوةِ "كابتشينو" غاوية ..
فأخشى إرتشافها فلا تتكرّرين الصباح التالي لكلِّ رغوة ..
فـ : أغـادِر ..!






ولستُ أخشى ذلكَ وأنتِ بمعيّتي ..
فأتوهمُ خشيتي بأنَّها / رُعب فقدِكْ ..
فأنتِ لم تحظ َ بكِ أرْوِقَتي بعْد .. ولم تتحبَّري ورقةً من أكوام
أوراقٍ مازلتُ أدّعي ملكيّتها .. بينما هي المالكُ ..
والوطنُ ..
والحضـنُ ..
والصدرُ وما إلى ذلكَ مِنْ وسائل لإحتـواء الفقدِ ..
وطيّ شاسع البعدِ عنكِ .. وعنْ معيّتك .
مؤلمةٌ هيَ قهوتي عندما تنسكبُ لحظةَ سهوٍ لإرتشـافٍ بَحْتكْ ..
أليسَ كذلكْ .؟!







كأفخر ماتكون "البرازيل" ..
تتكوّمينَ عنّي في زوايا البعدِ حبّةً فوقَ حبّة .
وفقدكِ .. يتلو إشتياقكِ ..
فيسحقان شيئاً هنا في صدري ..
تماماً كرحى عجوزٍ "خولانيّةٍ" لاتجيدُ منذُ النشأةِ الأولى سوى البُنَّ ..
وسحقَ القلوبْ ...! كلاهما قهوة ..
ولكن أرأيتِ أينَ هذه عنْ تلكْ .؟!




إذا كان البقاء صباحاً بلا إرتشـاف ..
يهبُ الفقاعات التي برائحة البُنِّ للتيبْس .. ويزرعني في أراضٍـ بورْ .
فإرتشافك بعدما يدنو بكِ قدَر حرقٌ لحبّات البُنِّ ..
ومناديل الورقِ الناعمةِ النديّة التي تحيطُ بكلّ حوافِّ الفناجين ..
فحوافّ العنّاب ..
فحوافّ الحرقْ ..
وكلُّ تلكَ الحوافِّ جوف ذاكَ الذي كان في صدري هنا .!


للكاتب خالد العتيبي ..

[الدووووخي]

( العيد هل )


هلت تباشير الفرح واقبـل العيـد
والكل يرقص بالفرح ليلـة العيـد
واللي رحل مدري بالأفراح بيعيد
والا خـذتـه مـصـفـدات الـحـدايـد

هـل الهـلال وعيدنـا مـا نشـوفـه
والحلق به غصه وزايـد نشوفـه
والشوق فينا مثـل جمـر نشوفـه
العيـد صايـر مثـل باقـي العوايـد

العيـد هـلّ / ومـا وصلنـا شفاتـه
والجرح غار وكم رجينـا شفاتـه
والعيـن تتمنـى / تعانـق شفـاتـه
فالعيد ماهـو بـس لبـس الجدايـد

العيد في شوفت عزيز ن فقدنـاه
والعيد في وصل ن لرحمٍ وقدنـاه
لكن كيف الوصل بعد ان رقدنـاه
يـارب ونـس وحشـتـه والفـرايـد

العام / عيدنا / وزرنـا / مرابيـه
والأمس نبكي حين نرمي ترابيه
واليوم جانا العيد / يبغى نرابيـه
فالحـمـد لله / أمــر ربــي وكـايـد

يارب بعد الصبـر جبـر وسلـوان
مدري بهالدنيا مكاسب وسلـوان
والا عذاب ن بالمقابيس والـوان
والنفس تأنس ماجنت من فوايد

استغـفـر الله عـيـد ربــي علـيـنـا
هـلـت تباشـيـره ونــوره علـيـنـا
ومـا زرعنـا بـه رفعـنـا وعليـنـا
معـه تكـون افـراح قلـب المعايـد

ياعيدنـا / اهـلا هـلابـك ونــزدان
بك الملأ بتعيـش فرحـة وتـزدان
والقلب للتقـوى بيصبـر ويـزدان
يامرحـبـابـك /للتبـاشـيـر سـايــد

العيد لـه فرحـه وبالنـاس جمعـه
والكـل يتـزيـن بـمـا زان جمـعـه
لكـن نسينـا كيـف للعـيـد جمـعـه
فالعيـد يـوم وباقـي الـمـال بـايـد

تبـوا تعيشـوا فرحـة العيـد مــره
شوفوا صحايفكم بهـا اجـر مـره
هيا توقوا النار لـو شـق / تمـره
ثـقـل موازيـنـك بخـيـر الـزوايــد

ياكـم بـلاد ن دمرتـهـا المجـاعـه
والجار يبكي مـا تلمـس وجاعـه
يجوع شوفك والأمل فيـك جاعـه
ياهـل تـرى نهنـى لـذيـذ الرقـايـد

ياعيد معهـم نكسـب افـراح دنيـا
وليا ذكرناهـم نقـل ايييـه / دنيـا
كذا الحيـاه / مابيـن عليـا ودنيـا
والعيـن تبكـي / كلـمـا لاح نـايـد

عيشوا الفرح وتجملوا للحبايـب
فعيدنا الباقي / بشـوف الحبايـب
حتـى ان تزاعلنـا بنبقـى حبايـب
فالله يسامح كـل مـن تـاب عايـد

صحيح ان العيد شـوف الغوالـي
وصحيح فرحتنا بلبـس الغوالـي
لكن نسينا كيـف نكسـب غوالـي
تحفظ لنا مثل الصحف والجرايد

ياصـاح وثـق بالتهانـي مكاتيـب
جمّـل مكاتيبـك لـذوق المكاتـيـب
فالعمـر كلـه ياعزيـزي مكاتـيـب
حنـا نريـد وخالـق الـكـون رايــد

كل عام وانتم يامحبين فـي خيـر
والله/ يرزقنا / صـلاح المواخيـر
يارب واجمعنا بهم ساعة الخيـر
وأظلـنـا ابظـلـك نـهـار الـوقـايـد

يـا عيدنـا هَـلّ الفـرح وانتشيـنـا
والكـل غـنـى / فرحـتـه منشيـنـا
مابـك حـلا لكـن لا منتـه بشيـنـا
يـارب عيـده خيـر عنـد المعـايـد

هذا وصلاة الله على خيـر هـادي
محمـد المختـار مــن رب هــادي
اعـداد ماهلـت مــزون المـهـادي
عليـه صلـى الله ونـتـم القصـايـد



وعساكم من عوادهـ

شعر

احمد المنتشري

[الدووووخي]

البارحه ماقدرت آخذ معااك العلووم
مشاااعر الشوق تضحك وانت فيك عجله ...

...ليت الدقايق غفت في جيتك ماتقوووم
ياااليين يبعد عن الطرف الخجول اخجله ..

وش فيك كنك غشيم ..ولاتعرف السلوووم
تقبل ثقيل الخطا.. وتفر كنك احجله !!

يالله عسى الحض دوونك مايطيح ويقوووم ..
يدرج .. ويمشي على سلك الغراام اعجله

نايف ...

[الدووووخي]

((الصوره اللي بجوالي تعذبني))
قصيده جميله جـــداً لشاعرالمبدع/ سـالم الفـراع



الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غزى القلـب وتملكنـي
قطعـت كـل العـلاقـات وطواريـهـا

اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا

انت آخر انسـان هاقـي منـه يصدمنـي.
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا

تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا

بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا

فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا

اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

[الدووووخي]

كنت [ هادي ] ....

ومن هدوئك كنت خايف !

كنت [ عادي ] ....

لاشعور ولا عواطف !

وقتها حسيت إن هذا الهدوء ..

مستحيل يمر مايسبق

" عواصف " !

صاب ظني .. ليت ظني كان خايب !

غاب صوتك !!

وإبتعدت وصرت غايب ،

غبت عنّي ....

وغابت أفراحي معاك ،

ليش غبت ؟!

وليش ماعدنا حبايب ؟

:







اتقول فــ [ رميتك ] ماكنت رامي !

أشهد إنك . . .

راميٍ أحسن صنيعه !!

من عشقتك وإنت في جرحي عصامي !

ومن عرفتك . . .

وإنت لك [ ذمّه وسيعه ] !!

شايف وساكت ومتراكم ملامي

في حياتي شفت شغلاتٍ فضيعه

علمتني دنيتي { أكتِم } - غرامي

وإن لقيت - إنسان بايعني , أبيعه !!




وعلمتني كيف . . أحوّل / إنهزامي
لأنتصاري . . . وآتحايل عـ الخديعه !


مهما أعطي للـ زَهَر كل إهتمامي
ما يفتِّح , غير . . . في موسم ربيعه


علمتني كيف " تتساقط " أسامي ,
وعلمتني كيف أبقى بـ..الطليعه


علمتني أمشي و آطالع . . . أمامي ،
طيحة الشاطر . . تجي دايم سريعه !


علمتني كيف أفرِضْه إحترامي ,
ولي كرامه , يهمّني تبقى رفيعه



ليه أشيلك ذنب دام القلب سامي ؟
وليه أحمّل نفسي . . . ما لا أستطيعه !


ليه أتمتم وإنت ما تسمع كلامي ؟!
ولو يحرضني لساني ليه أطيعه !؟


صمت عنّك . . .

لا تجي وتجرح صيامي

عندي الفرقى , ترى صارت [ طبيعه ] !

:


ما أعاني ,

والحزن أصلاً نساني

رحت عنّي

تكفى [ لا ترجع ] . . . عشاني !

الأماني تحققت لحظة غيابك /

مات حبي ,

وقمت ما أسمع أغاني !

كنت ذنبي

وأحمد الله إنّه هداني ..!

[الدووووخي]

كيف (انقش الما)؟! بالهوى علمتني!
وكيف (اجرح الظلما)؟! معاها تعلمت

وكيف السحابة تنثني فوق متني
وكيف أحترق واندم على ما تندمت

أحيت بي الفرح اليتيم وحيتني
وانهت بي الجرح القديم وتبسّمت

من ساس إحساسي لـ راسه بنتني
تقسم لها جروحي بـ ربي وانا اقسمت

وفي ليلة الفرقا حصل يوم جتني
فوق اليدين اللي بنتني تحطّمت!!

مصدق كيف روحي جفتني؟!
ماني مصدق كيف منّي تيتمت؟

لو اليدين اللي خذتني عطتني
ما كان يا جرح الهوى فيّ وسّمت

ولو الحروف اللي حكتها، حكتني
ما كنت اجازف واجرح (الصمت بـ الصمت)

في موقفٍ فيه انتهت . من بدتني
آموت واحيا به وانا ما تكلمت

حتى ف (امان الله) ما طاوعتني
ما غير بالدمعة لها الحال ترجمت

دمعة ألم (خجلا) عليها بكتني
طاحت على كفّي ومنها تألمت

اقفيت وعيوني لها خالفتني
ورفعت كفّي من بعيدٍ وسلّمت

واللي جرح روحي وناره كوتني
إنّي مع نفسي حكيت وتلعثمت

المعذرة لو قلت يا فاتنتني
مابه حكي يوصفني ابلغ من (الصمت)

[الدووووخي]

تجيني طيف يا عمري.. على جنحان شوقـي لـك
اخاف ارمش من عيوني..! وابعثر جيت وصالـك
...
حبيبي لا تجيني قول.. وين انت؟ وانا اجـي لـك
ابيك تقول وين انت.. وعلى عيوني انا اسعى لـك
...
وربي فوق روس الشوك.. لا اخلي القلب يمشي لك
واخلي ظلالي يسبقنـي.. قبـل يحضنـي منزالـك
...
ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عذالـك
...
يقولوا الناس: بغيابي تشب القلـب ويضـوي لـك
حنيني ومن وهج شوقه.. يميـل القلـب لا مالـك
...
قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحالـك
...
تعبت اهرب من الاشيا البسيطـه مـن تفاصيلـك
تعبت اسأل زوايا البيت.. عن اول واخر احوالـك
...
وحتى الشوق من صبح الدرايش قام يهـدي لـك
عصافير الرضى ترفـرف علـى بيبـان مدخالـك
...
هنا ترمي صباح الخير.. قبل لا تروح وادعي لـك
وهنا تضوي مساء الخير.. في عيني مـن هلالـك
...
انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك
...
حرام الليل ماهو ليل..! اذا مـا كنـت فـي ليلـك
وحرام الصبح ماهو صبح..! اذا ما كنـت فظلالـك
...
تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك
...
بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك
...
حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!
...
تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك
...
تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك
...
وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك..!


راقت لي

[الدووووخي]

طق يامطر | طق يامطر ~ للرائع أحمد الصانع ~


رقت كل الناس من أجل عينك . . .
حتى مع قلبي ~ عشانك تفارقت !
والحين ويني عن حياتك ووينك ؟
فارقتني وماهمّك إني تضايقت .
{ ودّعتني } يا جعل ربّي يعينك |
ومع المشاكل في فراقك تعانقت .





ما رِجَع ؟ سألوا عليه يمكن إنه فيه شي .
______________ غيبته عنّي { غريبه } روحوا جيبوا لي الخبر :


والله ماهي عادته أيّام ما يسأل علي !
______________ حجة الغايب معاه . . بس . . مافيني صبر .


لا تخبّون الحقيقه |
وماحصل ؟
- قولوه لي .
ولا تقولوا لي : نسى أو لهى ،
ماهو عذر !

أكذِب إن قلت الليالي في غيابه : هي / هي
______________ ويَصْدِق إن قال المفارق راح يسبّب لي : قهر

قلبي حيل إشتاق له وحبي له ماهو [ شوي ] :
______________ مثل صحرا أنتظر . . طق يامطر | طق يامطر .

في وداعه ، كنت أمسك راحتي براحة إيدي
______________ لين شفته بعيد عنّي .. كنّي ماسك لي : جمر !

ظلمه هالدنيا بدونه مابها نورٍ و { ضي } .
______________ ليش سافر عن عيوني ؟ يعني وشفيه السفر !


من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .

الشعر : أفضل وسيله توصِف إللي صار بي . .
______________ وإلا أنا ماكنت أصلًا فاضي وحول الشعر !

لا تسولف لي عن { جْروح الليالي } . .
وإنتْ قلبي .. ياما داواك ، وخدعته !
إيه أنا صابر .. لأنك : حيل غالي ،
ولو أحد ثاني مكانك ؟ - كان بعته .

[الدووووخي]

قصة عمران البجيدي ودخيله ..




http://www.youtube.com/watch?v=F9N6I...layer_embedded




هذه السالفه جرت لعمران البجيدي وهو من البجايده من عنزه ...وكان له ولد يقاله (ساير) وكان توه شاب واذا سرحت أبلهم كان يسرح معها جنب الين تاصل مع ابل القبيله ...
وفي يوم من الايام جاء واحدً قوماني يبي عسى شئ يتهياله من البل عشان يحوفه ويوم قرب من الابل وهو ينطحه ساير ويجي بينهم رمي وتصيب طلقه في ساير ويطيح مقتول ...
ويقوم هالحايف يبي يزبن للبيوت يشوفها مد النظر والرجاجيل يلحقونه وهو مايقدر ينحاش
لانه وسط ديار عنزه ويبي يزبن زبنه ويوم قرب من البيوت وهو اللى ينصى اكبر بيت بينهم
ويجي راكض والرجاجيل من وراه ويوم قرب وهو يحذف عمره حذف على البيت ويقول :
دخيل دخيل يا رجل قال عمران دخلت . ( الرجال زبن بيت ابو المقتول ساير ) والرجاجيل من وراه فقالوا: ياعمران ذابحن ولدك ساير .
وقتها أنفجع عمران فهذه مصيبه لانه زبّن الرجال يوم جاه زابن والثانيه انه قتل ابنه فقعد شوي وهو منّزل راسه بالخد ويتماسك عمره ثم قال: الرجال دخل وساير مثله مثل ساير الناس روحوا وخلوه .
ويقعد شوي الا هذه ام ساير جات تمشى مفجوعه وتقرب حتى وصلت للدخيل
ويقوم عمران ويجي وياقف بينها وبين الدخيل خايف انها مغبيهً لها جنبيه والا شئ وتذبح الدخيل فتصير مصيبه وتسود وجهه
وقال : وش عندتس يامره وهي ساكته مفجوعه وكررها عليها ثلاث مرات فقالت هألابيات :




الحـمـد للـبـاري صــدوق المـخـايـل اللـى بلانـي بالليـالـي بــلاء ايــوب
مايسـتـوي لــك يارفـيـع الحـمـايـل ذبحت دخيل البيـت عيـبً وعـذروب
أدخـل دخيـل البيـت لـو كـان عـايـل عفواً عـن المحـروج حـقً وماجـوب
تكسـب بهـا نامـوس بـيـن القبـايـل ومـاراح يخلـف والـذي صـار مكتـوب
والطيـب حبلـه بيـن الاجـواد طـايـل ولايستوي طيبً من الصبر مسلوب
مـار خلـه دخيـل يـاذعـار السـلايـل لو كان لابني مهجه القلب مطلـوب