(( عبــر عن حالتك النفسية في بيت من الشعر ))

[نواف الفهاد]

من العام ظنوا بي وظنوا وظنوا

وأنا على نية بياضي من العـام

واللي لضعفي وانكساري تمنـوا

خابت بهم ذيك الأماني والأحلام

واللي على حزني من الكره غنوا

داريتهم في حزنهم مثل الأيتـام

واللي على فرقاي يامـا تجنـوا

شفهم على مثلي يعضون الإبهام

[عزيزة نفس]

بس ..
ليه اشكـي واحسب للظنون،،
وراس مالي تالـي الدنيا كفـن ..!!
ذي بـدايه..
والنهايه وش تكـون،، هو يزول الهـــم عني ماأظن ..!

[~أصداف~]

.
.

تدري وش اسوي ليا اضناني الشوق
اسوي بعيوني كذا واتخيلك ..
واقربك واتوق واتوق واتوق
واكثرك واحلف ماعاد اقللك ..
واصورك في الموق وتكبر على الموق
وتطيح مع دمعي على ايدي واقبلك ..
هذا غلاي اللي مع الدم مدقوق
ولا عاد تسأل عن شعوري وازعلك .. ~


.
.

[الكهرمـان]

يانفس قومي عن غرام البقايا

وياقلب قبل تحب شاور وخاير

[~أصداف~]

.
.


لحظه بس شوي .. باخذ لي [ شهيق ]
ودي آفضفض مـ دام إني سهرت
البلا : ما هو لأني مستضيق
البلا : فيني [ فرح ] بس ما شعرت ! ..~


.
.

[صمتي حكايهـ]

تشوف رقمي على الشاشه وتسفهني..
وغيرك تمنى اتصالي بالشهرمره..
والله لآخذ بثاري وانت عارفني..
من ضرني..ما اتسامح عنه واضره..
وانكان قصدك بتنطيشك تعاندني..
الله يعينك على فرقاي من بكره..

[الكهرمـان]

قيل لي وش تمنى قلت لي منيتين
أعيش في قلبه وأموت بأحضانه

[نواف الفهاد]

صحيح الحزن لا يِلمس .. ولا يِسمع .. ولا يِنشاف
لكن وشلون ابقنع دمع عيني .. لا فضـح عينـي

[الكهرمـان]

أقول يكفي سلامك يابعد حالــــي

تقول وشلون حالك وأنت خابرهـا

[عزيزة نفس]

لو نسيت العمر ما انسى دمعتك

صرخة ذابت من عيونك دموع

ترتعش مرتاعة فـي وجنتـك

وانتفض قلبي لها بين الضلوع