[align=center].
ياصاحبي الدنيا حكايات وعلوم ,,
قصص عجيبه تذهل اللي قراها ,,
الدنيا لو تضحك معك دايم الدوم ,,
خلك فطين ولا يهمك رضاها ,,
كم واحد تبني له أمال وحلوم ,,
يفني وغيره يهتني في بناها ,,
ياما أفرحت قوم وأحزنت قوم ,,
وكم أعشقت عين وخانت غلاها ,,
ياصاحبي شفت امس شف حالنا اليوم ,,
دنيا تقلب يكفي الله بلاها ,,
اليوم لامنه بغت عيني النوم ,,
تنكدت روحي وعافت كراها ,,
ماكل من علا بالأصوات مفهوم ,,
وماكل روح تلتقي في مناها ,,
وماكل من يشكي معذب ومحروم ,,
وماكل من يضحك همومه نساها ,,
بحر الحياه ان صرت ماتعرف العوم ,,
يرميك في غابه بعيده مداها ,,
من راح يستسلم من احزان وهموم ,,
يموت حي وحاجته ماقضاها ,,
واجه هبوب الوقت بإيمان وعزوم ,,
لابد من ربك يهدي هواها ,,
واصبر إذا شمسك حجب نورها غيوم ,,
الغيم بتفرق ويشرق سناها ....
::
وفقكم الباري
.. .. ومضـــــــــــــــــــــة .. ..
سُئل الإمام أحمد :
متى يجد العبد طعم الراحة ...!؟
فقال : عند أول قدم يضعها في الجنة ..!!
[/align]
المواضيع المتشابهه
العرض العادي
