غنيّة همّ .. ما أملك ثَمَنْ لِلأجوبه بُكره
..... سُـــؤال اليوم بلحاله مسافـــه ما مشيناها
تيمّمت الحزن لمّا بطل في صدقنا طُهره
..... وبسملت الدموع حروف تاخذني لمنفاها
لقيت امن الوجَع أشياء تشبهني على الفطره
..... وإذا زوّرتني حيله أفجّ الروح وألقاها
قويّة ضَعفْ من باسي أقاوم للأسى عَبْرَه..!
..... تزفّ الياس من خِدْر العيون وينسكب ماها
نمابي سَخْط متشكّلْ بصوتٍ يتقن الزفره
..... يعلّمني ترانيم الشجون وشهوة بكاها
مِتى ياليل تسريبي لوجه الصُبح لو مُكره..؟!
..... مِتى تَقْصِرْ دقايقنا عن الذكرى وتنساها..؟!
مِتى ويموت مِنْها ألف كل ما نادت بحسره
..... تشيّعها جموع الـ ليش والـ ياليت تنعاها!
تعب فيني صبر يتدثّر الأحزان بالزُّمره
..... كشف قلّي على غفلة جروح تبلّل اِحشاها..؟!
النقية/ عهود السالمي...,
المواضيع المتشابهه
ـــــيْ مقــ،ـرٍهـْ !!
العرض العادي
