قسم الطلباااااات .... أطلب أي طبق ... نجيبه لك في الحال ...

[عبدالله محيلان]

ابشركم الطبخه ولا احلى
بس ماخلت من المواقف
طبعا القصه بدت اني كنت ابي اعزم الشباب بس على شي جديد زهقنا من الكبسه مسوي كريم
ورحت شريت كل المقادير ومن كثر الدلاخه ضيعت بين الكركم والكمون رحت البقاله شفت كيس مكتوب عليه كمون استغربت لونه بس قلت يمكن اللي بامريكا غير المهم طبخت كل شي واكتشفت ان المفروض يكون كركم مو كمون ورحت ركض للبقاله لاتدارك الموقف وحطيت الكركم واصبح الطبخه كما هي تشوفون



والموقف الثاني احترق الرز وبدلناه بخبز الصاج


اخيرا هذولا شباب امريكا قبل الاكل


والشباب لحسو الصحن وماحبيت احط صور خوفا عليهم من العين ( اللهم لاحسد)

اخيرا مشكوره اختي حنين على الوصفه
ومن الان ورايح الله يعينج على الطلبات

[حنين]

ههههههههههههههههههههه
حلوه خطا مطبعي




بصراحه ما شاء الله عليك يا مهاجر


وابشر باللي تلبي لك الطلبات في اي وقت

[أم فرح]

جزاج الله خير إختي فتون والله يعطيج العافيه

إذا ما عليج أمر أبي طريقة الحلوه الإيرانية إذا تعرفينها لأني من زمان أبي طريقتها وما حصلتها

آسفه على الإزعاج لا تعبين نفسج إذا ماتعرفينها يسلم راسج

" سبحانك اللهم وبحمدك أشهد أن لا إلاه إلا أنت أستغفرك وأتوب إليك "

[حنين]

ياهلا بام فرح

حياك الله

وهذي الطريقه




المقادير:

- كوبان من الدقيق الصالح لجميع الاستعمالات.
- كوب زبد.
-كوب ونصف الكوب من الماء.
-كوب سكر.
-نصف ملعقة زعفران مطحون.
-نصف كوب ماء ورد.
-نصف ملعقة من مسحوق الهيل.
-نصف كوب فستق مطحون(للتزيين).

طريقة التحضير:

1- حمصي الدقيق في قدر على نار هادئة حتى يصبح لونه أصفر.
2 - انخلي الدقيق بعد تمحيصه, ثم أعيديه ثانية إلى القدر.
3 - سخني الدقيق المحمص قليلاً, ثم أضيفي إلية الزبد وقلبي المقادير.
4 - ضعي باقي المقادير في قدر آخر ماعدا الفستق وحركيها على النار حتى تغلي.
5 - أضيفيها إلى الدقيق بالزبد واخلطي المقادير على نار هادئة حتى يتجانس الخليط تماماً, ثم ارفعية من على النار واتركية لدقائق قليلة حتى يبرد قليلاً.
6 - رقي العجينة بارتفاع (بوصة) ثم قطعيها بآلة تحضير البسكويت.
7- ضعيها في أوراق التقديم ثم زينيها بالفستق المطحون.

[أم فرح]

الله يعطيج العافية أختي حنين

ماقصرتي جعلها الله في ميزان حسناتك إن شاء الله

الله يوكلج من أكل الجنه قولي آميييييييييييييين

إتصدقين من زمان أدور على طريقة الحلوى مولاقيتها مشكوره وايد

" سبحانك اللهم وبحمدك أشهد أن لا إلاه إلا أنت أستغفرك وأتوب إليك "

[الجوووري]

مهاجر بلا رجعه


بسم الله على قلبك ..


وش هالسنع بس


بالعافيه عليييييك وعلى خويااااااك ..

حنين .. الله يعطييك العافيه فديتوؤوووك (:

[حنين]

آآآمين


تسلمين يارب على هالدعوات الحلوه

العفو اختي


وحاضرين في اي وقت


******

الله يسلمك جوريتي