[RAMS]http://www.5h5h.com/sond/iB725767.mp3[/RAMS]
شروق الشمس بغيابْك تلوى للألمْ وانزاحْ
من اركان الفضى واعلن حداده وانطفى نوره
وصبّ الغم في حلق المعاني واشرقت باتراح
وماتت-عالفجر فرحة سنيني - حيل مذعوره
يراع الفقد والغربة بعيني يايبه جرّاح
رسم اصعب تفاصيل المواجع واتعب الصوره
(سواد الليل بالدنيا ودمعن من قمرها طاح
على غصن الأمل يومه توفى فيه عصفوره)
[align=center]
انا ادري عاهدك صبري وتدري هالصبر مفتاح
يرد الروح لكنّي كثير ألقاي مغموره
بوسط الدمع والآحق طيوفك والعنا لّماح
يجر الضيم لأنفاسي .. وانا ادري ما انتهى دوره
يطاردني ورا جرحي ويهدي للفكر اشباح
من الذكرى على بيتن عجز لا يستره سوره
الين اليوم والصدمة تنادي للأسى أرواح
الين اليوم والغصّة تحيد القلب عن طوره ..!![/align]
والملم مابقى فيني واغطي خافقي بوشاح
من اهاتي عشان أحيا لو ان الروح مفطوره ..!!
واجيك المغسلة واشفى بنورن من جبينك لاح
واشم الورد واتألم وارد اتنفس زهوره
واردد يا يبه عطرك غذا مع بسمتك فوّاح
واتمتم لك - فمان الله- على الونّات مجروره
فمان الله يا وجهن تركنا للشقا وارتاح
عسى هالروح في أعلى جنان الخلد مسروره
حفظ
المواضيع المتشابهه
العرض العادي
