.,. سجل دخولك لهذا القسم ببيت شعري اعجبك.,.

[!!سكروووب!!]

أكلمك والعذر حبيت أسلم
والا الصراحة ..مشتاق لك مووت
امانتك لاضقت مني تكلم
وانا اوعدك ..ماعاد اسمعك هالصوت

[جوهر الراوي]

بعدك عذاب محرق قلبي احراق
وقربك اماني قلب حبك حيابه

بحق الذي يخلق وللعبد رزاق
عن حب غيرك سكر القلب بابه

جتك المشاعر ضاميه حيل تشتاق
يسألك حبك.. وش تكون الاجابه؟

[ثلجة وردية]

الحب حلم والدنيا أماني *** والدموع تلازم العين الحزينه

كل ماحاولت أعدل زماني *** قامت الامواج تلعب بالسفينه

[!!سكروووب!!]

أبحر عساك تكون للروح بحار
أمواج قلبي في يمينك رهينة
لجلك كتب أغليك بأصداف وأحجار
وفاض البحر للبر وأعلن رحيلة

[ثلجة وردية]

لا تترك ايامي تمر من دونك ..... و الله لو تدري بغلاك كان تدمع عيونك

[!!سكروووب!!]

ياللي من الصوت تعرف كل مافيني
وش ذنبي ان كانك اكثر شخص فاهمني

[ثلجة وردية]

مانيـب .. لا رايـق ولا متضايـق
والبوح : غصن ٍ ما قدرت آطوله !!
حاول .. على حدب الظلوع توايـق
وبتعرف اللي ما عرفـت آقولـه

[!!سكروووب!!]

يا ابن الاوادم ترى مليت المح لك..
انا أعزك واحبك واعشق ترابك..

[ثلجة وردية]

امانه يالعيون اللي بكيتي ليه تنسيني؟
وانا منهو رخص كل العيون وكلّها اسبابك
تكحّلتي لاجل غيري ، قدرتي كيف تنهيني؟
وانا اللي كنت بعيونك أنام الليل واصحى بك
نسيتيني تناسيتي أكيد انك قتلتيني
قتلتيني بعد ماكنت قبل الموت أحيا بك

[!!سكروووب!!]

أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني