(( عبــر عن حالتك النفسية في بيت من الشعر ))

[ثلجة وردية]

ياهواجيـس القصايـد تعالـي وأكتبـي

ماتردد بالمشاعر مـن آهـات وأسـى

أسرجي خيل القوافـي قصيـد وقربـي

سيف شعرٍ غمده الليل وأهداب المسـى

شرقي في عالم الشعر نـوب وغربـي

وألبسي تاجه من الدر والماس اكتسـى

المدى همومٍ على دروبها طـال تعبـي

وآخر المرفا زمانٍ مع القاسي قسى؟؟!!

[شمس الرائدية]

غيّرتْ دِنيآيْ صَرتْ أوُلِه وَ صَّرتْ أسَهِر
صَرتْ أنِتظَّر شَوفِتكَ وَ أكِلمَّكْ وَ أشِكَيْ ..

علّمتِنيْ كِلْ حآجِة بِسَ أبِيْ أكِثَر
علّمِنيْ شَلوُنْ لآ فِآرقِتنَيْ " مآ أبِكَيْ " ..
^^
^
روووعه

[نواف الفهاد]

اعشق بلوغ المستحيل اللـي بالأخطـار امحفـوف
وإن خافـت عيونـي لهـا قلـب يبـدد خوفـهـا
طيري يا عيني في عيون الشمس وإن جاها كسوف
شدي عيون النار كـان الشمـس طـال اكسوفهـا
والنار لاصارت رماد ونامـت عيـون الضعـوف
ترفعـي عـن نومـة نـذال العـرب وضعوفهـا
ياطيبهـا واقفـى عـلـى عــزه وتبديـلـه ...
خيـر مـن وقفـه يدربهـا الـرجـا ويعوفـهـا
وانا واللي يقدرني على راسي من فوقـه الكتـوف
والناس ماتـدرك رضاهـا لـو معـك مصروفهـا
وانا معي شعر وفكر واهـداف وابعـاد وشفـوف
وقلب رضـي ماعـذرب الدنيـا وسـب صدوفهـا
ولا اقول مثل الناس ابحط النقـط فـوق الحـروف
اقول ابخلـق لـي نقـط بيـن النقـط وحروفهـا

[أبو فيصل]

قلت حـظي جعل عـمـرك ما تقـوم ... عـقـب قـصة ريم خلّك مـستـريح
من عرفـتـك وانت آخر من يقـوم ... لا تـفـزّ ولا تـعـيـن اللي يـطـيــح

[شمس الرائدية]

وقدني ليا مريت بالشارع العام
... لديت مما في الضمير ودعيتك
***
ادري ان صوتي ماقطع عشرة اقدام
... وادري بي اعود الا من نصيتك
***
ياشينها يامحنيٍ راس الابهام
... مقدر على شوفك وانا عند بيتك

[أبو فيصل]

يقولو! ~ الي نبيه يعيي البخت لايجيبه!

........... هذا انا اصرخ بعالي الصوت يـ البخت ..ْ

................ مـــــــــآ أبيه جيبه !!

[شمس الرائدية]

قالت لي :- ( الاحلام .. تحقيقها صعب ،
كم قبلك ! اللي : روحوا .. ما إلحقوها !

قلت :- إصبري والوقت يثبت علو كعب
( حبي ) .. على حب البشر .. ( كلبوها )


:

[سـَمآ ♪]

التلاعب بـ المشاعر / لاتعده بالشطاره
كم نديمٍ زاد .. همه والسبايب في نديمـه !

مايجوز إنك تصلي , قبل تحقيق االطهاره
ولايجوز إنك تحب / ونيتك ماهي سليمـه !!

[شمس الرائدية]

كلبوها (اااه) .. بس الله يعوض
بيني وبينه تناقض !! .. يا عرب

يوم اجر الـ(اااه) من قل الحظوظ
هو يجر الـ(اااه) من زود الطرب

[أبو فيصل]

عشان تتفادى جروح وخسارات
........... سطّح علاقتك مع الناس تسْلم