نظمت أنا شعري على كيف قافـي
وصهوة قصيدي للمعانـي مطيّـه
حضن الفكر عندي على طول دافي
واجمل شعوري للحبايـب هديّـه
شعري بحر ماله شطوط ومرافـي
عـذب المـذاق ومفرداتـه نديّـه
شعري جلي ماهو مبطّن وخافـي
وآهدافـه بالإجمـال دايـم نقيّـه
شعري جزل وآيضاً حروفه لطافي
وكل مهرةٍ بسْطبله ماهـي رديّـه
شعري يرطّب من يصيبه جفافـي
كالبلسم الشافـي بنكهـه شهيّـه
يطرب لشعري كل قلبٍ عطافـي
وحرّك مشاعر صارمات السجيّـه
حيث انْ حروفي نبعها دوم صافي
تلامس الوجـدان ماهـي عريّـه
يداعب الإحساس ماهـو بجافـي
مثل الحريـر ولمسـة السندسيّـه
شعري غزل لكن كسـاه العفافـي
حشمت شعري من وصوفٍ خزيّه
إحساس عاشق في قوافي نظافـي
ما تخدش اللي تستحي من القضيّه
وبالشعر مدحي للي بالعَهْد وافـي
اللـي علومـه غانمـه واجوديّـه
وان انطرا اسمه قيل والله عوافـي
يجـزاه بالخيـرات رب البريّـه
:
المواضيع المتشابهه
العرض المتطور
