من ابداعات شعراء وشاعرات الرائدية ( الصور تتكلم )

[غدا أجمل]

يــاعسـى من زار هالصفحـة بعد اسمي سعيد..!!
وياعسى جـــــور الليالي والمصايب ماتجيـه..!!

[شمس الرائدية]

لأني مرة من المرات طرت فكرة علـى بالـي
نويت أزعل بدون اسباب واشوفـه لـو بيتأثـر ..!!

أبعرف قدري بـ/قلبـه بيهمـه وضعـي الحالـي
أو انـه رح يطنشنـي ولا يسـأل ويستفـسـر ..؟؟

وفعلا دق ما جاوبت!!حـرق لـي والله جوالـي .!.!
3000 مـرة دق وانـا مطنـش ولا معـبّـر .!.!

كتبلي بالمسج: [اطلـع انـا عنـد بابـك الحالـي
قسم بالله مـا تطلـع لخربهـا انـا واحــدر]

ومشكلتـي أعرفـه زيـن يسويهـا ولا يبالـي
نزلت/ وخاطره مكسور يقـول: (اشفيـك متغيـر؟)

وقلت له: بس أبتأكـد اذا قـدري معـك عالـي
ضحكلي وقال لي اتأكدت؟ ودمعه بلـل المحجـر .!!

وطارت فيني الدنيـا لمكانـي صاحبـي جالـي
تعذرلي وانا الغلطان واانـا اللـي لازم اتعـذر

[~أصداف~]

[align=center]
.
.






والصاحب اللي من بذرت الود...ريضان و نخيل
-وبيبان طفل هذب الأشعار.. منه...مشرعة
لاهو رحل.. كله.. و لا كسر فناجيل الرحيل
-خلاني اتقهواه... فــ صدور الجهات ..الاربعة! ..~


.
.
[/align]

[شمس الرائدية]

يا ماخذ الدنيا وساعة صدر..ومزاح..وضحـك
علمني كيف أتخلص من الضيق واضحك وبتسم

لا صرت ماتلقى صديقن يحتويـك وينصحـك
في وقت ما تاخذ مـن الأصدقا..غيـر الأسـم

[غدا أجمل]

وش قصة الدرب هذا ؟ قول خبرني
وش قصة الدرب هذا ؟ توّني بادي
يمكن كلامك على غدره يصبّـرني
إلين أكمل وأجيب بصبري مرادي
يـاعمّ وقف أبي قلبك .. يعبـرني
دامك مشيت المسافة وادي بوادي
ودّي أعيش الحياة .. وما تكبـرني
وإلا إني أموت طفل بلفة مهادي

أستغفر الله فـ لا غيره .. يدبرني
وإلا أنا عبد تايه ضايع و غادي

يـاعمّ كمل طريقك .. لا تخبـرني
خلّ الليالي تمرّ وجوّها .. هادي

[ابو فهد 77]

حزين من الشتا ولا حزين من الظلما ياطير
دخيل الريشتين اللي تضفك حل عن عيني
دخيل الما..وحزن الما..وحزن الما قبل ماتطير
تهيا للهبــوب اللي تصـافـــق في شراييني
دخيل الغصن والظل الهزيل وهفهفات عصير
دخيـلك لاتشح بنجمتــي والليـــل ممسينــي
ترفرف يافقير الريش ضيقه..والنهار قصير
علامــك كل ماليـّـل جناحك جيــــت ساريني
انا ماني بخير وجيت يمي وانت منت بخير
وانا ياطيـــر فــيّ من الهجــاد اللي مكفيني
ترى لو شفت لي ظل ومهابه في عيون الغير
ترى كل الزهاب اللي معي جرحي وسكيني

[~أصداف~]

[align=center]


[align=center]
.
.


رحل غالي . قد انّه ما ترك لي دروب
.... وصرت أحرث دورب و ما معي غالي !! ..~


.
.
[/align]

[/align]

[شمس الرائدية]

ودي أتجـآهل غلآهـ وإن حكى مـا حكي معـآهـ





.
.



بـس!!


هو سـآكن بقلبي وعـارف البير و [ غطـاهـ ]

[ألكسندر]

جتني تقهويني .. وانا خاطري شين !
والهم راح وكنّ ما فـــ الصـدر شــيّ

تاكل حلا.. واقول وش لـه تحلـّين
بس إبلعي ريقـك / وعقبـــه تقهـويّ

وانا بشوفك بس يا غاية العــــــين
وإن جعت راح أقدع من إخلاصك شويّ

[سـَمآ ♪]

ألا يا طفل لا تكبر .. كذا أحلى .. كذا أطهر

كذا لا هم يتراكم.. كذا لا ضغط لا سكر

يا طفل احلم على كيفك .. احلم قدَّ ما تقدر

و اذا مليِّت .. خبي حلمك بدفتر