من ابداعات شعراء وشاعرات الرائدية ( الصور تتكلم )

[فهـــــد]

بينى وبينك ماتفيد المراسيل
ولاتبرر غايه الحب مرسال

اما حيا عمرالهوى بالمواصيل
ولاتفارقنا وليل الشقا طال

[عزيزة نفس]

والله احبة درى ولا مايدري
يكفي اني احبة واعشق دروبة
جيت اجبر الكسر شفته وانكسر جبري
وصديت لكن جروحي ناظرت صوبه

[عزيزة نفس]

ليـــتـ .. المطر ينزلـ علىقلـوـوبالاحبـااابـ

.............. يغسل !! مفاهيـــمـ الزع ــل و القطـــاعهـ ..

[فهـــــد]

لا يا نجوم الليـل مانـي بهـاوي
فرقى مناة الروح ولو طالت أسباب
يا ناصحين القلب ما لـه مـداوي
غير الحبيب اللي له القلب طـلاّب

[فهـــــد]

كل ما جيتك أبكشف لك غرامي
ردّني عنك الحيا بآخر دقيقه

أكتم اجروحي وأرسل لك سلامي
وادفن اشواقن تخبّر بالحقيقه

خايف اعلنها ..واغرق في ملامي
نفترق منها.. وكلّن في طريقه

أحسب احروفي واقلّب في كلامي
اعرف انك مثل هالورده رقيقه

.....

[عزيزة نفس]

صمت مهيب ..

السكون والليل وأنا ..

[أم مـحـمــد]

[align=center] ( ما كل حبٍ يذهل القلب )
ما كـل حـبٍ يـذهل القـلـب سكـان ,,, بعـض الغـلى لمـن خَـذ أيـامٍ راحـي
يــروح مـا كنـه تصـور ولا كـان ,,, يمحـاه مـن لـوعــة الأيـام مـاحـي[/align]

[فهـــــد]

البارحة ربي كتب لي ومريت
درب عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

التم غيم الدمع من يوم لفيت
وورقا القصيد لشوفة الغيم ناحت

وضحكت ماأبغي الناس تدري يبالفيت
لكنها غصب على العين ساحت

حارت دموعي في عيوني وصديت
وأرمشت مابيها تبين وطاحت

وعقبه برق في العين براق واسقيت
خدي ووناتي بصدري تلاحت

وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكا والتناهيت
وأشلا من سدود على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوله اني عقب بعده تدانيت
ورجلي عن دروب المعافين شاحت

البعد نار وطاعة العذل كبريت
يقصر على بعده ترى الكبد فاحت

[عزيزة نفس]

يا ناس ذاك البيت لا تهدمونه
خلوه يبقى للمحبين تذكار
خلوه حب سنين خلفه ودونه
في داخله قصة مواليف وأسرار
من يعشق الأطلال دمعه يخونه
لا صارت اقدامه على سكة الدار
عش الحمام اللي بعالي ركونه
رمز الوفا رمز المحبة والإصرار
ان جاء اقبال البيت لا تعذلونه
خلوه يبري علته لو من اشعار
راعي الهوى لاحب تبكي عيونه
لا هاجت الذكرى على ماضي صار
ياما حلى الأيام كانت حنونه
وياما حلى في مجلسه شبة النار
كم عاشق صابر وحرق شجونه
عجايب الدنيا وميلات الأقدار

...

[عزيزة نفس]

السلام عليكم ورحمة الله وبركاته



االيوم حبيت اسوي شوية تغييير بالموضوع

وهو >>> اني انا انزل صورة واللي بعدي يعلق عليه فبيت شعر يناسب الصورة

يعني ينزل الصورة اللي من عندي وتحتها الشعر اللي من عنده ..

حبيت اغيير فقط لااكثر واتمنى من كل مرتادين هالقسم التفاعل في الموضوع


الصورة

7

7

7





..... انتظر اللي بعدي ....