من ابداعات شعراء وشاعرات الرائدية ( الصور تتكلم )

[أبو فيصل]

لاشـــان حظك والليالـي تحدتك
اصبر عليها والصبر زين لو طـــال

لا تنحني للوقت وتروح هيبــــتك
تصفق بك الايام من جال في جـــال

وان كان همك في الزمن بس لقمتك
(

الفول بريالين) و (الخبز بريــال )

[أبو فيصل]

يامحلا النومه على فراش ممدود
في ليلتن مايقال بكره دراسه

يصبح عليك الصبح وماجاك منكود
ولاجاك من ثقل الليالي تعاسه

نايم على المخده والمكيف مهدود
مدفيني لحافي ياهوووه والله وناسه

مسكين يامنهو لدوامه بيعود
حالته حاله ودنياه دنيا محتاسه

يتخير من ملابس دوامه المقرود
ويدوّر نعوله ياربي وينهي طاسه

راكب للسياره والفكر حيل مشدود
محملن معه قلم ودفتر وكراسه

[أبو فيصل]

تأكـد دون ماتسأل .. ترى ببقى على عهدك
على قلبي حيت ذكراك .. ذكراها بلا قطعه

تسيّد يابعد عمري .. ولك امر الهوى وحدك
تمتع يانظر عيني .. حلاة العمر في المتعه

[أبو فيصل]

أنا وياه ما ندري هوينا بعضنا وشلون
ومن شفته وأنا أحبه وفجأة صار يهواني

إذا ناظرني بعيونه ابنسى كل ما في الكون
وإذا جاني وقابلني أشوف العالم الثاني

في قلبي هو الغالي وفي عيني هو المزيون
وفي فكري هو الهاجس هو القاصي هو الداني

[~أصداف~]

[align=center]


[align=center]

□▫

بشرب من الدله ولو كانها سم
...... ماهز فنجالي ولا قول كافي
ما دامه بيمناك وتقوللي سمّ
...... بسم الله اشرب كل سم عوافي ..≈



▫□
[/align]

[/align]

[أبو فيصل]

ماعزني ثروة دراهم ولاجاه
العز يكمن في غنى النفس فيني ...

[أبو فيصل]

القلب لك بالغلا خضر ٍ مساحاته
ارعي النوامي ولا بالبعد تشغلني

راعي الهوى مايدور غير مشهاته
ماكنه اليوم من روحي ولامني

لاتحرق القلب ياالغالي بحسراته
ان كان يرضيك زود الغلا فامهلني

حبي خفايا الحراير من معاناته
ياليتك بهم حبي لك تقاسمني

[أبو فيصل]

ليـلـي بـدونك وش يـســاوي .... جـيـت وحبيبــك صـفا جـوّه
وإن خفـت من حـاســدٍ غـاوي .... يـحرسـك مـولاي من ســوه
كـانك عـلى حـســرتي قــاوي .... ما للـزمـن طـيــب ومـــروّه
اختـرتـك لـدربـي مـخــــاوي .... وماني مـوصـيـك بالخـــوّه

[أبو فيصل]

جـرحتني جـرح جديد ٍ تلـوّى
على خفـوق ٍ منك بالحيل مجـروح

وسـويت فيني شي ما ينتسـوّى
وأقـول يا سـيد المماليح مسمـوح

لـيتك بـزلاتـك علي تـروّى
يـوم ان حبي لك من الروح للروح

[أبو فيصل]

طــق بالحومه ســما فوق السواده
وارتفع فوق الغيوم الممطراتي

فرخ حــــر ٍ لاطـلع يعجــب هــداده
ما تبــرقـع والطـيـور مبرقعــاتي

اشـقــر تــوّه وحــش بـأول مـهـاده
والقوانـيص والـعـيـون مشبهراتي
( كلمات الشاعر / عبدالله بن عبيد البقمي )
.
.
.
.
.
.
.
.



خوتي للذيب ماتطلب شهاده
وانت ياذيب الفيافي صرت ذاتي

انت يابن عبيد شيخ ٍ سيد ساده
قرم وابن اقروم ياعز اللجاتي

انتم اهل الشور يانعم الافاده
مكرمين الضيف حيل مبركاتي

( كلمات الشاعر / مخاوي الليل )