يا ماشي بدرب الهوى احذر التيه
يا كم شقي ٍ في الهوى تاهت خطاه
ما كل من هو قال احبك تلبيه
و تقول هذا الحب ايام و انساه
الحب لو سيطر على القلب ينهيه
ما عاد تتحكم بقلبك و بلواه
يا صاحبي اعرف من الوقت ماضيه
خذ ما يفيد وكل حزن ٍ تحاشاه
و مستحيل اللي فقد شي يعطيه
و ما هو محال اللي فقد شي يلقاه
احذر زمانك دامك الوقت باديه
لا ينبني عمرك على الجرح و الآه
و من هو مرض بالحب يالله تشفيه
و تعين قلبه وين ما كان ممشاه
احذر غرام ٍ به من الزيف و امحيه
و اعيدها احذر و احلفك بالله
خذ من مجرب مو من اللي سمع فيه
من حب صادق عاش دنياه مأساه
هذا كلامي و من رغب فيه يوفيه
و اللي تردد فيه يرجع و يقراه
و اللي قرأ و ما ناسبه شي يلغيه
و اللي قرأ و ناسبه يالله ترعاه
المواضيع المتشابهه
العرض العادي
