ارحبوا
هذي القصه صارت على رجل يقال له راشد وكان له
اخوان اثــنيـن وماتو من سبب الحب ومن غلآ راشد عند امه
خافت عليه من نساء الحي وقالت ابعده مع البدو الرحل لجل يبتعد عن مخالط النساء واودعته مع رجل يقال له
بن ندا وعلمته باللي حصل لخوانه اللي اكبر منه واوصته عليه وقالت احرص عليه من الحريم وكان ابن ندا
عنده زوجته وابنته من زوجه ثانيه وقال لهن احرصن على الولد لايطلع ولايخـتـلط بالناس
وكان بن ندى يحب القـنص
ولا خطر على باله ان راشد يبي ياقع في حب ابنته بمساعدة زوجتة وفي يوم من
الايام طلب بن ندى من راشد ان يحضرله غرض
وراج وجاب له غرض غيرالغرض المطلوب فاعرف بن ندا ان راشد وقع في الحب وقال له انت من اليوم
تجي معي معي يم البراري لجل ادربك على طرق الصيد واخذ على هذي الحاله
ايام قليله وفي يوم قال راشد لابن ندى: انا اليوم تعبان ولا اقدر اجي معك
لكن انا ابا اجلس في راس المرقاب وانت رح تصيد
واذ خلصت مرني ونروح سوا يم مضارب العرب ويوم رجع بن ندا يم
راشد توفى وكتب ابيات يوصي فيها بن نـدا
يقول راشد من غرايـب لحونـي
امثال من قلبي عطاهـن لسانـي
اونس بنوني مثل شوك الفنوني
وبين المرامش نون عيني كواني
واطي قلبي طي بـال الشنونـي
بال الشنون اللي طواهن طواني
على الذي فـي حبهـم ولعونـي
وزادو عذابـي يالله المستعانـي
تحيلوبـي بالهـوا واطرحونـي
وانا احسبني سالم ٍ في زمانـي
ومن مازح الخفرات نجل العيوني
غر الجبـاه مفلاجـات الثمانـي
ومن لايعنه ناقضـات القرونـي
يبع روحـه بالهـو والهوانـي
ويابن ندى لاتقبل العـذر دونـي
حيثك وصيي ورم بي من رماني
بمشذر ٍ حـده يقـص المتونـي
حـذر ٍ لسانـه حربتـه مامدانـي
واصيك في راس الطويل ادفنوني
حطو براس النايفه لـي مكانـي
متبين ٍ لهـل النضـا يذكرونـي
قالـو لقينـا بالرفيعـه مبانـي
و اوصيك وان جوكم هلي ينشدوني
قولو حشأ مالايعـه مـود مانـي
اخافهم في نوحهـم يزعجونـي
واصير مابين الخفـا والبيانـي
رجع بن ندا ولقى راشد قد مات ورجع يم بيته وقال لزوجتة وابنته : راشد
طاح من قمة جبل ولايقدر يمشي ..
تعالن معي لجل نرجعه .. وصلوا عند راشد وعلمهن باللي حصل معه.. صاحت البنت وماتت عنده
اما زوجة بن ندا قام بـقــتـلها عــند راشد حيــث انها هي سبب ماجرا لراشد
ياحليله راشد قلبه رهيف ماهو زي بعض العرب جلافة وقلوب قاسية
منقووله / واتمنى تعجبكم
المواضيع المتشابهه
العرض العادي
