قصه مرعبه حدثت لشاب اماراتي

[قمر الليل]

[align=center]هذي قصه واحد من الشباب ... استوت له السالفه من 3-4 سنين ...

تعرفون الكل في اجازه الربيع يروحون العزب .. خاصه في الامارات الشماليه .. المهم خالد و ربعه قرروا في يوم انهم يروحون العزبه و يقعدون هناك قبل لا تبدا الناس في السيره للعزب .. خالد مآذي ربعه ان هو السويق ..اللي لوتضيعه فالبر بيظهر و ما يهمه شي .. المهم الشباب اتحدوه انا ما بيقدر يوصل العزبه من الدرب الصحراوي .. و طبعا غروره اعمى عينيه , قال و ازيدكم من الشعر بيت والله لاظهر الساعه
((وحده ونص في الليل)) .. والمسافه لين العزبه 45 دقيقه ...
المهم ان الشباب حاولوا يغيرون رايه لكن منو يقول ... الريال مصر ..
وبالفعل ظهر من المكان اللي هو كان فيه ودقلهم تليفون وقالهم انا توني ظاهر ... و بعد 30 دقيقه حس انا هو ضيع .. الحبيب كان يمشي على مسافه معينه من الشارع ... فكل ما شاف ليتات السياير من بعيد يعرف انا دربه صح .. " الشارع ما فيه اضاءه .. درب البر" بس اللحين ما يجوف شي لين ما وصل بقعه معينه قام يحس انا فيه شي يضرب السياره من كل صوب شي يخظ السياره طبعا الريال خاف بس كان يقول حق عمره انا هذى يمكن ضرب الحصى من السرعه
بس عقب الضرب زاد فما طاع يوقف و كان يمشي ... و فجأه الباب انفتح و السياره تمشي .. وحس انا في حد يالس عداله .. ويوم لف راسه .. حصل بنت صغيره ... قالتله غمض عينك و اسمعني شو بقولك .. و تمت اتدليه الدرب والريال من الزيغه قام يصيح ... وهي تقوله انته لوتدري لو تميت .. شو كان بيستويبك ؟؟؟ و تم يمشي ويسمع كلامها و وهو مغمض عينه ... تقوله يلف يلف ... تقوله يخف يخف ... و الظرب على السياره زاد ... و تليفونه يرن ومن الخوف هب قادر يمد ايده ... و بعد فتره و قف الضرب و كان يمشي لين ما قالتله اوقف ...وفتح عينه لقى عمره جدام الشارع مره ثانيه .. لف راسه يبا يشوف البنت .. لقى اللي عداله عيووووز...
وهو يقول في خاطره القاها من وين ولامن وين ؟.... ونزلت من السياره .. من الخوف مسك الخط ولا حتى شكرها ...
المهم وصل عند ربعه قبل صلاه الفجر بنص ساعه ... ربعه يوم شافوا السياره مجبله ... ارتاحوا .. وطلعلهم خالد ينتفظ من الخوف ودموعه مازره ويهه .. المهم دخلوه و هو يهاذي و طاح غشيان .... خذوه الشباب وودوه عند مطوع المسيد القريب من العزبه .. والمطوع بدوي .. قرا عليه ويالله يالله قدر يرمس .. المهم خبرهم السالفه ...قاله المطوع انته دخلت منطقه ين ... والبنت اللي ساعدتك من الين المسلمين .. و لو تميت بين ايديهم ما تدري شوبيسوون فيك .. و عقب ما ظهروا من المسيد كانت الشمس ظاهره .. ويوم راحوا يجوفون سيارة خالد ... لقوا ان السياره عليها ظربات وحروق ... مكان الاماكن الي حس بظربات فيها ...

ومن يومها الريال كل يوم يدعي حق الجنيه اللي ساعدته في كل لحظه

وانشاء الله تعيبكم[/align]

[أبو رائد]

جزاها الله خير ..



وشكرا لك يا قمر الرائدية


على هذه القصة ..

[مشاري]

جزاهااا الله خير الجنية الصغيرررة


الله يحفظنااا من الجنون الكفرة


مشكورة قمر الليل



دمتم بود
مشمشــ؟

[عواد العنزي]

قمرالليل

مشكووووووووووره

غلى القصه

الحلوووووووووووه

فعلآ موقف يوقف القلب فجأه تشوف شخص بجنبك

امممممممممممممم

اما الجنيه المسلمه

جزاها الله خير ساعدته والا راح فيها المسكين

علشان ثاني مرّه لا يكشخ يقول ادل الطريج

شكرآ على القصه

[قمر الليل]

مشكور مديرنا ع مرورك الرائع وجزاك الله ألف خير ع مرورك


أما مشااااااااري مشكووووووووور أخووووووي ع مرورك المتميز






امممممممممم أما شاااااااعرنا المفضل اللي أشعااااااااره وااااااااايد روعه


أشكره من كل قلبي ع مروره الجميل والمبهر

[عجاج]

مشكوره ياقمر الليل

قصه حلوه

بس والله العظيم هالحين الساعه 59/7 مساء وابي اطلع البر الى الصبح

وانتي خوفتينا . الله يستر .


مشكوره مره ثانيه على التخويفه ,,,,


ومن الخوف قمت اغلط . ماادري كم مره عدلت فيها .

[أحمـــد]

[align=center]قصتج حلوة ياقمورة




مافي داعي ان الانسان يتفلسف ويتحدى شباب


في شي مو متاكد انه يقدر يسويه.


مشكورة يالغاليه وننتظر الجديد منك



THANK YOU ALL[/align]

[أبو الهنـــــوف]

هلا و غلا


أختي الغالية قمر الليل


الله يعطيك العافية يالغالية



سبحان الله


و الحمدلله على كل شيء


جزاها الله ألف خير

و

جزاك الله ألف خير


و جعله الله في موازيين أعمالك



ولك كل الشكر يالغالية

[قمر الليل]

عجاج أنا خوفتك بس القصه جيه

ما عليه علشان ما تطلع فاليل تجلس بالبيت أبرك لك



اماA7mad أنت الاحلى يا أخووووووووي

وتسلم على مرورك


أبو الهنوف الله يعافيك أخوووووووي


تسلم أخووووووي على مرورك المتميز

[MERIT]

[align=center]مشكوووووووره على هلقصه
تقبلي تحياتي[/align]