حرامي المحدود؟؟؟

[الونيس]

حدث اليوم الفجر بالتحديد في حي المحدود"الخالديه"في حارتنا هناك
كان شباب الحاره طالعين من المسجد صلاة الفجر وهم 4اشخاص وكان شخص خامس
راكب السياره يبحث عن شي فسالوه الشباب قالهم في حرامي بالحاره وبعد 5دقائق
حاصروا البيت الموجود فيه الشخص وبعد فتره قصيره خرج الحرامي من باب البيت ومعه
سكين فتحدث قائلا:اللي يجيني اطعنه وبي لمحت بصر هرب مسرعا على اقدامه فلحقوا
به ولكنه كان سريعا (بسرعة بورش )الخوف ومايسوي المهم لحقه واحد من عيال الحاره والباقي مافي لياقه المهم مسكه ولد الحاره فسقطوا على الارض وعند السقوط ضرب الحرامي ولد الحاره بالسكين وهرب ولم يمسك وبالنسبه للشخص المطعون نقل إلى المستشفى وادخل العنايه والضربه بالبطن بالكبد تحديدا والان ولد الحاره بصحه جيده وانشاء الله يقوم بالسلامه .
وعند سؤالي لاحد الاشخاص ليه مامسكتوه قال مافي لياقه وبعدين يهددنا معه سكين
طبعا اعمارهم مابين 14الى 17 ينقصهم عامل الخبره وسلامتكم
ملاحظه :انا جديد على النت ولاتستغربون بعض الكلام الغير موزون
لكم خالص تحياتي وشكرا

اخوكم / الونيس

[المتجــــول]

بسم الله الرحمن الرحيم :


حياك الله اخوي الونيس بين اخوانك واخواتك في منتدى الرائديه


وانشاء الله تفيد وتستفيد


هلا ومرحبا فيك


صراحه يعجبني خويكم هذا شجاااع

لحق وراه ومافكر با النتيجه

ماهمته سكين وغيرها

العبت فيه الغيره على حرمات البيت والحي

والحمدلله على سلامته وسلملنا با الله عليه



[blink]¨°o.O ( المتجــــول ) O.o°¨[/blink]

[سامي الشمري]

[align=center]هلا و غلا

[glint][glow=FFFFFF]الونيــس [/glow][/glint]
هذا زمن الغرائب ..

يطلع لك الحرامي يقولك أنا سرقتك .. و إذا فيــك خير قرررب

الله يحمينا منه .. لكن بما أنه بالمحدود .. وسرعته عاليـه يعني مثل سرعة

رونالدو بالبلاستيشن .. أكيد أنه يلعب بنادي الإتحاد الي بالخفجي

الله يشفي خويكم و يطلعه بالسلامة يا رب ..

لــكن ماقلت لنــا ..

مسكوا الحرامي ولا لا ..!!..؟


تقبل خالــص تحياتيـ [/align]

[عبدالعزيز الجلعود]

الونيس


الله يكفينا الشر


بس وين الدوريات

ووين دور الجواالات

ووين الناس والسيارات

[مشاكسmbcرومنسى]

شكرا اخوى الونيس على هالخبر الجديد !!!
حرامى بالمحدود ؟؟أسمح لي ببعض الاسئله ولايزعلو على اهل الحي!!

هل انتت متأكد أنه حرامى ولا مغزلجى ((أول مرة أشوف حرامى شين وقوي عين))

اللى يجينى بطعنه؟؟ في شئ أسمه جوال 999 وعلى طول يحضرون عندك أنت ماتدرى ان اللى يمسكه من الشرطه كم بيجيه؟؟

وحياتك سالم فارس راح يغطي على هادي صوعان بتللك الحظات!!

من الغلط أنت تقابلوه بشجاعه,,,,
أنا مأشوف ا المحدود فيها شئ ينسرق اأبداّ!!! لأنهحي متواضع !!


أغلب مافيه موعد مع الصاحبه؟؟؟

بحكم عملي ,,,,



وبالأخير شكرا على موضوعك الحو اخوي الونيس وننتظر منك المزيد عن أخبار الخفجي وتقبل تحياتى بكل عنف!!!

[ياسر عناد]

الله يحمينا من امثالهم قرب الصيف والسفر وتكثر السرقات بحكم عدم وجود احد في البيوت ولا تكتشف الا عند رجوع العائله من الاجازه

[عــازف الكيبورد]

الله يكفينا شر من فيهم شر


وانا مع اخوي رومنسي هل انتم متأكدين انه حرامي

حرامي وقت طلوع الشمس..!!!

وبعدين هل ثبت سرقه شيء ام لا.؟

وعلى العموم مشكور اخوي


والله يكفينا الشر والمصايب


ويشافي مريضكم انشاء الله

[ابتسـ ألم ـامة]

[glint]هـــلا وغـــلا

أخوي الونيس [/glint]


مرحبا مليون

وحياك الله معنا في منتديات الرائدية


أتمنى لك طيب الإقامة وإن شاء الله تفيد وتستفيد



بالنسبة لهذا الخبر


بصراحة كل شئ جائز

والحرامية ماعندهم وقت محدد

وهذا اللي يوقع أكثرهم بقبضة الشرطة


أصلاً هم ناس مايعرفون الخوف

الله سبحانه أعمى بصيرتهم وتفكيرهم



الله يشافي من أصيب بهذا الحادث

ويرجع لأهله معافى


وياريت توافينا بآخر أخبارهم






الله يحمي الجميع


ويبعد عنا الشر والأشرار



بانتظار جديدك



دمت بود



كلمــات مــن ذهــب

من سلا عن المسلوب كمن لم يُنسلب ومن صبر على النكبة كمن لم يُنتكب

[جرنـJRN2Sـاس]

<<<<<<<<<< قناص حراميه

انزين وخويكم .. عساه بخير . .مايشوف شر


الله يبعد عنكم كل شر الغالي


لاهنت ..



مره جايه نبي اخبار تسر الخاطر وانا اخوك



بنتظار جديدك

تحيتي

[الونيس]

اخوي المتجول,sami,عبدالعزيز,مشاكس،ياسر,عازف,x_uaewolf,و اختي ابسامة ألم
الله يسلمكم من كل شر ويعطيكم العافيه على مروركم وبالنسبه لبعض اسئلة الشباب
1_الولد الحمد لله بصحه جيده .
_الحرامي لم يقبض عليه .
3_انا اتوقع انه مو حرامي بنسبه للوقت واللبس الحرامي يكون معه احد يراقبله لكن هذا لحاله مامعه احد اطلاقا .
4_مايمديهم يبلغون الشرطه وبعدين اعمارهم صغيره (عدم التصرف )في هذه المواقف .
5_اعذروني على هذا الموضوع انا نقلته لكم عن طريق شخص معهم وقت الحادث وبناء على كلامه نقلته لكم.

واكرر شكري لكم وخالص تحياتي واتمنى للجميع التوفيق والنجاح وشكرا

اخوكم /الونيس