الهلالييين لهم رجعه بعد هالموضوع هههههههههه

[ولد اللبنانيه]

اخواني النصراوين اسعد الله اوقاتكم ...

وكل عام وانتم بخير بمناسبة اليوم الوطني الرابع والسبعين لمملكتنا الغاليه
تحت ظل رعايتها الحكيمه حفظهم الله ...


وبعد ...

لشرح اهم ماشاهدته في مباراتنا لهذا المساء ...وبدون فلسفه ساتطرق الى
عدة نقاط هامه لما فيه الصالح العام ...


من بداية مباراة النصر والرياض اللتي صادف اني شفتها في قناة المصادر الرياضيه
الثالثه وبهذي المناسبه نقدم التهنئه لها لاضافتها مصدر جديد للمعلقين ..من اولها
وكنت عارف ان الخساره على محيانا يوم ينط ابراهيم الذيابي في وصط اندفاع وحماس
ابراهيم الجابر اللي حسب ظني انه كان يبي يلعب علينا ويعلق من بيتهم ..فصادف
طلوع الذيابي وعصب ابراهيم الجابر وقال ((من وين طالع لنا ذا.)).في وقت كانت الصوره على الشاشه ..
فيها محيا الكبتن عاشق المندي والمثلوثه علي يزيد ( واعذرني ياابو يزيد بس ماحصلت لقب يناسب تطلعاتك لذلك وجب التنبيه وشكرا )..

في نفس الوقت اللي طلع فيه على يزيد كان يسلم على الحكم
المغمور (بالبخشيش) فايز الشهري ...


من هنا نستنتج ومن نظره مبدئيه مني للمباراه تكلمت عن التعليق لاهميته في التفرقه
الجدريه للكره السعوديه بقيادة العدوان ودعم من قناة المصادر الثالثه ...ورغم انها لم
تكن سبب في الخساره ولكن كان الطاري



(( من وين طلع لنا ذا //


وكان اولهم //




الكبتن //(( على يزيد ))...


لاعب للاسف لم يتطور ولم يتعلم من اخطائه مع العلم اننا ومن خلال وسائل متعدده
قد اسدينا له النصح بان اللاعب عندما يكون داخل منطقة الجزاء لايقتل الهجمه ..وش
ذنبها ..

ولا يكون تفكيره يكون في انه كيف يطيح في منطقة الجزاء ..طبعــ(ن) انا ما اقصد المباراه
هذي بس كل المباريات اللي راحت يلاحظ عليه ذلك بالاضافه الا انه دائم يفكر في الاسهم وكيف انه يدخل سعد الزهراني والحلوي شركاء معه
والا ((كيف الطريقه ))..

فمن هذا المنبر اشكرك يا علي يزيد لجميع مجهوداتك ومثل ما يقول المثل //


(( اديت الواجب يا يزيد ..بس كله منسوخ بالغلط من رقم تســـ9ـــــه لذلك وجب
التنبيه وعمل اللازم ....



من جهــتـ(ن) اخرى طلع لنا ذا /



فايز الشهري ...

طبعن مهما كان هذا الحكم مغمورا ببخشيش ونحو ذلك تبقى لجنة الشقير واعوانهم
مغموره بالكامل بكل ( الفساد الاداري كما تطرق الاخوان وتكلموا عن هذي النقطه
في وقت سابق واعتبروها دعايه لموضوع المساء في العدد القادم ..



وكل عام وانتم بخير .....





قاتل الهجوم في زمن النجوم //

بعدما تكلمت عن النقطتين اعلاه يسعدني ان اعرفكم على (قاتل الهجوم) ..في زمن النجوم ..ومن هم هؤلاء النجوم /

قاتل الهجوم//

تطلق على علي يزيد كما ذكرنا بالاضافه الى زميله عبدالعزيز الجنوبي الذي علمنا
بالتجديد معه ..وهذا من دواعي سرور كل المنتجين لكرات المرمى والموزعين لها في
الرياض ومدن المملكه لما سيجدونه من طلب على الكور اللي بيضيعها ( عب عزيز )
ورا الملعب ...




قاتل الهجوم//

تطلق على من يقول ان النصر ليس بحاجة لاعبين اجانب في خط الهجوم او بصفه عامه
لانه يوجد لاعبين يسمون بلاعبين الذكريات السيئه يرجعون في لحظات غياب النجم
اللي كان مبدع في مركزه وعند ظهورهم هؤلاء (الكديش كما اطلقته عليهم لجنة بيع
سيارات الخثران وسوزوكي المتحده اللي ما ادري متى ووين وكيف هالوكاله لكن وجب التذكير ..يختفي بريق النجوم ويغضب الجماهير ولكن يكون مساعد في تدراك الازمات


((((ويبقى الحال على ماهو عليه ....))))...وادارتنا ما عندك احد وانا خطابي اعلاه
وادناه بيكون شديد الهجه والتطرق لهم معناه (خراب اللهجه )...بقوه لذلك بنتركم
ليراجعوا حساباتهم


((((وتدارك الازما ...ومالهم لزما )))))...



ثانيا ...النـــجوم//


تطلق على نجووم وابطال قادمين للساحه الرياضيه بسرعة البرق ووجود جميع مقومات
النجوميه (الفذه ) بهم وفي مقدمتهم الكبتن بدر الحقباني
والدوسري والثقفي والصقور والعجمي (وابو عذاب)..وسعد الحارثي ..وبلذات الاخيرين نتمنى ان يدرسون من مدرسة (((ماجد عبدالله))) دراسه صحيحه ومتانيه بعيد عن


(((مقبره النجوم ومدرسة حسين هادي وشركاه المتوصطه )))




السقوط في البحر//


هذي قصه طريفه صارت في الثمانينيات ماقبل الميلادي وحول الهجري بشوي <--شايب يوصف لولده سوق الببعارين ..

حيث كان هناك كاتب ذاك الوقت مبتدئ (فوق عن منصبي الحالي للمعلوميه ) عشان
لا احد يقول وش فيه طول علينا هالكتاب شكله مصدق ...

يقولون ان هذا (الكاتب المبتدئ) (ذاك الوقت )مهم وجود هالكلمتين لدرء الشبهه ..يتمنى يصير رئيس تحرير وراح لواحد تاجر وانصحه انه يطب في البحر
وبعدها ستتحقق امنيته ويصير رئيس..طب صاحبنا في البحر واشترط عليه
هالتاجر انه يروج لشركاته ويسوي دعايه بمقابل معنوي ضخم ..والى اليوم
لم تصلنا اي تفاصيل اخرى ..الا ان الكاتب صدق السالفه اللي مدري وش تبي
بهذي المناسبه ..



بعد هذي القصه يسرني ان اختم كلمتنا هذي بالسلام
الوطني وهذا من<--تاثير القناه الاخباريه









الغريــب العجــيب//


1))... ان فيه ناس تسعى للشهره من البربره وهذا اللي صار مع عساف اللي
صار مشهور على حساب قتل (الشعور) والبحث عن (القصور)..ولا يهون (المكلف)
لذلك وجب الانتباه لاشارات (المرور)..

2))..وجود من يفكر ان كلام الحريصين على مصلحة النصر مقتبس من صحافة هايدي
الحقيره وزميلاتها في ظل التطور الواضح والذي لاينكره الا ناكر في نضوج عقليات الكثير
من الجماهير النصراويه وثقافتهم الرياضيه تتجاوز ثقافة (مستصحفين مغبرين ومعجرين ) يصيدون في ماء معكر كلور ضد سمومهم وافكارهم المنحطه ..بالاضافه الى ان حالتهم
لاتسر انفسهم والخمسات باقيه مسيطره على تفكيرهم ..

^
^

فلسفه من الادب الصعيدي ...




وفي الختام (هاردلك <--كلمه نحيسه للجميع يعذروني بسبب الخلل من مصدر
لجنة التعليق والزحمه اللي عندنا في الشرقيه والاحتفالات
بمناسبة العيد الوطني لذلك تاخرنا...



المعذره على الاطاله وما شابهه ولكن لابد من تدارك الازمه ...






وللجميع سلامي وتحياتي والى رجعه ...






]