آلصـدر.. دآرٍ مآ أهتنت بالرحـآبـه و آلعين غيمـه .. وآلفيآفـي منـآديـل ܓܨ

[لبى جنوني]

[ALIGN=CENTER][TABLE1="width:95%;background-color:black;border:10px groove orange;"][CELL="filter:;"][ALIGN=center]

لاتبوسم.. وانت تبكي من وراي .. .. والعمر يوخذ من الرايح.. لجاي
ليه تبكي... وانت من علمتنـي .. .. ان في موت الغصن.. ميلاد ناي
هذا انا موات .. من شان يحيـا .. .. في مداين موطن احلامي.. سواي

يالورق.. لو ما الغصون المورقه طاحت
ماكان للناي صـوت.. يليـن القاسـي

الحزن يورق بجوف الناي.. من ناحـت
بشفاي.. نايات ورقـآ غنـت انفاسـي

من قالو ارتاحت البـدوان.. لاصاحـت
قلت احطب الضيق.. دام ان الغنا فاسي

غنيت لاسمـاع خلـق الله.. وارتاحـت
واشعمت من ضيقتي.. مابهر اعماسـي

بعض الطواريق.. مثل العين لاشاحـت
بالدمع.. لامن صدحت وغورق احساسي

صديت بالصمت.. لكن نبرتـي ساحـت
بشفاي.. قدام عيـن اسمـاع جلاسـي

ابوسم شفاي صمت.. ونظرتي باحـت
اسرار ثغر الجروح الباسـم.. الناسـي

ان الطيوف ان عثت بالعين.. واجتاحت
نظراتها.. بيحـت مكنـون هوجاسـي

ياصاحب الليل.. ليلة ضيـق وانزاحـت
من عتقها.. والسهر مستعبـد نعاسـي

زاحت وأراحت عيون الناس.. من راحت
من سالفة وسط ناسي.. فاقدن ناسـي

فضفضت.. متجاهل الدهشات لا لاحـت
تبرق.. وجدب الامل معشوشب بياسـي

جمعتني من نوايا الشمـت.. لا فاحـت
بشفاههم.. وانتثرت بحضـن قرطاسـي

شبيت ليلي صـلاة.. وتوبتـي فاحـت
فنجلت روحي.. وعشى الضيق قرناسي

وان طحت .. قبلي من القامات كم طاحت
اغصان.. للناي ترمي عودها القاسـي

يافاتنـه والطـواري ذود والهـم ذيــب
والـراس بيـدا قفارٍلاحفـيـف ودبــي

تخالط الريـح فيهـا والرغـى والقنيـب
وانا اشعل الليل بضلوعي واضم حطبـي

يابنت الاجواد وجـروح الحبايـب قليـب
ان نـش حفرتـه تبقـى مـثـل نـدبـي

جيتي وانا الشايب اللي شاب قبل المشيـب
متقنـعٍ بالبـيـاض وحـانـيٍ منكـبـي

متعكزٍ جرحي اللـي لايشيـب ويطيـب
متزمـلٍ دمعـي اللـي ناشـبٍ بهـدبـي

متزودٍ همـي العلقـم وشيـن النصيـب
متهالـكٍ والهميـم اليـوم عـوّد حـبـي

البارحه والسهـر رفـرف ودب الدبيـب
والنوم طيـرٍ يخـم العيـن ميـر ايهبـي

قلتي متى الشمس تغفى وسط حظن المغيب
قلت ان لقا الصدر قلبٍ راح منـه سبـي

قلتي متى الموطن الحاني يضـم الغريـب
وليامتى الارض تنطر والغريـب اجنبـي

قلت ان تدفى الجليد بوسط حضن اللهيـب
وان ضم لون احمر البسـام لـون العبـي

قلتي وطفلٍ بصـدري لاذبحـه النحيـب
ماينفعن لو يمـوت الطفـل كثـر تعبـي

قلت ارحبي لعنبو مجنى الصعيب الصعيب
ماعادبـه مايـرد الـروح غيـر اقربـي

لو انهـا بالـذراع ودق صلـب بصليـب
دقيت صـدري وقلـت ان اللقـا بشنبـي

لكن ممـات الصويـب ولاحيـاةٍ بعيـب
ولا آقـدم الحنظلـه للـي يمـد عنـبـي

غبتي وفاق النحيب وضاق صدرٍ رحيـب
واقـول هـو بسببـي ولا مهـو بسببـي

عامين وانطر واكابر وانتظـر واستريـب
واجمع فتـات القصايـد والغـلا وعتبـي

الين طفلٍ بصدري صاح بي / يالحبييييـب
طرد المقفي هوان ومن مشى بـه غبـي

مرت سنه لين جيتـي يالـدوا يالطبيـب
عمياء على الصوت جيتي يم صوت طربي

ادري وعقب الخطا بعض الاوادم تصيـب
وادري ولاانتي مـلاك ولابحكـم النبـي

ادري../ ولكن بصدري صوت مثل القنيب
طرد المقفـي غبـا وصويحبـك يعربـي

[/ALIGN][/CELL][/TABLE1][/ALIGN]

[لبى جنوني]

[ALIGN=CENTER][TABLE1="width:95%;background-color:black;border:10px outset red;"][CELL="filter:;"][ALIGN=center]

صاحبي.. موق السما غورق بغيمه
والســنابل خايلت بالخد.. صيب

صاحبك.. لاجيت وضلوعك كليمه
قول له طيب.. ولو ماكنت طيب

لاتثير بغربتك.. رعـــــــاش ديمه
استر العذرى.. مدام الصمت ثيب

وش بيده.. غير هذا الشــعر.. قيمه
لاتفضفضله.. (ترى دمعه قريب)

على طاري الحزن.. والعيد.. والغربه
هلابك يا وطن.. في درب ترحالي

سرى من ليل صدري.. والشفا دربه
قصر من دون عقلي.. درب موالي

نوى مدهال حضنك.. وانت ساوربه
شعور الطامح.. اللي عاف مدهالي

خذه بالصدر لامرك.. ودور به
شجن صوت العتب.. لاقام يحدالي

وانا... جمّاله اللي عقب حدربه
تعب متنه حمول.. وصار جمّالي

أزرفل.. في صحار احلامي الخربه
على رمضا التجاهل.. وان تورالي

سراب الحلم... زااامت دونه التربه
نبت بذر العطش.. من قيض همالي

أمر الناس طرقي.. خاوي القربه
على حد الهلاك... الخوف يبرالي

تبوح بحاجتي.. ياذا العرب.. شِربه
عيونٍ ينحدر شوفه.. ويرقالي

يدز لساني الكلمه.. ويشعر به
تقل متجوّده وتقول.. ياغالي

دخيلك.. زر جيب شفاك.. وإستربه
جسد هذا الحيا.. عن عين عذالي

واقفي.. كن لي شيٍ مبشر به
ولا بالناس عينٍ .. تبصر بحالي

افج الليل نور.. وصوتي الحربه
واقدي سامعٍ .. باحزانه أومالي

زهابي قبل جوعي.. ناي ن انهربه
مواحيش انهزامٍ .. تقنب فبالي

يطول الليل صمت.. وشفني أكبربه
على ثوب الصباح.. وتصغر آمالي

ألفت من انتظاري.. ليلٍ اسهربه
كرهت الصبح.. لوهو ماتهيالي

يمر العيد غصه... والفرح سربه
تزين به سماك... وشفني لحالي

اضاحك في جديد افراحهم.. طربه
وانا سمل الحزن.. لبسته اطفالي

مربيهم بحضنك... ليييه بالكربه
فدوك... وفي رخاك تصفهم تالي

بدووون.. وعظمهم هالبرد ينخربه
افاااا .. وانت الدفا.. هالبرد يدنالي

تكفنت لرحيلٍ.. صار ياااقربه
ولكن يالحبيب.. عيالي.. عيالي

فديتك.. قبل ارد السيف في جربه
تسامحك الندب.. في جرحك البالي

من أوجاعي بدون... وكل ماأظفربه
من آمال القصيد.. العلقم.. الحالي

مسامع واعيٍ .. لاتكته غربه
تبع ركب الهموم... ومر باطلالي

.
.
.

كفى يا رخيم الصوت .. لا تطرق الطـاروق
لك الله لطـرق الحـزن.. مـا عـادبـي طاقـه

تطرُوق.. وكنّ الطرق من خاطـرك مسيـوق
وأنــا خـابـرٍ وش صـيـد عـيـد.. بتطـرواقـه

على هون .. لا تبحث خفـى واحـدٍ مخنـوق
تزيـن اللحـون.. وصاحبـك شـانـت أخـلاقـه

لي اليـوم ثالـث يـوم.. والعـوق يتلـى عـوق
أخـيـط الـرّقـع .. والبـيـت متهـتّـي رواقـــه

يا ظهـر السفينـة.. والسـواري تميـل عـذوق
طـيـوفٍ.. ثمـرهـا مـــا تـهـيّـا لـ/ مشـتـاقـه

تمـايـل.. وأمــدّ بعـيـنـي الـكــفّ للـزمـلـوق
وأردّ الـنـظـر.. وبـكـفّـي الـجــوع والـفـاقـه

يمٌوووج البحر.. واللي يموج بـعباب المـوق
تقـاويـت جــزره.. لـيـن مــدّه عـلـي سـاقـه

يا وجه السما .. داخل على الله هـبّ الشـوق
ولا ســـاق بـــك نـــوٍ.. تـكـاشـف بـبـرّاقـه

يا وجه السما .. شفنا عطاشا لنـوض بـروق
تــزمّ الـصـدور أنـفـاس .. والــروح تـوّاقـه

طغى الجـدب .. وبـذورٍ حرثنـا لهـا المعلـوق
تـبـي ريّـهـا.. وشـمـوس الأشــواق حـرّاقـه

ياوجه السما.. رمضا ضلوع.. ورزايم نـوق
مغاتـيـر وصــل.. ومـجـهـم الـفـقـد سـبّـاقـه

تــدكّ الحنـايـا مشمـلـه .. ناشـفـات حـلــوق
لـ/ عــدٍ تـزّهـل لاهــب الـوقـت.. بإمحـاقـه

ياوجـه السمـا.. واللـي بنبضـه يتـلّ سـبـوق
يـمـر الـهـدد.. مخـلابـه الصـيـد مــا ذاقـــه

عقب سلهمات الريح.. رفرف بوسط السـوق
تبـرقـع بـصـبـر.. وبالـسـمـا حـــوم نـعّـاقـه

يـاربّ السـمـا ... لله وصــلٍ يـبـلّ عــروق
يـبــاسٍ ذبـــل.. متـلـبّـسٍ قـيـضـه فــراقــه

تحت رحمتك.. مستسقي الوصل.. عينه فوق
قـلـب مشـلـح البـسـمـة.. وفـــرّع بمـعـلاقـه

[/ALIGN][/CELL][/TABLE1][/ALIGN]

[لبى جنوني]

[ALIGN=CENTER][TABLE1="width:95%;background-color:black;border:9px inset limegreen;"][CELL="filter:;"][ALIGN=center]

اما قبل
.
.



تلاطم..والضلوع تضيق.. والجلباب
سـوادٍ ..مايقـده صبـح غيابـي


تضييييق.. وانت لامغلق ولالك باب
ترامى للنظر.. يامكـذِب اهدابـي


تزوووم.. وكن موجك فاقد الغيـاب
تحاذف جثتـي .. كنـك تسلاّبـي


.
.
.



اللـيـل.. دربٍ ممتـلـي بالـكـآبـه
والصبـح.. ليـلٍ غسلـتـه الهمالـيـل


والصـدر.. دارٍ ماأهتنـت بالرحـابـه
والعيـن غيمـه.. والفيافـي منـاديـل


والجـو هـذا.. يذبـح اللـي سـرابـه
هـواه ضِيـق .. ونسنساتـه تهـاويـل


لاويـن اوجـه.. والـدروب اتشـابـه
والحزن خطوه.. وانت خابر وش الميـل


لاي الـدروب.. اللـي دعانـي سرابـه
عطشان ناس.. ووسع صدر.. وتعاليـل


قوّسـت ضلعـي.. ياسبيـب الربـابـه
وجريييت بك من بعض حزني.. مواويل


غنّيـت.. لـلـي ماسـريـت بعُبـابـه
الا مثـل مـن يزبـن النـار .. لاسِيـل


يـااااذا الـزراااق .. الممتلـي بالغرابـه
بك دبك خيل.. ولاوطت بيـدك الخيـل


كم فيك مـن لابـه... ولاهـي بـلابـه
صدرك نهار... وعاث في بطنك الليـل


حزييييـن .. لوكنـت اتزامـا مهـابـه
احس لـك قصـة عـذاب... وبهاذيـل


شف لطم موجك.. كيـف يابحـر شابـه
لطـم الثكالـى.. بانكسـار المشاكـيـل


كم من عشيـقٍ.. جـاك يشكـي عذابـه
جاك الثقيييل .. وراح خـف وتساهيـل


وكم شاعـرٍ .. غنـى لشاطيـك مابـه
دامك بحـر.. رتبـت موجـك تفاعيـل


كن المسى.. يرخي سموعـه ..صبابـه
لاوصف الشاعـر نجومـه.. خلاخيـل


وكن القمـر.. خـم الثريـا .. وجابـه
قال اسمعي همس العشاشيـق.. لسهيـل


تجمعوبـك.. وانـت .. يـاذا الحبابـه
صدرٍ.. لعشـاق الشكـاوي .. مداهيـل


مع كـل هـذا ...( والسـؤال الاجابـه )
لييييه غدروك.. بوصف غدر الرجاجيل


ماهي غريبه ..! وانـت حتـى السحابـه
من ضلع صدرك.. ونسبو له عطى السيل


ياصاااااحبي... كم صاحبٍ صـك بابـه
دوني... وانا دونه .. نذرت المواصيـل


زاااام بغيابـه... ولا انـا... ياغياااابـه
رجلٍ.. على هدي المقفيـن ... ضليـل


خلـه علـى الله .. والخوافـي تشابـه
بيني.. وبينك ياأزرق المـوج.. والليـل


.

اما بعد


ياظهر السفينه... والسواري تميل عذوق
طيـوفٍ ... ثمرهـا ماتهيـا لمشتاقـه


تماايل.. وامد بعيني الكف.. للزملـوق
وارد النظر... وبكفي الجوع ..والفاقـه

لــ آلمجنون .. عساف التومي

[/ALIGN][/CELL][/TABLE1][/ALIGN]

[شمس الرائدية]

ربي يسلم هـ الايآدي على الابياات الرائعه
دٌمتِ بهذآالعطاء
لِ آنفَاسكّ حَدآئقّ الجوٌري

[لبى جنوني]

يثلمو ثموثه ع التواجد العطر

[دانة الكون]

سلمت الايادي لبوووو

الله يعطيك العافيه.

[لبى جنوني]

الف شكر لتواجدكم
,,وربي يعافيج غلاتي