مايبيله عنوان. هو كذا ,,,,

[عجاج]

بعض الأحيان تشاهد أحداث تحدث أمام ناظريك ( تنغث منه ) مع العلم أنه ليس لك بها علاقه مباشره

مثال على ذلك . تشاهد لك أكرمكم الله( شله خايسه )يهزأون برجل كبير بالسن او تشاهد بعد

أكرمكم الله( شله خايسه )قد أقفلوا الطريق بسياراتهم ( اما انهم يفحطون او يسولفون )

طبعاً انت تسير بالجهه الأخرى.

وطبعاً ماتقدر تسوي شي.

خايف تبلش بالشرطه.

واذا بلغت الشرطه متى يجونك؟

تكون رقدت بالشارع من طول الإنتظار والشله راحوا .

وتتهم ببلاغ كاااااااااااااااذب!!

وأنا كل يوم أشاهد مثل هــ الأشكال.

بس فيه شي آخر كل يوم أشاهده أكثر من مرتين منذ سنوات وكل ماأشاهده أسأل نفسي.

لمن هذا؟

وليه كذا؟

وش السبب الي خلاه كذا؟

يمكن يكون صاحبه توفى ولاعنده عيال يكملون الي بداه ابوهم!

او صاحبه انجن وهـ الحين بشهار!

المهم اخذت سنين طويله وأنا أسأل نفسي هـ الأسئله.

وقبل كم يوم سمعت أثنين يتكلمون عن هـ الشي وحنا في مجلس وسألتهم لمن هذا؟

قالوا.

للـبــلــديـــه!!!!!

شاهدووووه

يمكن الصور ماهي واضحه . لكن أهل الخفجي كلهم شافوه .

مبنى مقابل مبنى البلديه الحالي .


7


7


7


7


7


7






انتبهوا هذا الموضوع يهمنا ويمسنا مباشره.

لاأذكر متى بدأ البنيان فيه ولكنه تركوه من سنوات طويله.

والله لو تبنيه نمله كان خلصت منه.

بس الأسئله الأهم هي .

كم كلف ومن هو المسئول عن هدر المال العام؟

وليه تم إنشاء هذا المبنى ؟

واذا ان السبب بإنشاء هذا المبنى مهم ويخدم الناس ليه توقف البناء فيه من سنين؟

من هو المسئول عن هذا؟

من هو المسئول عن هذا؟

من من من من من من من من من من
من من من من من من من من
من من من من من من
من من من من
من من
من

أنا لاأعلم من هو المسئول عن هذا.

ولكن الله أعلم.

وسؤال أخير متى يعمل بنظام (( من أين لك هذا )).

=-=-=-=-=-=-=-=-=-=-=-=-=-=-=-=-=-=-=

تقبلوا تحيتي واحترامي وتقديري وألمي ,,,,

[قلم]

من المسؤل عن هدر المال العام ؟

أخي عجاج

شكلك تسمع عن هدر المال العام .

تراك فحطت بمخي لييييييييييييييييييييييييييييييين دخن راسي .

كنت تتكلم عن الشله اللي يستهزأون بالرجل الكبير بالسن ثم نقزت لموضوع الشله

اللي يقفلون الشارع ويسولفون ثم الدوريات اللي ماتجي الا متأخرين ويتهمونك

ببلاغ كاذب ثم طلعت من الموضوع هذا الى موضوع المبنى القديم وكم تكلفته ؟

ومن المسؤل عن توقف هذا المشروع ؟ ومن المسؤل عن هدر المال العام ؟

ثم الى موضوع قانون ( من أين لك هذا ) .

أخي عجاج

هد أعصابك وتعوذ من ابليس وعلمنا أنت وش تبي بالظبط ؟

[عجاج]

هلا والله

قلم

اخوي الظاهر انك كل ماقريت سطر نسيت الي قبله

الموضوع واحد بس ركز معي شوي .

اقول

اقتباس بعض الأحيان تشاهد أحداث تحدث أمام ناظريك ( تنغث منه ) مع العلم أنه ليس لك بها علاقه مباشره مثال على ذلك

واقول

اقتباس بس فيه شي آخر كل يوم أشاهده أكثر من مرتين منذ سنوات وكل ماأشاهده أسأل نفسي.

فهمت هذي ؟؟

((( يعني يغث )) مأخوذه من المغثه - غثيث - يغث

بعدين ياخوي

تقول

اقتباس تراك فحطت بمخي لييييييييييييييييييييييييييييييين دخن راسي .

ياخوي لين راسك شوي علشان تفهمني ولايدخن راسك ويحترق

وتقول

اقتباس هد أعصابك وتعوذ من ابليس وعلمنا أنت وش تبي بالظبط ؟

وانا دائماً اقول

لعنة الله على ابليس ومن والاه

لوقريت الموضوع بتركيز تعرف وش ابي .

واذا اني ماعرفت اوصل لك الي ابيه ارجو ان تعذرني . هذي حدود فهمي .

تحيتي لك اخوي

وشكراً لمرورك الكريم اخوي ,,,,

[الدووووخي]

الله يعطيك العافية ياعجاج ...

والله أنك صادق ...

انا على بالي انها لشخص وأهملها ...

اجل طلعت للبلدية ...

والله مشكلة ...

بس وش الحل ...

اعتقد سوف تجدها عند مدير البلدية ...

لك كل الغلا ...

[ابوسعود]

عجاج


انت الان في زمن الحرامية
يعتبر هذا الموضوع انتهاء الان من السرقة
وجاري البحث عن موضوع جديد

[Rayyan]

هلا وغلا اخوي
==== عجاج =====
اخوي عجاج ...اعتقد هالمبنى للبلدية نفسة..!!
بس سؤالك في مكانه...!!

اقتباس من هو المسئول عن هذا؟

اعتقد اخوي انه للمحافظ الجديد..!!
واعتقد انهم كانو مسين اهالمبنى ..!!
على شان انهم عاملين احسابهم للمحافظ الجديد..!!
واشكرك اخوي على الموضوع..!!

[قلم]

صديقي عجاج

لماذا نحمل في نفوسنا النيه السيئه قبل النيه الحسنه قبل التأكد من معلوماتنا ؟

لماذا نشير دائما بأصبع التهمه ولانشير بأصبع البرائه قبل كل شي ؟

ولماذا أتهمت البلديه بأهدار المال العام ؟

الموضوع وما فيه هو عبارة عن مناقصة لعمل صالة أفراح لكن الرجل أهمل المشروع

لأنشغاله بمناقصات سفلتة شوارع الاحساء والرجل وحده الخاسر في الموضوع .

فما علاقة البلديه بهدر المال العام ؟ ولم ينشأ المبنى لسواد عيون المحافظ كما ذكر

أحد الاخوة .

يأخوان لا مدير البلديه له ذنب ولا المحافظ ؟

ومن لديه القدرة على أكمال المشروع فأبواب البلديه مفتوحه وترحب بالمتقدم .

ولا ترموا التهم جزافا على البشر

وسلام مربع

[نجم]

[ALIGN=CENTER][TABLE="width:70%;"][CELL="filter:;"][ALIGN=center]شكرا أخوي عجاج على الموضوع الرائع

وانا أقول من راعي المبنى الي ماخلص الى الان

طلعت للبلديه قوتهم بعباره (( تزال فوراً من قبل البلديه ))

لا لا أبشرك الموضوع مطول ويجون عيال عيالك وانت تشوف المبنى على ماهو

شكرا لكل من قال كلمه حق ..[/ALIGN][/CELL][/TABLE][/ALIGN]

[عجاج]

هلا وغلا

اخوي

الدووووخي

اقتباس انا على بالي انها لشخص وأهملها ... اجل طلعت للبلدية ... والله مشكلة ... بس وش الحل ... اعتقد سوف تجدها عند مدير البلدية ...

ومنه الي يقدر يسأل مدير البلديه

(( حكومه بدون علم ))

شكراً لمرورك الكريم اخوي الدووووخي ,,,,

[عجاج]

هلا والله ومرحبا

اخوي

ابو سعود

اقتباس اقتباس انت الان في زمن الحرامية يعتبر هذا الموضوع انتهاء الان من السرقة وجاري البحث عن موضوع جديد

لله الواحد الاحد المشتكى ياخوي ابو سعود

شكراً لمرورك الكريم اخوي ابو سعود ,,,,