بتال يقول : الله يذكر الاسكان بالخير

[بتال]

لا احد يستطيع ان ينسى .. الاسكان .. الامن الداخلي .. في الغربية .. ولا احد يستطيع ان ينكر .. حياته في الاسكان .. التي تعد افضل الذكريات هناك .. فمااجمل ان يتذكر الانسان مواقفه الجميله جدا .. ومن الذكريات قبل ستة سنوات تقريبا ..

كنت اتمشى انا .. وطليفيح .. في الاسكان .. والسيارة .. كرسيدة بقس .. 89 .. وكنا نحذف .. تيل .. على بقية الاصدقاء .. عندما نشاهدهم على الطريق .. ومن ظمن الاصدقاء .. الفتى .. فقال طليفيح :

وشرايك .. يابتال .. تمر محطة الامل ..

قلت : قدام ..

والله وطلعنا الى المحطة وشرينا مما اعطانا الله ..

وعلى طريق العودة .. لقينا .. مصري .. يبي الصناعية .. وقفت له .. وقلتله : اركب يالحبيب ..

والله وعلى الطريق .. دخلت .. انا .. وطليفيح .. بسالفه .. وقمنا انحلل من هالسالفه .. ومرينا شارع 25 .. ورحنا للكورنيش .. وبعدين مسكناها شارع الكويت .. وحنا انحلل هالسالفه .. والله وياشباب مادريت الا المصري يقول :
يبني انت فين موديني .. حرام عليك انا معملتش حاقه ..

انا انهبلت .. وطليفيح يقول :
هذا منين طلع ..

قلتله :
وش عندك يالطيب ..

قال بصوت عالي :
يبني انا عاوز الصناعية .. انت فين موديني ..

فقال طليفيح :
لا .. وبعد تزمر .. لاوالله اللي ربحنا .. انزل .. يالمصري ..

فقال المصري :
عاوز تنزلني .. نزلي بالمكان اللي اخذتني منه ..

فقلت :
والتشرط علينا ..

والله وطليفيح ينزل العقال .. الا .. والمصري يقول :
خلاص يبني بلاش مشاكل .. نزلني .. نزلني ..

والله ونزلناه على شارع الكويت .. ورجعنا انا وطليفيح .. للاسكان .. مع المغربية ..





يتبع ...