اذا انتي صبيه ادخلي لو سمحتي.....

[soso amora]

]السلام عليكم ورحمة الله وبركاته

كيفكم يا صبايا ان شاء الله بخير

حبيباتي انا عندي طلبين لكم واتمنى ما تردوني والقى عندكم الجواب

انا جديده بالخفجي وما اعرف احد فيها وحامل ومقربه ولادتي ولا اقدر اروح لاهلي بحكم الدراسه وودي بخادمه ايجار
اذا تعرفون وحده تأجر ياليت ترسلون لي رقمها بالخاص

الطلب الثاني انا عندي وقت فراغ كبير بعد المدرسه وماني عارفه كيف استفيد منه

بصراحه فكرت بالتحفيظ بس عندي تساؤلات واجد عن التحفيظ ايش احسن مركز تحفيظ
وهل عندهم حضانه للاطفال ولالا ويستقبلون رضع ولالا واذا مافي حضانه مسموح اجيب
البيبي معي ولا الاداره تمنع اصطحاب الاطفال او ما يسمحون يدخل معي الفصل,,,,,,,,,

ياليت ياخفجاويات تساعدووني الوحده بتقتلني وانا متعوده على اهلي ولمتهم


دمتن بحفظ الرحمن

[soso amora]

بنااااااااااااااات الخفجي ويييييييييين الفزعه طلبتكم ردوو علي

والله اني مهمومه ساعدوني الله يفرج لكم ان شاء الله [align=center][/align]

[شوق الغلا]

ان شاء الله بنات الخفجي يفيدونك ..


ويسهل ربي امرك ..


كوني بخير ..

[soso amora]

يسلموووو اختي شوق الغلا عالرد

[عبدالله العوفي]

اقتباس المشاركة الأصلية كتبت بواسطة soso amora ]السلام عليكم ورحمة الله وبركاته كيفكم يا صبايا ان شاء الله بخير حبيباتي انا عندي طلبين لكم واتمنى ما تردوني والقى عندكم الجواب انا جديده بالخفجي وما اعرف احد فيها وحامل ومقربه ولادتي ولا اقدر اروح لاهلي بحكم الدراسه وودي بخادمه ايجار اذا تعرفون وحده تأجر ياليت ترسلون لي رقمها بالخاص الطلب الثاني انا عندي وقت فراغ كبير بعد المدرسه وماني عارفه كيف استفيد منه بصراحه فكرت بالتحفيظ بس عندي تساؤلات واجد عن التحفيظ ايش احسن مركز تحفيظ وهل عندهم حضانه للاطفال ولالا ويستقبلون رضع ولالا واذا مافي حضانه مسموح اجيب البيبي معي ولا الاداره تمنع اصطحاب الاطفال او ما يسمحون يدخل معي الفصل,,,,,,,,, ياليت ياخفجاويات تساعدووني الوحده بتقتلني وانا متعوده على اهلي ولمتهم دمتن بحفظ الرحمن

وعليكم السلام ورحمة الله وبركاته

هلا أختي

ارسلك الارقام بخصوص الشغالات

والله يعينك على الدفع

والله يااختي لي شهرين وان ادفع كل اسبوع (1050 ) لشغاله مؤقته

لاكن اليوم ارسلك الارقام على الخاص عن طريق أخوي ابو رائد واشرحلك كيف نظامهم .

أم بخصوص امورك الثانيه الاخوان والاخوات مايقصرون ان شاء الله ويفيدونك للافضل .

ربي يفرج كربتك ويسر امورك

بالتوفيق

[طيوفه]

اهلا وسهلا فيك اختي
دام الاخ تالم حتى تعلم حل مشكلتك الاولى
بالنسبة لااستفسارك الثاني
عندك مدرسة زينب لتحفيظ القران وفيها بعد مواصلات متوفرة يعني ماتتعبين من هالناحية ذي ودوامهم حلو من العصر للمغرب
اما عن طفلك الرضيع والله مادري اذا يسمحون والالا
بالتوفيق اختي وبعدين انتي حاليا بتحسين بالوحدة لانك لحالك
لكن بكرة بيجيك ولدك وبيسليك واقعدي على الانترنت تسلى او سوي زيارات لجيرانك وترى اهل الخفجي حبوبين مرة وراعين واجب والله يرزقك الجيرة الطيبة

[بنـــ الخفجي ـت]

موفقه بإذن الله ...

[goree]

الله يجزآه بالجنه
تألم حتى تعلم
أفآدك
+
طيوفه
ربي يسعد قلبها

وان شاء الله اللي عنده علم عن شيء بعد
يخبرك

فضلت موضوعك يكون هنا
حتى تلآقي تفآعل أكثر

[الدووووخي]

الله يقومك بالسلاامــه ..

وماقصروا طيووفه واخونا الغالي تألم حتى تعلم ..

[الخقجي 2012..]

مرحبااا
انا عندي اخت تدرس بزينب وتقول عادي تجبين الرضيع وللمعلومه للكل زينب ماتدخل الا بناااات واقل من 5 سنيين..

دعواتكم..