صينية أرز بالدجاج والمكسرات ( حصري للرائدية )

[الألماسه]

[align=center]





السلام عليكم ورحمة الله وبركاته

مساكم وصباحكم خير

رمضان كريم الله يبلغنا واياكم شهره الفضيل واحنا بأفضل حال

وصفة حصرية ولأول مره وتوجد على منتديات الرائدية

الوصفه طبعاً لبنت خالتي
هي تحب تضيف لمساتها وتحب تبدع وتغير وتنوع في الأكل يعني شيفه صغيره في العائله
أخذتها منها لأجل المسابقة وعرفت منها انها ما طرحتها من قبل ولا في أي مكان ولا قالتها الا لجيرانهم فحبيت أسويها وأطرحها وأشارك فيها في مسابقة المواضيع الحصرية للرائدية


ولو انها متعبه وخلطاتها كثير لكن تستاهل انها تنشر للذتها



طبق رئيسي
صينية رز بالدجاج والمكسرات

تتكون من الرز وخلطة الرز والخلطه اللي فوق الرز ( خلطة الدجاج )والكريمة + الجبنة للوجه

1-
الخلطة اللي فوق الأرز ( خلطة الدجاج )
مقاديرها
بصل وطماطم وثوم وصلصة بكمية بسيطة وملح وبهارات وفلفل أسود وقطع دجاج وكزبرة

طريقتها
نقطع البصل ونحمره ونحط عليه قطع الدجاج المقطعه صغيره جدا ونخليه يطبخ شوي ومن ثم نضع الثوم المفروم ناعم و الطماطم المقطع والملح والبهارات والفلفل الأسود ونخليه يطبخ تمام وينضج ونحط الكزبرة المقطعه عليها وبعد خمس دقايق نطفي على الخلطة وبكذا تكون جاهزة

2-
خلطة الرز
بصل وفلفل رومي وجزر وهرد ومكسرات ( كاجو وفول سوداني )
طريقتها
نقطع البصل ونخليه يحمر ونقطع الفلفل الرومي مربعات صغيره ونحطه على البصل ونخليه شوي يطبخ وبعدين نحط الجزر المبشور على الخلطه ونضيف له اللوز والكاجو ويكونوا مجروشين ناعم ونضيف الهرد وشوية موية ونخليه يطبخ وتنشف من الموية وبكذا تكون الخلطه جاهزة

3-
ورز أبيض نسلقه

4-
خلطة الكريمة
جبن كاسات + مايونيز + علبة قشطة
نخلطهم مع بعض


طريقة الترتيب
نحط الرز في الصينية ونحط عليه الخلطه ( خلطة الأرزز ) ونخلطه مع بعض وهو في الصينية ونساويه وبعدين نحط الخلطه اللي فوق الأرز ( خلطة الدجاج ) على الرز ونساويها
نحط فوقها طبقة جبنة مبشوره وفوق الجبنة خلطة الكريمة
وبالهنا والعافية والفوز يارب






وهذا هو الطبق




صورة خطوات العمل
الصوره الأولى التكشين تبع الخلطات
الصوره الثانية وقت فرد خلطة الكريمة
الصوره الثالثة بعد وضع الجبنه المبشورة وقبل فرد الكريمة
الصوره الرابعه بعد وضع خلطه الدجاج على الرز وخلطته وشوفوا الرز وخلطته كيف شكلهم في الصوره الخامسه اللي تحته
والصوره السادسه قبل لا أخلط الرز الأبيض مع خلطه الرز اللي هي الفلفل الرومي والجزر والمكسرات



ملاحظة :
يمكن إستبدال الدجاج باللحمه المفرومه ونضيف للخلطة بقدونس ومانحط صلصله وممكن تستبدلوها بالتونه أو الخضار وعمل الخلطة بالطريقة اللي تعجبكم وتريحكم
والطرق كثيره
نقلاً بإختصار للطرق والنوعيات اللي قالتها بنت خالتي


وفي النهاية اذا عجبتكم واذا أحد سواها وعجبته أتمنى تدعوا لي كثير لأني تعبت فيها وفي التصوير
ولأي شخص حينقلها أتمنى يذكر المصدر ويدعي لي

ولكم كل الشكر




[/align]

[سـَمآ ♪]

ماشاء الله.
تسلم الاياادي..

الف شكرلك..

[الألماسه]

اقتباس المشاركة الأصلية كتبت بواسطة شذى الايام ماشاء الله. تسلم الاياادي.. الف شكرلك..

منووووره شذواي

[بشاش]

سلمت الأيادي شكلها لذيذ

ألف شكر لك

[الألماسه]

اقتباس المشاركة الأصلية كتبت بواسطة بشاش سلمت الأيادي شكلها لذيذ ألف شكر لك

يسلمك بشاش
شاكره لك مرورك

[الدر المنثور]

سلمت الايادي
الله يعطيك العااافية

[الألماسه]

اقتباس المشاركة الأصلية كتبت بواسطة الدر المنثور سلمت الايادي الله يعطيك العااافية

الله يعافيك ويسلمك

نووورتي خيتو در

[الدووووخي]

ماشاء الله..

تسلم ايديكــ..

الف شكرلك..

[الألماسه]

اقتباس المشاركة الأصلية كتبت بواسطة الدووووخي ماشاء الله.. تسلم ايديكــ.. الف شكرلك..

يسلمك أخوي
نوووورت الموضوع

[فاصله]

ماشاء الله
تسلم يدينك