[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اختلاف النظر مابه جدال= واختلاف المحبه كالفشل
لو ابذكر سبيلن للمثال= يوم حنا اختلفنا وش حصل
زوبعه بالفكر .. حس بخمال=واغتراب المحاني في زعل
ثورتن واخرقت صمّ الجبال=فـوهتن كل مافيها علل
الاسامي غدت مثل الضلال= والبلا صـــاب في قلبك خلل
الليالي غدت ماهي ليال=كل ليله كـــما ثقل الجبل
وش يفيدك كثير الاتصال=ماتفيد الرسايل والجمل
ايــــــه ما انكر بحبي يالدلال= والليالي علي صعب وسهل
اذكر اني رسمتك بالرمال=مايجيني على الرسمه كسل
واذكر ان كل ماجانا مجال= خطوتي بالفرح جاها شلل
شاعرك كم كتبّك من خيال=من قصيد المشاعر والغزل
اذكرك شي مايمكن يقال= بين الاحلام والشعر الجزل
ايه خابرك آيه بالجمال= فتنتن من يشوفك ما احتمل
انتي لو شافك مجاهد قتال=يرجع يقول انا اللي منقتل
عينك لحالها تطرح رجال=رجل تلو رجل تلو رجل
الكحل بعد مافعينيك سال=النسى كلهن حطن كحل
مبسمك لاحرام ولا حلال=ياخمر ولا مخلوط بعسل
سود شعرك كما سود الشيال= الهوا من عناقه مايمل
خصرك اليا استقام وثم مال= كل حاجه تميل وتنعدل
انتي كلك فريده بالخصال= بس قلبي انا منك اعتزل
كيف ابنكر وفيّ الدمع سال= كيف أبا أجهل وأنا مابي جهل
ذا مثالن مهو شرح المثال= خاطري عاف بعد اللي حصل[/poem]
المواضيع المتشابهه
العرض العادي
