على ذكرى المواجع,,

[لبى قلب الخفجي]

السلااام عليكم ..
مرحبابكم جميعا..

أول مشاركه لي وحبيت انها تكون من هواياتي (الشعر)..
وانشاااله يعجبكم وابي ردوودكم الحلوه..

على ذكر‎ المواجع والسفر والحل والترحال !!

طويت آخر ورق عندي في دفتر أحزاني ...




طويته .. وانكسر قلبي وصوتي بالمواجع ســال
ودريت إن الظلام اللي تحت كف السهر جاني !!




جلست أجمع مسافاتي وأغني للسفر موال

على صفحة من الماضي بها حلمي وعنواني ..




بها كم سافرت عيني ليالي والظلام أهوال

وبها كم سافرت روحي وأنا بالليل وحداني




![حبيبي كل ما أشوفك تجي بالذاكره تختال

نهر من فايض الذكرى يجي من داخل أشجاني]! !!




تخيل يوم عانقني خيالك .. خاطري وش قال !!

تخيل قبل أسولفلك نشدني عنك وجداني!.




نشدني لين خلاني ![مدينه هزها زلزال ]!

تخيل !! ماهدى حتى لقاك بوسط شرياني




أروح لسدرة الموعد معاي لموعدك مرسال

وأخاف إنك تجي قبلي وترحل قبل تلقاني ..




هنا كانت ليالينا ![غـــــلا]! والمقبلات![آمـــــال ]!

وهنا كانت مواعيدك مطر تخضر به أغصاني !!



هنا شف .. باقي آثارك على رمل الوعد مازال !.

وهنا شف دمعه طاحت من عيونك على شاني



حبيبي لا تنشدني عن أوضاعي وكيف الحال !!!

أنا بعدك سحاب أبيض ![أضم الريح بأحضاني]!



تسافر بي الذكرى وأحسب إني وصلت آخــر وطن بالبال !!

واثرني ماوصلت إلا بدايـــة درب حرماني




وتبقى سيرة الذكرى قصيده تكتب الترحال

سوالف للعيون اللي صداها "دمعةأحزاني

[~أصداف~]

.
.

وعليكم السلآم ورحمة الله وبركاته ..

.
.

اقتباس أروح لسدرة الموعد معاي لموعدك مرسال وأخاف إنك تجي قبلي وترحل قبل تلقاني ..

أهلاً وسهلاً بك هُنا ..
مصافحة أولى ..
رائعة بكل ما للكلمة من معنى ..
وتبشّر بجمال كل ما هو قآدم ..


صح لسآنك ..
وسلم نبضك ..

وبأنتظار روائعك دوماً ..


لك تقديري ..
.
.

[بنت حايل]

هلا وغلا ..


لبى قلب الخفجي ..

روووووووووووووووعه القصيده وعندي وسائط << شكلك ناشرها وسائط


يعطيك الف عافيه خيو ..

[لبى قلب الخفجي]

أصداف ياروحي انتي لبى قلبج يالغلا..
ومشكوره على مرورج..

بنت حايل .. حياتي انتي ارووع..
بعدين بكره انشالله ابسال لج اللي كاتب القصيده اذا ناشرها وسائط او لا<<<تسويها ترا هع

تسلمون ياقلبي على المرور لبى قلوبكم..

[الدووووخي]

صح لسانك ولسان الشاعر ,,,

[*&* جوري *&*]

[align=center]

اقتباس تسافر بي الذكرى وأحسب إني وصلت آخــر وطن بالبال !! واثرني ماوصلت إلا بدايـــة درب حرماني وتبقى سيرة الذكرى قصيده تكتب الترحال سوالف للعيون اللي صداها "دمعةأحزاني

للمشاعر في داخلنا دائما نصيب الأسد ..
جياشة ,, ومعبرة ..


سلمت أناملك ..[/align]

[فتى الجبيل]

الله يعطيك العافيه اختي شعر ولا احلى

اول مشاركه رائعه من يدينك ونتتضر جديدك

سلمــ يداك ـت

[لبى قلب الخفجي]

فتى الجبيل..
تسلم يمينك ومشكوور عالاطراااء..

الدوووخي ..
الله يحييك نورت موضوعي..

جوري..
لبى قلبج يالغاليه والفلسفه الراااائعه..

مشكووورين عالمرووور..

[مشاري]

[align=center]سلمت يمينك

وصح لسان الشاعر

لبى الخفجي كلها

ونعم فيكٍ وباأهل الخفجي كلهم [/align]

[لبى قلب الخفجي]

مشاااري..

الله يسلمكـ
وصح بدنـكـ
ولبى قلبكـ
وينعمممم بحااالكـ يالذيب..