صابونه طبيعيه من صنعك .... مفعولها سحري ... على ضمانتي ...

[فـتـــــــــون]

صابونة لتفتيح الجسم والوجه



اول شي هاتي بقدونس طازج نظفيه زييين من الشوائب
وحطيه بالخلاط ضيفي عليه شوي ماء ورد وذرات نشا وذرات حليب بودرة كامل الدسم...

اخلطيه زييين بالخلاط ثم حطيه بقدر وحطيه على نار هادئة وجيبي صابون الطاووس وابشريه على القدر وحركي ...

ظلي تقلبينه لين ما يتجانس ويذوب الصابون

ثمن بسررررعة جيبي قوالب الثلج وحطي بالملعقة الكبيرة بالقوالب واتركي قالبين فارغة ليييش؟

ابيك الحين تشرن من العطار ليفة طبيعية وقطعيها قطع صغيرة جدا
وانثريها على الكمية الباقية اللي بالقدر

واغرفيه بالملعقة بالقالبين الفاضية......

اتركيهم ساعة او اكثر تلقينهم جمدوا

طلعيها من القوالب وشيليها للاستعمال

غسلي جسمك ووجهك كل يوم بالصابونة وقبل كل وصفة ومع كل خلطة

اما القالبين اللي مزجتي فيه الصابون بالليف استعمليه مقشر لجسمك مع الماء مرة بالاسبوع


وشلون الطريقة:
بللي جسمك بالماء وغسليه بهاي الصابونة بطريقة دائرية بخفة مو بقوة
10 دقايق ثم اغسليه بالماء



والمقادير:
البقدونس لكل نصف حزمة 2فنجان تقريبا ماء ورد
واخلطيه واذا شفتيها جامدة ما انخلطت زين صبي شوي شوي ماي واخلطي بالخلاط الين ما تلقينها طرية
اما النشا والحليب ذرات بسيطة باليد

البقدونس حطيها بكبرها موبس الورق

حتى مغلي البقدونس يصفي البشرة مررررة

الفايدة بالنبتة كلها مو بس بالورق

والقوالب انا افضلها صغيره عشان تخلص بسرعة

لأنها تعرفين مواد طبيعية اخاف تخرب

والباقي من الصابون اللي ما استعمله الفه زين بكيس بمكان جاف
الصابونة اللي بالليفة تنعم المناطق الخشنة

على العموم اذا مالقيتي صابونة الطاووس جيبي صابونة زيت الزيتون او الغار او البابايا....



سؤال : الصابونة ماطلعت جامدة بالمرة وش الحل؟

نفس الصابونة اللي عملتيها
الحين روحي زودي عليها صابون وسخنيها
شوي على نار هادية اذا ذابت الصابونة
مع البقدونس ومع الصابون الاول ارفعيه
من النار وجمديه بالقوالب ثاني





على فكره ....

كل من جربها لاحظ البياض والنعومه ...
بس يبيلها مداومه ...





تحياتي للجميع



;)

[حنين]

تسلميييييين فتونه وربي

;)

بس عندي استفسار

انتي قلتي ليفه؟؟؟؟؟

يعني اروح للعطار واقول عطني ليفه وهو يعرفها

[فـتـــــــــون]

الله يسلمج ملسوووووووووووووووونه

شنو ماتعرفين الليفه مالت التفريك:(

روووووحي للعطار بيعرفها أهوا smile0

اهي موجوده بكل مكان ....

بس أهم شي تكون الطبيعيه مو البلاستيك




تحياتي ....;)

[راضـــي]

[align=center]ليــفة = جوز الهند

ملسووووووووونة

ههههههههههههههههههههههههههههههههاي

_________



ويعطيك العافية فتون على الموضوع


مع انه نسائي

تقبلي تحياتي

[blink]أكــــــادونيـــا[/blink] [/align]

[فـتـــــــــون]

راضي منوووور ياأخوي


بس ترى مونسائي .....


ممكن تعمل هالصابونه


اهي منظفه ومنعمه وتزيل الخلايا الميته


وتفتح الأماكن الغامقه ....


يعني ...



حق الشباب الزقرت ... (( الكشخه ))



تحياتي;)

[راضـــي]

[align=center]
حق الشباب الزقرت ... (( الكشخه ))


يسلموووووووووو فتووووووون


:p

[blink]أكــــــادونيــــا[/blink] [/align]

[فـتـــــــــون]

;)

[الجوووري]

يعطيج العافيه خيتووو ماقصرتي ..

[فـتـــــــــون]

الله يعافيج ...


منوووووووووووره ياقمر ....