السلام عليكم ورحمة الله وبركاته
كيف حالكم أخواني أخواتي رواد منتديات الرائدية
ببدا بالموضوع على طول .
ليش ياخواني مافيه كلية لطلاب .
ليش دايم شباب الخفجي مهجرين عن اهلهم
بالدمام او بالرياض او بمناطق المملكه
انا شد انتباهي مبنى مدرسة عبدالرحمن بن عوف الضخم
مقابل شرطة محافظة الخفجي .
هذا مبنى المفروض يستقل كليه لشباب الخفجي
مثال كلية معلمين ومنها فائده كبيره والخفجي محتاجه
المقيمين بالكويت السعوديين واجد واعرف اكثر من شخص
يداوم بالدمام بالكلية وخميس وجمعه راجع الكويت وتعرفون طريق ابو حدريه كم راح فيه شاب من شباب الخفجي بسبب نقص الخدمات بالخفجي وطلب الرزق
ليش ياهل الخفجي السكوت هذا ليش دايم بس كل واحد يحاول يرتقي على كتف اخوه ويقول انا الافضل
ترا ماباكم الافضليه كلكم سواسيه لاحد يقول انا مسئول بالخفجي
دامك مسئول بالخفجي وماتطالب لهل ديرتك مامنك فايده
شاهدة اكثر المواضيع الي تكلم عن الشركه
ناس مؤيده وناس ضد الشركه
وماشد انتباهي (( بعض الاخوان يقولون شباب الخفجي اكثرهم مو متعلمين ومامعهم شهايد وين نوظفهم ))
ياخوانا شباب الخفجي او اي شاب مو كلهم يقدر على تكاليف الدراسه ونه يبعد عن اهله
يمكن انا اقدر اروح اجر شقه بالدمام وشتري سياره ودرس
غيري كثير ماعنده اجار شقه وسياره توديه وتجيبه للجامعه او الكليه
لا وبعد حاطين كلية تقنيه ورا ابو عرب وصارلها سنين وماخلصت
والله والله ياهل الخفجي سكوتكم هذا ماراح تحصلون منه شي
ومناشباتكم بالمواضيع وختلافكم ماراح تطلعون منه بشي
انا سمعت عن واحد قحطاني رجال خير من اهل الخفجي بس ماعرف اسمه
يمدحونه ويقولون دايم فزاع لهل الخفجي ويطالب لهم
وهو الي طالب بكلية البنات
ودي انه يقرا موضوعي ويطالع لشباب
(( ارجو لاحد يحرف بالموضوع ويروح يتكلم عن مواضيع ثانيه تكلمو باساس الموضوع والي عنده اقتراح يقوله وان شاءلله كلنا يد وحده ))
المواضيع المتشابهه
العرض الشجري