وآخرتها معكم يامعلمين ومربين الأجيال!!

[ريما الخفجي]

السلام عليكم...

نشر اليوم السبت 2محرم 1431هـ في جريدة اليوم الصفحه 10
(أب يتقدم ببلاغ ضد معلم أصاب أبنه)
تحقق أدراة التعليم بمحافظة الخفجي في شكوى تقدم بها والد الطالب خشان الخشان في أحدى مدارس الخفجي الأبتدائيه حيث أفاد والد الطالب بأن أبنه تعرض لضرب مبرح من معلمه...ألخ

طبعآ حاطين صورت هالوليد ياحرام متورمة أيدنه ولافينها له بالمستشفى
يعني جد تعبنا وتعبوا اهالي هالطلاب وخصوصآ الأولاد مدارس البنين الأبتدائيه والله العظيم حالتهم حاله ومدري وش مشكلة معلمينهم
هذولا اللاب وخصوصآ في هذه السن يبيلهم تربيه وتعامل خاص
من وجهة نظري ياليت يخلون المرحلة الأبتدائيه مدرسات وليس مدرسين
عادي ندرسهم احنا وأنا متأكده أنو النساء بيسوون اللي عجزوا وماقدروا وفشلوا في عمله الرجال مربين الأجيال...

عيب والله العظيم عيب لما تكون رجل ومعلم وتمد يدك وتورينا مراجلك على طفل قسمآ بالله لو أنا مكان والد هالطفل لأخلي العقال يغني آآآه ياليل على ظهرك قدام طلبتك والل قمة المصخره....
معلمين آخر زمن ((طبعآ انا تكلمت على الفئه هذي من المعلمين وماعميت الكل لأنو أغلبية المنتدى معلمين وأخاف يفهمونه تلميح ولاشي لاسمح الله بس شي ينرفز جد أنا والله الولد مااعرفه ولاأعرف أهله ولا يقربلي وعورني قلبي عليه لأنه طفل مهما سوا ماتمد يدك عليه ياجعل يدك للكسر والسامعين يقولوا آمين والله العظيم ووالله العظيم لو انا ريمأ مكان والدته كان من ثاني يوم وأنا عندك بالمدرسه وأسويلك فضيحه تتكلم فيها الخفجي كلها وودي لو احد بس يقولي أي أبتدائيه هذي
مسويلي رجال على طفل بالأبتدائي ورم أيدينه وعور قلب أمه عليه حسبي الله ونعم الوكيل...وش مسوي يعني وش أكبر شي ممكن نتخيل انو مذنب فيه

الله يجيرنا بس....



تحيتي ...ريمــآ الخفجي

[كحيلاان]

اقتباس المشاركة الأصلية كتبت بواسطة ريما الخفجي من وجهة نظري ياليت يخلون المرحلة الأبتدائيه مدرسات وليس مدرسين عادي ندرسهم احنا وأنا متأكده أنو النساء بيسوون اللي عجزوا وماقدروا وفشلوا في عمله الرجال مربين الأجيال...

اختي صحيح الموضوع جد خطير لكن وجهة نظرك في ان المعلمات افضل من المعلمين غير صحيحة فهناك معلمات يماثلن هذا المعلم بل ويزدن عليه في العنف والضرب للتلميذات والدليل احدى المعلمات القديمات جدا في مدرسة بنات في حي المثلث وسمتها المميزة كمعلمة وبرنامجها اليومي هو الضرب والتعنيف اللفظي واليدوي الشديد للطالبات وعندما تتخرج الطالبة من مدرستها تتنفس الصعداء انها فارقت هذه المعلمة .... والحل ليس بتدريس النساء للطلاب ... بل بالكشف النفسي الدوري على المعلمين والمعلمات من امراضهم النفسية وعدم ابقاء اي معلم يثبت لديه اضطراب في السلوك والميل للعنف.....
وارى ان يتم التشهير بالمعلم او المعلة الذي يقوم بهذه الأفعال ... ولعلني اقوم بهذه الخطوة واتجه لهذا المنحى حين تثبت لدي تورط احدى المعلمين او المعلمات بهذه التصرفات الغير مسؤولة..
وجهة نظري الشخصية

[اخر حبيب]

السلام عليكم ورحمة الله وبركاته كلامك صحيح ريما لكن لابد من تطبيق الانظمه الصارمه والله يعطيكم العافيه واخوي كحيلان احترم رايه بقوه واشجعه

[خفجاوي زمان]

لاشك ان الضرب وسيله امر بها الرسول عليه الصلاة والسلام عندما قال اضربوهم لعشر والامر يخص الصلاة
من وجهة نظري الضرب وسيله تأديبيه بشرط ان لايكون مبرح ومؤثر للطالب اوالطالبه
اما مسألة ان المعلمه افضل من المعلم فأسمحيلي!!!!!!!!!!!!!!



وبلا شك الكلام لايعم جميع المعلمات

لان فيهن مربيات بمعنى الكلمه

[السكب2008]

بعد التحية والسلام

انا اعطيك اسم المدرسة واذا بغيتي اسم المعلم بعد

وكلامك حلوووووو جداً وعلى فكره انا معلم ثانوي ولا ارضى بالضرب للطالب خصوصا ً في المرحلة الابتدائية

والسلام ختام

[السكب]

الله يعين المعلم الحين عليكم فيه حشو وفيه ...

اتقوا الله ذبحتو الناس في القيل والقال ..

السكب 2008 مع احترامي لك اذا كان هذا ردك وانت معلم فاقول الله يخلف

[ريما الخفجي]

كحيلان أشكر تواجدك واحترم رأيك وانت صادق المعلمات فيهن حقهن بعد بس انا اقول يعني وش بقى لنا نسوي مع مدرسين هالمرحله..

خفجاوي وآخر حبيب عطرتوا الصفحه بتواجدكم..

هلابك اخوي السكب 2008 منورني والله وأنتظرمنك المعلومات طيب..

السكب هلابك وشو حشيتوا ووشو قطعتوا بالرجال احنا نتكلم بمكان عام ومحنا خايفين منه لوه دخل وقرأ وياليت احد أذا يعرفه يقوله روح الرائديه شوف ريما وش كاتبه عنك وقبل ماانا أحش فيه على قولتك الجرايد كتبت عنه وهو اللي وصل نفسه لهالمكان بطريقته الهمجيه


شاكره تواجدكم

[سمح المحيا]

يعافيك ربي يا ريما الخفجي


وبالنسبه لموضوعك عن الضرب


صراحه توقعت ان الضرب بالمدارس انقرض وماعاد فيه ضرب مثل اول

<< شعنده الشايب

[ريما الخفجي]

منورني أخوي سمح ويعطيك ألف عافيه...

[حياتي جده]

الله يرحم أيام زمان والله ما ضاع مستقبل الواحد الا من مدرسين واخطر مرحله الابتدائي ومن هذا المكان الله ينعل مدرسين كانو في الأبتدائي الى يوم الدين بالفعل اخي الكريم هناك مدرسين والله العظيم لا يفقهون شي واكبر دليل عند الانتقال الى المرحله المتوسطه وجدنا معلمين على ارقى مستوى زحف صحيح كان فيه ضرب ولكن عندما يضربك معه حق لأن لا ندرس شي ويهتم لمصلحة الطالب وفي هذه المرحله الطالب يكون واعي ولكن المصيبه الكبيره الأبتدائي لا يفقه شي جاي يتعلم يبي يفهم أول ويش التعليم صغار اطفال وكم وكم من معلم كان جاهل مع الأسف زملاء لي الان معلمين والله نجلس نسولف عن ايام الأبتدائي يضحكون يقول كيف تخرج وصار معلم يجيك قال فك الكتاب واقراء طيب انت علمتني شي من الحروف أو القراءه ولكن لن نسامح احد منهم وهذا عن نفسي وهذا الكلام عام 1408 قديم تدريس زمان واضرب لكم بعض المعلمين......... وهناك مدرس علوم كان مقاول يخرج الطلاب برى المدرسه يقول يالله جمعوووا الخشب خخخخ مقاول ويش نسوي فيه والثاني مدرس رياضه يقول يالله تعالووووا نظف الملعب ومعلم دين كان يولع السجاره في حصة قران تخيل اقراء يا فلان مسكين كان ناشب لمصري يقراء القران في كل الحصص والمصيبه اخر السنه ناجح طيب عند الوصول الى مرحلة سادس و خامس والله معرف شي و المصيبه في المتوسط........................ وفيه مدرسين والله العظيم ندعي لهم بالخير لأن عرفنا قيمة الضرب مو يضربك لأن حاقد أو لشي لا حريص أن يكون مستواك وبكل فخر كانووا مدرسين صح ........................... مشكوره على موضوعك