أنتشلوا ورعاننا من هؤلاء المدرسين!!!

[مشاكسmbcرومنسى]

مرحبا الساع (( صاير اماراتى ))
وشلونكم ياعيال اخبار كم منيحين أتمنى من أن الموضوع هذا يثير شويه من أهتماتكم واسمحولى بذكر الاسماء من المدرسين والمدراء اللى درست تحت أدارتهم بسنه من السنوات....
أخوانى الرائديين أنا صار لى 7 سنوات متخرج من الثانويه الخفجى قسم علمى (( وش فيكم تضحكون لا وابشركم نسبتى 80 من قدى ودخلت كلية المعذبين قسم العاشقين وتخرجت منها رومنسى لاكن مشااكس ))
أخوانى درست الابتدائيه وكنت اتمنى من ان جميع المدرسين سعوديين تعودنا انهم طيبين ماتيسقطون ولا يدورون على الماده..
اخوانى موضوعى خااااااااص جدا عن المدرسين الاجانب اللى يدرسون ورعاننا ها اليومين مافى من يذكر عبد الوهاب مدرس الرياضيات كان يتدرب الكارتيه على خشش عيال عشيرق مافى الا قوة طق فيهم مدرى وش السبب مو حال الواجب راح يلعب كورة طيب عندك خصم باالعلامات ولا سامحه والله ياعيال الموقف لحد الان فى ذاكرتى حركات يطبقها بالكارتيه على الشباب طيب ليهع مايخافون ربهم وكنا نخاف نعلم ولى امرنا عن ذلك اتذكر الاستاذ عزت سطر واحد كف طراااااق والله صوته لحد الان يرن فى اذنى ولما جيت بالمتوسطه الشخص هذا كان يشتكى من اذنه والسبب (( حرام انه يكون بمدرستنا))

طلعنا للمتوسطه
كنت بهارون الرشيد من يتذكر الاستاد ربيع كانت عنده عصا مسميها عزيزه على اسم رقاصه بمصر وهات ياضرب نعد الثوانى والدقايق عشان تخلص حصته(( الله يذكر بالخير عبد العزيز المعيلى)) معانه كان عصبى لاكن اهون من ملاعين الجدف اللى زرعوا الخوف فى قلوبنا....
جينا الثانويه وهى اهم مرحله دراسيه

ابو عبد الله الاسمرى مايحتاج صيته مسموع ومعروف صحيح مجنن العرابجه لاكن كان قدوه لتلاميذ الملتزمين بس فيه حاجه مو حلوه تعرفونها أكيد(( لسانه))
مرة مسكنى وأنا كنت أدخن وحاط الزقاره بأصبع القلم عشان هو من عادته يشم الايد اليمنى وبغى يغمى على من الخوف تدرون وش قالى (( انت اذكى طالب مر على)) وشاف شعرى قال زين مانت؟؟؟
نرجع للمدرسين أول مره أسمع مدرس خصوصى مشت باول ثانوى جيت للعلمى

يجى يشرح شوى فهمت كان بها مافهمت عنك مافمهت واذا قلت له عدها يا أستاد يقول أنا مش شغال لعبه عندك يعنى افهما يبيك اذا طلع احجزه يدرسك خصوصى كلمه وبما انناظروفى الماديه ماتسمح احط مدرس خصوصى ولانى من عيال الشركه قاهرتنى عشيرق رسبت سنة وراحت من عمرى والله لونى حاط ان لا اجيب ممتاز متى اكتشفت الشئ هذا لما جيت ثالث ثانوى

ارجال اصروا على أبوى ان لازم أحط مدرسين على شان اجيب نسبه وكانت امنية بابا وماما ادخل شركه لاكن تجرى الرياح بما لاتشتهى السفن!!!
ياعينى على أحمد بدران ...قمحاوى ...مجدى الشركه.... ووووو الخ
والله ياعيال كنت اول ماصه اذا دخلت الصف وكل مايكتب السؤال اول طالب يحله أناانجنوا أنهبلوا سعود غريب راح فيها منى جننته محديصدق صاروا الفلسطينين والمصريين يتلزقون فينى؟؟
الشهاده والتقييم الشهرى كله ممتاز عرفتوا السبب أنى حاط مدرسين خصوصيين
وعرفت الفرق بين شرح المدرس بالفصل وشرحه لما انت جايبله شاهى منعنشه بالنعناع
ويدخن وماخذ راحته!!
ليه طيب مايعطى نفس الروح اللى يعطيها بالبيت وليه البعض منهم يبيع الاسئله وليه كله همه دروس خصوصيه حرام يرسبون العيال ويروحون يتمشون فى ربوع بلادهم ورعنا صار صايع ودشر بسبة المقيم هذا عكس السعودى وده ينجح هم كلهم عشان يدعون له أنه ينقلونه الى ديرته تلقاه من الجنوب ولا من الغربيه او.....
أعمارنا صارت تروح كله بسببهم وحرام فيهم ريال واحد من راتبهم الشهرى

زاله شئ يقهر ياعالم ياليت تصير كل مدرسنا سعوديين على الاقل عنده شوية ضمير عكس الاجنبى اللى كل همه أنه يروح بكمية فلوس ودعاوى أمهات تنتظر بفارغ صبرها متى ولدها ينجح ويتخرج....
الكثير من الشباب انحرفوا بسبب انهم أعدوا سنوات فى نتفس الفصل لا ونفس الطاوله اللى كاتب عليها ذكريات وكسرا ت وأبو شوق الشقاوى...
وأخيرا عيال فى اشياء نقصت على بالموضوع وانا طولت بالكتابه ولانى متعود على الكيبورد هذا لاكن ماأنكر ان فى بعض من الاهمل من بعض الطلاب لاكن مو كلهم نسبه قليله ..
ولاجانب يارب سترك من أسئلتهم اللى تجى با الامتحانات والله جايبنها من مراجع مو من مناهجنا...
لاتقولون انى كسول لا وربى لاكن حبيت اطلع شئ من قلبى مع أيام الامتحانات...



وتقبلوا تحياتى!!

[عبدالعزيز الجلعود]

مشاكس


والله انك بالحقيقه اثرت مو ضوووع غايه بألاهميه

وانا اعتقد ان 30%

من الشباب السعودي المنحرف أو الذكى ولا كمل

كله من سبب المدرسيت الأجانب اللي بعضهم ما يخاف الله ولا يرجيه

حتى لا نعمم عليهم

(((وكما يقول المثل كلمه لك وكلمه عليك))))

فيه بعضهم قدوه بمعنى الكلمه قدوه وكفؤ

ولكن مرت علينا سنين كما قلت عجااااااااف

ولكن عندما كبرنا وتو سعت مداركنا

عرفنا السبب أما انه الحقد الذي معميهم

أو المدام الله يسلمه منكده عليه عيشته

أو انه متزاعل مع سعودي ويبي يحط الحره في الطلاب

وهذا غيظ من فيض

ولقد سمعت من ثقاااات ثقاااااات

ان الدكاتره اللي في الجامعات لا يصححون الأجابات

بل على النيه شختك بختك

وحسب اسمك هل هو معروف لديه أم لا

والله أعلم

[ابتسـ ألم ـامة]

[glint]هـــلا وغـــلا

أخوي مشاكسmbcرومنسى [/glint]


ماذكرته في موضوعك من مشاكل التعليم

والفجوة الكبيرة بين الطالب والمدرس

والأسلوب الخاطئ في استخدام العقاب

وعدم حرص المدرس على توصيل المعلومة بشكل صحيح

والكثير الكثير مما تعانيه مسيرة التعليم

موجودة تلك المشاكل بكل مكان

ولا تقتصر على المدرس (( ابن البلد )) أو المدرس الوافد


ولا يمكن أن نعمم ذلك على جميع المدرسين

فهناك فئة أدت رسالتها بكل أمانة

والبعض يعتبر التدريس مهنة ينتظر نهاية الشهر ليأخذ معاشه


قضية شائكة لها أسبابها العديدة


الله يعين المدرسين والطلاب


أشكرك لهذا الطرح


وأتمنى التوفيق لطلابنا


خصوصا هذه الأيام فترة الإمتحانات النهائية


وهي أيام حرجة للجميع


دمت بود



كلمــات مــن ذهــب
كن دائم الإتصال مع ربك عن طريق
الذكر والصلاة

[أبو رائد]

الله يعطيك العافية


يا المشاكس ..


وتسلم على هذا الموضوع


ولكن .. والآن وبعد أن أصبح معظم المعلمين سعوديين


هل استفاد طلابنا .. هل نقول بأنهم أصبحوا الأفضل ؟؟


بالعكس .. أنا أشاهد بأن الطلاب يبحثون عن مدرسين خصوصيين

من المدارس الأهلية .. فقط لكي يتعلم في البيت ..

أما في المدرسة .. فهي للضحك .. واللعب .. وقضاء أمتع الأوقات

في التعليق على المعلم الفلاني .. أو على الطالب الفلاني ..



ولكن والحق يقال .. أشاهد كثير من الطلاب اهتمامهم كبير بدرساتهم

[مشاكسmbcرومنسى]

شكرا أخوانى على مروركم الكريم للموضوع واذا سمحتولى يتعليق بسيطللاستاد ابو رائد............................................




اخونا الكبير أبو رائدانا كنت أتكلم عن فترة ماضيه عشتها فى المدرسه وأعلم ان الان معظم المدرسين سعوديين وهذا شرف كبير لنا !!!
شكرا أبو رائد على توضيحكوتقبل تحياتى بكل عنف...

[Power Speak]

[grade="00008B FF6347 008000 4B0082"][align=center]السلام عليكم


موضوع غايه في الاهميه

لكن اختلف معاك يامشاكس في كل ماقلت

المدرس الاجنبي افضل وبكثير من المدرس السعودي اولا

المدرس السعودي حاليا كل الى تخرجو ماتخرجو حب في انهم يبنون جيل لا

دخلو كليه المعلمين عشان قله الوظايف وهاذ حال لسان اكثر المدرسين معا

احترامي للبقيه لكن والله ثم والله وين اول وين الحين وعلى فكره الطلاب لهم بعد

دور في الشي هاذ

انا من ناحيتي اقول العقاب ضروري في عمر مثل المتوسط ويجب ان يكون

المدرس صارم

يعني لو تعرف ان ابوعبدالله الله يستر عليه ويذكره بي الخير موب عصبي

كان خفت وفكرت انك تحط الدخان زي ماقلت ؟ طبعا لا كان دخنت ولا عليك في احد

في اذا من ناحيه العقاب العقااب ضروري وخاصه في هاذ الجيل جيل البلاستيشن

اما بي المقارنه معا المدرسين الاجانب والمدرسين السعودين؟

المدرس الاجنبي صح يحب الفلوس بس يعطيك علم في الحصه

المدرس السعودي سهران في الاستراحه الين الساعه 4 ويجي المدرسه سهران

الخبره في التدريس ؟ فيه فرق بين هاذ وهاذ الاجنبي لديه خبره اكثر

انا ما اقول مانعطيهم فرصه لكن نعطيهم ونعطي ناس كفو ان يعلمو اجيالا


بي العربي والكلام خاص لك يامشاكس عرابجه المدرسين وربي وربي عرابجه

ما ابي اذاكر اسامي لكن روح شوف مدرسه الشرق اذا انت تعرفها السنه الى طافت

مدرس طاب معا عيال يعرفهم على ناس ؟ بالله هاذ قدوه

مدرس شعره الين ركبته وهاذ كما وصلني والله اعلم ؟ هل هاذ قدوه

مدرس في القهوه اربع وعشرين ساعه ؟ هاذ قدوه وهاذ اذا هو مايعزم الطلاب على

القهوه

اجل مدرسه تقول لى الطلاب تعالو الى يبغى يدخن نسمح له ؟. بالله هاذي مدرسه

اجل سئوال قريته لى اخوي الصغير في الصف الخامس والله العظيم سوال

صف اول ثانوي ثاني ثانوي الاسئله طاخ طيخ والله بي الخير

السعودي مايخاف من الوزاره والرقابه وقطع رزقه صدقني وراه ظهر

لكن الاجنبي اتحداك يسمح لحد يطلع اتحداك يقول لى الطلاب طلعو اكلكم وكلو ومعاه

جريده الرياضيه في مدرسه ابتدائيه صارت ذي

ياولد فيه فرق كثير

الخبره والعمر له دور في التدريس
اجل عمره 24 مدرس؟ كيف تجي بالله اذا مايكون ذات خبره ومايقل عمره عن 28

يكون ناضج

والله العظيم انقذوهم من المدرسين السعودين

الاجانب لهم سيئات لكن اقل من السعوديان عيب الاحانب الفلوس ياخي ادفع

ادفع دم قلبي بس يطلع ولدي فاهم ؟ ادفع موب قصدي اختبارت وكذا

على العموم موضوع جميل واتوقع يكون لى عوده[/align][/grade]

[مشاكسmbcرومنسى]

اختلاف الراي لايفسد للود قضيه ياباور سبيك....
الموضوع قديم شوي كتبته قبل الأختبارات ؟؟



تدري ليه لاني تذكرت ايام تقهر وطفش أنت لاحظت أختلافي بين ثاني ثانوي وثالث ثانوي أقرى ماكتبته وش وش صار من عقب الهجولة ألي طالب فاهم ومجتهد!!!




على العموم كلامك صحيحعن اللي ذكرته لأنه واقعي بجد انا ماسمعت لاكن مصدقك ايباور سبيك وياليت بورائد يمر على الموضوع ثاني مرة عشان يعلق لأن له خيره في هذا المجال؟؟



يعطيط مليون عافيه على مرورك باور لاهنت يالغالي ألف مليون شكر<<<