[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
البارحـه مابيـن هـمٍ وغـربـال=كني كسير العظم من سـاع ملمـوم
تلعبـي الاوهـاام واصيـر رحـال=والعين قالت يحرم ان طبهـا النـوم
هم لفا من جال واهموم فـي جـال=ومن وين ما لدت عيوني ترى الحوم
تلاطمت الافكـار والرمـش همـال=علمي بنفسي يوم واصبحت في يوم
يالله يالـي عـلام بسـر لاحــوال=انك تزينها وتقضـي علـى الشـوم
الحول يقفى حـول والوضـع لازال=وماني على بعض السواليف ملـزوم
الـي يـدور حيلـة ٍ لجـل يحتـال=مهو بلاقي خيـر ويعيـش محـروم
ما كل هاوي يعشـق الخيـل خيـال=ولا كل من شاف البحر يقدر العـوم
عند الولي محسوبـةٍ كـل الاعمـال=وما صابنا ياكـود شـي ٍ ومقسـوم
قصر النوايا تجلب اذنـوب واهـوال=ومن عاش بلحيله لقا الغبن محزوم
واهل النويا الطيبه جمـل واجمـال=وراعي الجميله يشتري غالي السوم
الصدق درب ٍ لي ولو طال ثم طـال=ماني بمن يرضى ليا قيـل مهـزوم
ولاني بمن يدخل رجب جوف شـوال=ادرى على نفسي وابي قول محشوم
لي هاجس طيب وفالـه معـي فـال=اليا نخيتـه قـال تبشـر ومخـدوم
اشاوره واخذه معـه سجـة البـال=ويدلني درب السنع واطيـب اعلـوم
كنه يقندنـي مـن الكيـف فنجـال=في حزة يطرب له الـراس ويقـوم
والحمد لله مـا بعـد خيـب امـال=يالله علـى درب القـدا قـده ايـدوم
ياهاجسي هـات المعانـي ولامثـال=شفقٍ لها من شافني قـال محمـوم
ولاحدٍ بلايمنـي ليـا اوردة الاقـوال=والصمت بعض احيان ضالم ومضلوم
ضالم ليا منه رضى بعـض الافعـال=ومضلوم عن حقه ليا صار مكتـوم
من لا يحسـب للقبـر قبـل ينهـال=يبقى علـى حالـه ولاهمـه اللـوم
الناس ذا ولد ابـن عـم وذا خـال=مابين ممدوح ٍ ومـا بيـن منجـوم
العـد لـه وراد برجـال وحـبـال=والحرب له ميقاف بسلاح وسهـوم
في وقتنا الشـاوي تحـول لجمـال=وفي وقتنا ضاعوا عواريف واسلوم
ولا اقول كل الناس ذا الوقت عيـال=لازال فيه ارجـال وافيـن واقـروم
[/poem]
المواضيع المتشابهه
العرض العادي
