[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سلام الله على طيب النفوس وطيبة النيات=سلام الله على وجه الكريم وفلة حجاجه
سلام الله على طيب الفعول وطيّب الوقفات=سلام الله على سعد الرفيق وسعد منهاجه
سلام الله على عفّة لسانٍ تعشق الذربات=ولا تمّت جهدها من ورى الوافين هرّاجه
سلام الله على هيبة جنابٍ تكسب الطولات= على درب النّقا شفّلّها وتولع سراجه
يكفّينا نبا اللي علمهم ترفع له الرايات= عن اللي ما نبيهم مالنا في ذكرهم حاجه
عن ضعاف المواقف ننثني ونفضل الصدات= نحلّق في سماً عنها غيوم الشّك منباجه
ليا ادهشك التشابه واختلاف مقارنة لايات= سلام الله على طير النحل مرباه وانتاجه
سلام الله على الروض الخصيب وحزّة السجات=وعلى دارٍ تناظرها رقاب الشوق منعاجه
تحتّ اوراق غضّات الشّجر وغصونها حيّات=ترجّا صافي الما من طرف غيمه لهدّاجه
تحسد الطير لامنها تعاطت نغمة الهجرات=ترفرف باجنحتها من نحيل العود نفّاجه
تشتّي في مشاتيل الدفا بنهاية الرحلات=وترجع في مصيفٍ فوق نهر السند وامواجه
تصبّر ياشجر عمرك يسد ظروفك الصعبات=وخلّ الطير تمرح في قصير العمر سجاجه
يجيك الله بنوٍ فيه من طعم الحياة اثبات=يسقّي ضامي ارضك يغسل همومك بثجاجه
نقوله والقضا تدرج رحاته ضجةٍ وسكات=سنا لمعات برقه من ورى لافاق وهّاجه
وكم من راس ثلبٍ يحتري زولك بعض الاوقات= لفى شفقٍ عليك وقطّعت سكينك اوداجه
وكم خطوة حصانٍ فارقت حريّته لحظات=صهل وامضى حياته يستدير بداخل سياجه
كما صوت السجين اللي يردد بالندم ونّات=ورى بابٍ قطيبٍ دبّلوا قفله ومزلاجه
عسى ماني سواته وابتلي في غاوي الحزبات= منين آجيب صبرٍ واطرح اعصابي بثلاجه
وكم من راس مُلكٍ روّحتبه دورة المكرات=مَعَ تكرار حرصه لابقا عمره ولاتاجه
بقا طيف الزعيم اللي غدتبه موجة الشّدات=بدا ينثر عيوبه بين بغداده وقرطاجه
وكلٍ عدّ نفسه للزعامة والقلوب اشتات=تريّث لاتجيها يافتى واحلامك خداجه
تلاشت بهجة العهد القديم ركابها عجلات=وضاعت بهجة العهد الجديد وكِسرت ادراجه
مادام ان التناحر منتشر يُسقى بحب الذّات=على ضيمٍ قديمٍ ماحدٍ يوصفلك علاجه
فلا افضل من دليلٍ قمتبه من خيرة الطاعات=من اللي فرض في مسرى رسول الله ومعراجه
[/poem]
المواضيع المتشابهه
العرض العادي
