شيخة قصايد عنزه

[ابو ايمان]

بسم الله الرحمن الرحيم

هذي قصيده تسمى بشيخة قصايد عنزه لانها من افضل قصايد قبيلة عنزه

وفيها توضيح لحق الجار والفعل الطيب والكرم والشجاعه


وهي للشاعر مقحم النجدي الصقري العنزي


ياالله يامطلوب ياوالي الأقدار

أنت الذي مدات جودك لطيفه
أطلبك يامعبود عاون هل الكار

وتحل شطاتٍ عليهم كليفه
أللي مجالسهم بها بن وبهار

ونجرٍ يصوت للنشامى رجيفه
يامزنةٍ غرا من الوسم مبدار

اللي جذبنا من بعيدٍ رفيفه
تومر على كل المفالي بالأمطار

وتصبح بها ديران قومي مريفه
غب المطر فاحت بها ريح الأزهار

تخالف النوار مثل القطيفه
ترعى بها قطعاننا سر وجهار

ترعى زماليق الفياض النظيفه
في ضفة الله ثم جبرٍ وجبار

خيالةٍ يوم الملاقا عنيفه
ترعى بها وضحى من الذود معطار

غبوقة الخطار عجلٍ عطيفه
ويبني عليها بنية اللبن بجدار
عقب الضعف راحت ردومٍ منيفه
ماهي حكايا مسردٍ عقب مانار

اللي هرب وأطراف رمحه نظيفه
ان سوهجوا عنها قليلين الأبصار

من دونها نروي السيوف الرهيفة
والصبر مفتاح الفرج عند الأذكار

ومن لا صبر تصبح حواله كسيفه
خطو الولد مثل البليهي إلى ثار

زودٍ على حمله نقل حمل اليفه
وخطو الولد يبنش على موتة النار

مع العرب يشبه لخطو الهديفه
وإلى بخصته ماسوى ربع دينار

صفر على عودٍ تضبه كتيفه
وخطو الولد مثل النداوي إلى طار

صيده سمين ولا يصيد الضعيفه
إلا ومع ذلك لك الله لنا كار

عن جارنا ماقط نخفي الطريفه
ونرفا خماله رفية العش بالغار

ونودع له النفس القوية ضعيفه
ولا نبدي الخافي إلى صار ماصار

يفلج قصير البيت لو بان حيفه
والجار لابده مقفي عن الجار

وكل بجيرانه يعد الوصيفه
جارٍ على جاره بختري ونوار

وجارٍ على جاره صفاةٍ محيفه
نكرم سبال الضيف حق وتعبار

لامن ولد الاش شح برغيفه
ولابدها تصبح تواريخ وأذكار

وتبقى لدسمين الشوارب وظيفة



يقال ان عبدالله الرشيد تمنى ان كاتب هذي القصيده شمري

لانها فعلا شرف وهي شيخة القصايد فعلا


اخوكم عادل الشمري

[سامي الشمري]

[align=center]قصيدة يتفاخر بها الجميع ..!

و يستاهلون عيال وايل ..!

و جميع القبائل تتمنى أن تكون هذه القصائد من أحد شعرائها ..َ

يعطيك العافية يا أبو إيمان

[/align]

[ظنا وايل]

[mark=000000]ابو ايمان



سلمت يدك على ما طرحت


اجمل مافي الموضوع هو انت


صح لسان الشاعر





وصح لسانك





دمت برعاية الله[/mark]

[مطنوخ شمر]

أخوي عادل الله لا يهينك على القصيدة الرائعة وصح لسان قايلها وناقلها

[عشق الشمال]

تسلم على الموضوع

[ابو ايمان]

والله انا اللي اشكركم على حسن ردكم وروعة كلامكم وهذا شي مو غريب عليكم

اشكر البناخي سامي الشمري والله يعافيك ولا تقطعنا من ردودك اللي تعتبر خدمه للموضوع لانه تزيده جمال وروعه



وكل الاحترام والتقدير لظنا وايل ومثل ما قال اخوي سامي يستاهلون عيال وايل وهم بغنا عن اشادتنا

والشمس لا تحتاج دليل لوجودها فهي الشمس



وتحياتي لمطـنوخ شمر ولا تحرمنا من شوفتك

وكل التقدير للجميع

عادل الشمري

[شنكوتي]

يعطيك العافيه...

لاعدمناك...