[poem=font=",6,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الهاجس الي دائما ٍ يتعب الـراس=امضيقٍ صـدري ولا فيـه حيلـه
لاجيت برقد طق في راسي اجراس=اصواتها من كـل ديـره امهيلـه
ويشب نار ودق نجـرٍ ومحمـاس=واركا دلاله حـول جمـرٍ كليلـه
ويقول لا ترقد ترى الوضع حساس=البـن سويـتـه وزودة هيـلـه
ابيك في موضوع تطرب له الناس=وانتـه خبيـر وللمعانـي دليلـه
يا هاجسي حييت وابشر بنومـاس=العلم وصـل ومنعتـه مستحيلـه
اهل الجزيره سلمها جود والبـاس=والحفل لا يمكـن ينقـص بكيلـه
امعزب الضيفان من خوف يحتاس=ايدبـل الواجـب وعـذره قليلـه
حواشي وخرفان وتيوس كم راس=واصحونها ما جابهـا الا التريلـه
من ينشده عن كثرها قال لا باس=يقول به غـراف جاهـز يشيلـه
اطماعه انه من بعيدين الارمـاس=ويبغى العرب تثني بيـده جزيلـه
هذا ومن مثله وقع صيد وسـواس=مايدري انها عنـد ربـي ثقيلـه
يدري ليا من وقع براسه الفـاس=ويصارع الامـراض ليلـه بليلـه
ويدري بنفسه كان جاهل وهـلاس=ويرضى ليا من قيل لـه ياحليلـه
ياهاجسي بالعلم هذ اقطع اليـاس=الخير هـذا خايـفٍ مـن رحيلـه
بعد االغناء ياخوفتي شوف الافلاس=والعافيه ترحـل وتلفـي هزيلـه
[/poem]
المواضيع المتشابهه
العرض العادي
