حزن الصغير

[عبدالله المعزي]

بسم الله الرحمن الرحيم

اهداء لابناء الشهيد الرائد المظلي نايف البلوي رحمه الله




[poem=font=",6,darkblue,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
اه ياحزن الصغير اليا كسى وجهه ذهول = تذبل الضحكه بعينه مايميزها جهله
جوه بجموع الحزانا جمعهم عنده يهول = وجيه عاشت بالمصيبه والفرح ماتقبله
اه من حر الموادع خص ماتقدر تطول = حظن ابوك اللي تقفى في خضم المساله
الجباره والسطاره والشجاعه للزحول =والشهاده نوط عزاً حظ من هو حصله
يوم دنت للوغى حرب البغى بدق الطبول = وانكشف قبح القبيح وبالحديد نسربله
ماتوانى ماتاخر ماعرف معنى الخمول = الصعب من قوى باسه لو قسى يستسهله
نايف الرائد مظلي جعل روحه للقبول = وياعسى الجنه فراشه ياعساها مدهله
من لواء الامام فيصل ماتردد بالدخول = ودع الدار واهلها ماجلس في منزله
جاوب اللي من غلاها تسلب الباب العقول = الحرم فيها وحنا نرتوي من منهله
منبع الاسلام داري فيه من ريح الرسول = من نواها بشر يقنص نذبحه من مقتله
لو يطول الوقت نصمد درع بوجيه الخبول = والعدو ان كان صادق شاربه مايفتله
طنخة عيال الجزيره ماهوو ذات الحجول = وكم شهيداً راح منا للمخاطر يدهله
تحت امرك يابومتعب ياعمى عين العذول = بالجبل ننزل مظلي والبحور نقفله
نردع الحوثي عن ارضاً ماتدنسه العجول = وصك غفرانه من اللي علفه ثم تحله
تخسى الزمره الخبيثه ماتصول ولاتجول = والنصر من عند ربي والامور مسهله
واه ياحزن الصغير اليا كسى وجهه ذهول = يستفز الشاعر اللي به هجوساً مقبله
[/poem]

تحياتي

[أبو رائد]

عبدالله المعزي

شاعر كبير .. , وشاعر المواقف

مع كل حدث قصيدة قيمّة

صح لسانك .. والله يعطيك العافية

و رحم الله الشهيد

( الشاعر عبدالله العزي .. في إحدى المناسبات )

[عبدالله المعزي]

اقتباس المشاركة الأصلية كتبت بواسطة أبو رائد عبدالله المعزي شاعر كبير .. , وشاعر المواقف مع كل حدث قصيدة قيمّة صح لسانك .. والله يعطيك العافية و رحم الله الشهيد ( الشاعر عبدالله المعزي .. في إحدى المناسبات )

الاخ ابو رائد

بيض الله وجهك اخي الفاضل مرورك اعتز به ويشرفني

وشاكر اهتمامك ومتابعتك نايف البلوي يستاهل اكثر من قصيده

رحمه الله رحمتاً واسعه

وشكرا من القلب لك اخي الغالي على مجهودك وتنسيقك للقصيده


تحياتي

[سند مطر]

صح لسانك ولي عوده لك

ولكن لعيووووونك ياشيخ بثبت القصيده

[alra7aaal]

[align=center]
صح لسانك أخوي عبد الله المعزي ,,,

ونسأل الله أن يرحم الشهيد ويسكنه فسيح جناته ,,,

تحياتي لك ,,,
[/align]

[عبدالله المعزي]

اقتباس المشاركة الأصلية كتبت بواسطة alra7aaal [align=center] صح لسانك أخوي عبد الله المعزي ,,, ونسأل الله أن يرحم الشهيد ويسكنه فسيح جناته ,,, تحياتي لك ,,, [/align]

صح بدنك يالقرم

الله لايهينك مرور يشرفني

وتقبل الله دعاك وبارك فيك

تحياتي

[عبدالله المعزي]

اقتباس المشاركة الأصلية كتبت بواسطة سند مطر صح لسانك ولي عوده لك ولكن لعيووووونك ياشيخ بثبت القصيده

صح بدنك وتسلم عيونك ياسند

مرورك يسعدني بارك الله فيك

واهلا يعودتك ملايين

تحياتي

[رامى عقالة]

صح لسانك .. والله يعطيك العافية

[عبدالله المعزي]

اقتباس المشاركة الأصلية كتبت بواسطة رامى عقالة صح لسانك .. والله يعطيك العافية

صح بدنك والله يعافيك

تحياتي

[حنين]

الله يغفر له ويرحمه


وصح لسانك عبد الله على هالقصيده