في ذمتي ماعـاد باقـي رياجيـل

[الذهبي]

[align=center]في ذمتي ماعـاد باقـي رياجيـل
--------------------------------------------------------------------------------

هذي طبوعي كل ما عسعس الليل

أصلّـح الدلـة وأجـر اللحونـي

بريـةٍ موزونـة البـنّ والهيـل

والماء بوزن وحيّ هاك الوزونـي

منهـا تكيّفنـي ثلاثـة فناجـيـل

وأرتاح ويطير السهر من عيونـي

وأراجع الذكرى وأجـرّ المواويـل

والذكريـات بكـلّ شكـلٍ ولونـي

البعض منها يشرح الصدر بالحيل

والبعض لا والله يجـدد طعونـي

وأرجع وأفكّر في الليال المقابيـل

لعل وقتـي مـا يخيّـب ظنونـي

وأدخل على الله من حياة الغرابيل

حيث إن همّي ما تشيلـه متونـي

كنّك مفصّل فوقي الهـمّ تفصيـل

لين إلتبسني مثل لبـس الجنونـي

حالي كما حال القلوب المشاغيـل

اللي من أطرف شـيء يتأثّرونـي

لو يشتكون الغبن والجور والميـل

للغيظ وسط صدورهـم يكتمونـي

فكّرت الا الموضوع يحتاج تحليـل

وفنّ الدراسة واحدٍ مـن فنونـي

عرفت وش عكّر مزاج المشاكيـل

يوم إنهم مـن وقتهـم يشتكونـي

أول سبب: نقالـة القـال والقيـل

الطغمة اللـي جعلهـم يذهبونـي

قلوبهـم بالحقـد سـودٍ مغاليـل

ومن طبعهم بالمشكلـة يفرحونـي

وثاني سبب: ناسٍ على مثل ما قيل

لا يقطعـون الشّـر ولا ينفعونـي

والله ما يرفع ضغطك إلا المهابيـل

العالم اللي في النحـر ينشبونـي

وثالث سبب: ناسٍ سوات المخاييل

على سلوم الطّيب ما يحرصونـي

خلّو سلوم أجدادهم رغو مع سيـل

وفي عالم التقليد جـو يركضونـي

طشّوا عمايمهم ولبسـوا بناطيـل


والموس فال أشنابهـم والدقونـي

وأرقابهم ما سلمت من السلاسيـل


تطبّعـوا بطبـوع هيـم البطونـي

في ذمتي ماعـاد باقـي رياجيـل


إلا القليـل وجعلهـم يثبتـونـي

صفّة بعد صفّة وجيلٍ بعـد جيـل

كلٍ من اللي قبله أنقص وأدونـي

هذي هي الأسباب من دون تفصيل

شرحت روس أقلام بس أعذروني

واللي يبي تفصيل بالحيل بالحيـل

يقـدر يكلمنـي علـى تيلفونـي[/align]

[الجوووري]

هلآ وغلآ أخـوي الذهـبي

قصيدة رائعـة .. يعطيك العافية

وصح السانك يالغلآ

[MERIT]

الذهبي
صح لسانك ولسان قايلها
يعطيك العافيه على القصيده



تقبل خالص حبي

[نواف الفهاد]

في ذمتي ..
في ذمتي ..
في ذمتي ..
أنهــا .. قصيــــــــــدة .. غيـر !!

/
\

وفي ذمتي ..
أنك .. يـــــــــ الذهبي .. ذوق ..
وذهبي .. في القصيد .. !!

/
\

تســـــــلم يمينك ..
سلالالالام

[ماجد المري]

[align=center]الذهبي

لاهنت على هالقصيده ولا هان قايلها

بس الأكيد انك مميز في أختيارك وهذي قد قلتها لك مبطي وأنا والله صادق

الله لا يحرمنا تميزك يا الغالي

_-_ الخطــــر _-_[/align]

[عواد العنزي]

اقتباس وثالث سبب: ناسٍ سوات المخاييل على سلوم الطّيب ما يحرصونـي خلّو سلوم أجدادهم رغو مع سيـل وفي عالم التقليد جـو يركضونـي

الذهبي

هلا وغلا


قصيدة رائعه

كروعة حضوووووووووووووورك

الله لايهينك على النقل الرائع

وتواصلك الاروع

وتقبل مني كل الحب والاحتراااااااااااااااام

[الذهبي]

[align=center]هلا وغلا,,بالجميــــــــع

الجوري
\
\
\
merit
\
\
\
نواف الفهاد
\
\
\
الخطر
\
\
\
عواد العنزي
.............

مروركم...تــــــاج الرأس....وشــــاكرلكم..على هذا التشجيع..المحمس[/align]

[ابوليلى]

اخوي الغالي الذهبي




قصيده جميله ..... صح لسانك ....











مشكور اخوي الغالي الذهبي على هذه القصيده الرائعه ......

[الفارســـــه]

أصلّـح الدلـة وأجـر اللحونـي

بريـةٍ موزونـة البـنّ والهيـل

والماء بوزن وحيّ هاك الوزونـي

منهـا تكيّفنـي ثلاثـة فناجـيـل

وأرتاح ويطير السهر من عيونـي

وأراجع الذكرى وأجـرّ المواويـل

والذكريـات بكـلّ شكـلٍ ولونـي

وانا اشهد

يعطيك العافيه اخوي الشمالي على هالقصيده
سلمت يمينك

[ناقد فني]

في ذمـــــــــــــتي إنك رجـــــــــــــــــــــــال !!


\

/

\


بذمتي إنها قصيدة قوووووووووية ..........مشكور يأخوي .