[align=center]
[/align]
[align=center]هذي طبخه تصلح للي طالعين بر ولا عندهم لا قدور ولا حتى غاز عشان الطبخ 
[/align]
[align=center]في البدايه نشب الفحم <<< ولازم تكون كمية الفحم كبيــــرة ( < مو زي فحم هذيك الليله, حسبي الله على اللي في بالي 
) [/align]
[align=center]~~ المكونات ~~ [/align]
[align=center]- قصدير <<< من النوع القوي ماهو من النوع اللي ينشق بسرعه
- بصل + طماط + راسين ثوم
- ملح طعام
- بهارات مشكله
- ماء
- دجاج
- زبده <<< اصبع واحد كفايه
- خبز <<< هذا بعد ما تخلص الطبخه طبعاً [/align]
[align=center]~~ طريقة التحضير ~~ [/align]
[align=center]- نفتح القصدير ونلفه اربع لفات أو خمس, إلى ما نتأكد من سماكته << إنها قابله لتحمل حرارة النار
- نقطع البصل و الطماط على شكل حلقات ونطحن الثوم ونحطهم بصحن
- نقطع الدجاج و نحطه بالصحن مع الباقي
- نرش عليهم البهارات + الملح ونخلطهم تمام
- ناخذهم ونحطهم في القصدير اللي لفيناه زين, واللي خليناه على شكل صح يعني أطرافه تكون مرتفعه عشان ما ينكب شيء
- نقطع أصبع الزبده ونحطه على المكونات
- نضيف شوية مويه يعني نصف كاس تقريباً يكون كافي
- نلف القصدير من فوق أكثر من مره, ونقفله تمام التمام, ونتأكد من أنه غير مهوى ولو بمليمتر واحد
- في هذا الوقت يكون الفحم شب مضبوط
- نحفر حفرة تكون عميقه شوي, وحجمها أكبر من حجم القصدير بقليل
- نحط نص الفحم في الحفرة, ونحط القصدير اللي المفروض يكون على شكل مستطيل أو مربع فوق الفحم, ومن ثم نحط باقي الفحم فوق القصدير
- نخليه مدة ساعه تقريباً لين تطلع ريحة الطبخ زين
- بعد كذا نشيل الفحم اللي فوق, ونشيل بعده القصدير بحذر عشان ما ينشق
- نفتح القصدير من فوق وبحذر شديد عشان مايجي تراب ولا رماد على الأكل, وبعدها تدعون علي 
- بملعقة غرف نغرف اللي بالقصدير في صحن, ونحطه على السفره
- يؤكل مع خبز, أو رز أبيض على حسب الرغبه [/align]
[align=center]وبالهناء والشفاء إن شاء الله 
إحترامي [/align]
المواضيع المتشابهه
دجاج مقصدر <<< لا يفوتكم
العرض العادي
