[frame="2 70"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه عين الشقاوي فالسما قامت تخيل= نوب ً تطالع فالجدي نوب ً تطالع في سهيل
آفكار وآآمال وحلومً وضعها وضعً مهيل=تسمع لها مع دلقس الضلما وحيفً مع عويل
حان الوعد فالساعه أللي باخر الثلث الاخير=جتني هواجيس الضماير والمشاعر تستثير
وتسل مصقول النصاب اللي كره بطن الجفير=وتقول يامقعد نخيتك واسر والمسرى طويل
فزيت واقف لجلها قلت ابشري ثم أنتخيت=ماكنها الا نخوة ابن حميد والفارس بخيت
فزعه وريح النصر اشمه لن سرحت ولن ظويت=ساعة حسم تكشف بها قلب الشجيع من الذليل
عن واقعً مشئوم اباشرح مايدور وماحصل=وأمزق الكربون ابو تزوير واجيب الاصل
واشرح مسلسل والمسلسل ضاع به دور البطل=غلطة عمر للمخرج اللي حاول يجيب البديل
مات البطل والفلم باقي في نصوصه ماخلص=واللي يشوف الفلم يتشائم وقلبه ينقرص
يمسي بخير وعافيه لكن يصبح بالبرص=يقضي ماباقي من حياته ينتظر يوم الرحيل
وسبع البحور الهوج لآمنه نقص منها بحر=اكيد منها يشيب راس الطفل ويضيع الفكر
العيد يعرف من عصر والباقيات ادهى وامر=وأكبر دليل الاوله ياللي تدور للدليل
وليا رجع صوت الصدى في وحشة الليل المخيف=صوتً مخيف ونبرته تفرق وليفً من وليف
ذكرت منهو يحمي الميقاف ابوسيفً رهيف= نايف ولد جازي ونايف كنه السيف الصقيل
افتر دولاب الفلك واليوم ابي منك الفزوع=وانته من اللي تحمي الميقاف وتسوق الجموع
الذيب لآجر العواء لآتامنه واللبس دروع=ماعاد فالدعوى صبر لو قلتلي صبراً جميل
أليوم يانايف نبي نهرج وتهرج بالصحيح=اهرج معي واهرج معك وانته لك اللسانً فصيح
مآرتاح يانايف يالين الصين مع سوره يطيح=لآطاح سور الصين زان الكيف ويطيب العليل
وان كان ماتقدر يانايف في ثقيلات الحمول=ضا ع الامل وانته ماتقدر لاتصول ولاتجول
هذا الصحيح المعتبر تقول والا ماتقول=من ذل من حملً خفيف يموت من حملً ثقيل
الذل مانجى الحباري من مخاليب الحرار=شقر الحرار اللي مخالبها تخليها طيار
اخذ مالذ وطابلك مابه على الدنيا قرار=يفتر دولاب الفلك يرحل نهار يحل ليل
والشجره اللي ماخلق فيها غصون ولاظلال=لاصار مافيها ظلال وعز تبشر بالزوال
قدام لآتبقى محيطً للنقاش وللجدال=تجتث كل عروقها لاصار مافيها مقيل
والثانيه ببدي واقول اللي حصل واللي جرى=اشوفلي كمً وكمً جرح ينزف مابرى
عن ماحدث عيني ترى واقول عيني لم ترى=فالناقه اللي لاتجوع ولاتموت ولاتحيل
اديوسها (100) وتحلبها على وقت الطلب=والقوم تدعي ياعساها بالنحاز وبالجرب
فيها الهلاك المنتظر منها الدواء لبو لهب=في بطنها مات الكريم وعاش بالردف البخيل
عيالها (50)بالنفران تنفرهم سواء=والذيب مايسطي عليها رغم مفلاهم سواء
تارد على هداج واحيانً على عيون الجواء=ياهيلتي حيرانها ماحصلت منها حصيل
وان قلت وضح وسمها قلت ألك ياطيب الوسوم=اهلال من تحته نجوم ولاش من فوقه نجوم
واحذر تدقق فالوسم يمكن تطيح ولاتقوم=وان قلت هذا مستحيل اقول ماهو مستحيل
تشقابها نفسً وعينً مايداهمها المنام=ويذل منها اللي تحيّزم بالمشوّك والحزام
تمسي بعطر اهل الغرام وتصبح بعطر انتقاام=تحت الجديل المنتثر ياكم جريح وكم قتيل
اعطيت نبذه كامله يدريبها عقلً سليم=والرمز واضح وانت فاهم وافهم افهم يافهيم
عطني جوابك قبل أوردها على حوض الجحيم=واقبل تحياتي وعن كثر العلوم اخذ القليل
[/poem][/frame]
رد الشاعر نايف الثبيتي
[frame="2 70"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامرحباترحيب يامقعد من الوزن الثقيل=من قلب صافي لو يجور الوقت مايعرف يشيل
فنجال يارجال قبل العلم لازم ريح هيل=ونفند المعنى على مايسرالله مايميل
ياللي سريت الليل انا مثلك تعشيت وسريت=في ليلة غايب قمرها مدلهمه لابليت
اطى على راس الحنش من قو حري مادريت=الساتر الله والسلامه عند ستارن جليل
اثر الهجوس لياتولت واحدن عظمه هشاش=تلهيه عن رزقه ولا تغنيه عن طرد المعاش
مثل المزون اللي تقافا لارعود ولارشاش=غر السحاب يمر والوادي سنه عيا يسيل
انا درست الوضع بالتحليل من كل الجهات=لقيت شي يذبح الرجال قدام الممات
مافيه فرصه سانحه نلقا لراعيها نجاة=والموت اخير من الحياه اللي تحت كرعان فيل
المسرحيه كلها ياصاحبي من شكسبير=كاتب روايتها ومخرجها بعد واحد خطير
هي عالميه ترجموها وصرفو مال كثير=واللي لعب دور البطل واحد يسمونه عقيل
هذي روايتها قديمه من قبل عصر النبي=يوم التتارتصبح الاغريق تاخذهم سبي
ولو كان يوجد وقتها فوق البسيطه يعربي=سمعت خيل العز بالميدان واطربك الصهيل
والمسرحيه منتهت جزئين منها باقيه=يمكن يموت اللي على جنبه يجر الساقيه
ونشوف لمحه عن حياة اللي حياته راقيه=نبي نكملها سوى ياصحبي واجلس قليل
انادخلت الدور مير الدور فورلي دمي=هي صدق ولا كذب والتمثيل اشوفه محتمي
حنا سرقنا الوقت والهتنا ستار اكادمي=واللي يتابعها بعد هذي يعنك انه رزيل
اشوف مقعد فايرن دمه وينخاني نخي=اثره يشوف الحبل من يم المسامه مرتخي
لكن لجله روحي املكها ولجله تنسخي=مامن سبيل اتركك واقف بالخلا مامن سبيل
لكن انا بنشدك وانته لاتقول الا الصحيح=الناقه اللي شفتها تبرك على جال الضريح
ام اليتامى كيف ترعاها ومافيها منيح=وانا احسب ان الدر منها يرفعونه بالصميل
اناحسبت ديوسها لكن ماحصيت العدد=فيهامرض صاب المحالب كلبوها بالسدد
عين الحسود اللي رمتها ياعساها للرمد=مايذكرون الله عليها ناس اهل قالن وقيل
لومشرط الجراح شق الديس من يم الظهر=ويفك صرتها ويعصرها مع الصره عصر
ولا يحملها على القارب يوديها مصر=يمكن تطيب لياتدوات ثم يقفاها شعيل
وعيالها الخمسين صبرك لين يشتد الضحى=ياسرع ماصارو على جال الحصيره بالرحى
محدن معلفهم وراع البيت منهم ماستحى=شايف صغيرهم من الحاجه غدا جسمه نحيل
محدن لقاها غير ورعان العجوز الزانيه=لن جوزت واحد بعد يومين يطلب ثانيه
تاخذ طلبها لوبغت فالسوق بالمجانيه=كثرو زباينها وهي شمطا ومقصدها نبيل
قبل امس شايف عندها واحد ويخطب ودها=واحيان ينهرها وهي قدم العرب ماودها
مير الوكاد انه طلع وقرون راسه كدها =جيرانها شافوه طالع قال انا عابر سبيل
الحي في بطنه ثلاث اموات والرابع عور=واحد ظهر من خلف والثاني تعسر ماظهر
وش حلها وش حلها قدام يدخل بالقبر=وليا انقبر ماينسمع صوته ومن فوقه نثيل
الشمس لوتشرق من المشرق ليابانت تغيب=ياقرب مشرقها من المغرب وانا خبرك لبيب
ولياحصل ماتنفع التوبه لكن الله قريب=وانا عليه موكل امري مالنا غيره وكيل
اما البحور السبع راحت مابقي منها بحر=جتها السباع الغبر تال الليل من قبل الفجر
الله لايوقف صديق الخير في موقف عسر=وابشع وجيه الموت بالدنيا لاقيل فلان غيل
هذا هو الموجز يبو فصيل وناسف للقصور=لن كان قصرنا ببعض الخافيات من الامور
تسعين باب مقفله فكيتها ماهو غرور=وان كان شايف شي ثاني ماعلى الله مستحيل [/poem][/frame]
المواضيع المتشابهه
العرض الشجري