المرأة مخلوقة بطبعها حنونه وحساسه وبأستطاعتك كسبها
بكلمات جميلة.. ولكن عندما تجرحها تنقلب كل هذه الطيبه
وهنا توضح لنا الشاعرة ( شقاوية) كيف ترد المرأة عندما تحس
بالتجريح او الاهانة...
شنبك اللي تفاخربه ترى اللي جابته حرمه
تصيح تقول يا(حرمه)،تحسب إنك تعايرنـي!!
شنبك اللي تفاخربه..ترى اللي جابته حرمـه
تصدق كذبتك دايم ،، مبـادئ حيـل تقهرنـي
(نقص عقلك مع دينك)،،ترى مليت هالكلمـه
ياجاهل فتح عيونك..ياويلك لـو تصاغرنـي
غضب،،تهديد،،وإستلمّه..وسمّه ما تبي سمّه
أنا مليت من ظلمك يا(آدم) وش تصورنـي!!
أذا إني ناقصه بعينك،،وداعي منتهي الحكمـه
تراني ساكته بكيفـي ،، نصيحـه لاتفجرنـي
غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي
علي عكـسي تجي قاسي وكلن راضي بسلمـه
حسافه وقتي الفايت،،تذكّـر يـوم تِسهِرنـي
علي قولة انا عاشق وحبك صابنـي سهمّـه
تذكّر يوم لي تركض ،، تقول يازيـن آمرنـي
علي سنة رسول الله أشيـل الحمـل وآزمّـه
فرحت وقلت هذا اللي أبي في ظلّـه يسترنـي
اذا ضاقت بي الدنيا،، مسـح دمعاتـي بكمـه
ابي انسى به الدنيا وابـي بالحـب يشعرنـي
ابيه يكون لي فرحـه اذا زاد الزمـن همـه
لكن للاسف غلطـه وهـم كـذاب ساورنـي
جزاتي والثمن عمري..وقتلت بخافقي حلمه
المواضيع المتشابهه
العرض العادي
