السلام عليكم ورحمه الله وبركاته
اتشرف بالأنضمام الى هذا الركب الميمون
والراقــــــــــي ، وكل الشكــر للأخ / عيسى بن راكب
على الدعوه الكريمه وعسانا نفيد ونستفيــــــد ،
[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هلا كثر كره الشرق الأوسط لتل آبيب=وكثر ماكرهنا بوش مع توني بليره
وكثر ماتضامنا مع الشاعر بن الذيب=حميا لعروبتنا وفزعه على غيره
والا ياهجوسي لاطلبتك رجا لاتغيب=ابيك الصديق الوافي بشره وخيره
تعبت وجروح القلب ماظنتي بتطيب=وهاجس ضميري ماني بزابنن غيره
وألا ياإلهن عالمن سرها والغيب=رجيتك تصور واقعن صعب تصويره
انا لي ثمان سنين واكثر وانا مانيب=سوى شاعر ارباحه بذمة مخاسيره
زماني كذا ماهو طبيعي ولاهو عيب=كلامن اقوله يمكن يصير لي خيره
ترى وضعنا هالوقت وضعن يشق الجيب=ياكم مات منا كليب ماناشده زيره
هوانن وذل وملعنت خير وتعذيب=شهيد وشهيد وبس من هاذي السيره
ورى العم سام ومن شعيب ببطن شعيب=قنعنا بخرافاته وكذبه واساطيره
نعرفه كذوب ولكن السر فالقليب=نشوف الخطا ونروح له يالله الخيره
وشباب العروبه بس ياودهم ياجيب=على موضة اهل الغرب يبنو لهم ديره
ورى برتني نغني ونرقص لفديوكليب=شكيرا وناخذ لجلها الفين تعميره
وحفضنا نجوم الهوليود ونسينا عريب=لأنا صغار يجوز للعرب تصغيره
عريب ويخب وعودنا صار ماله طيب=لو الجمر سمر العود مازان تبخيره
مبادي تضيع وضايع الطب والطبيب=من الحفره نحول على الفين دحديره
ماباقي علينا غير نتقلد الصليب=وماباقي علينا غير ناكل خنازيره
عليك الف لعنه يازمان الغوى والخيب=وعليك الف رحمه يازمن وقت ابو هريره
وعليك الرجاء ياربنا والرجاء مايخيب=مادام العرب تهليلهم فاق تكبيره
ومادام ابو متعب سيدي بانوايب ذيب=تموت الحيايا الرقط داخل مجاحيره
وحنا سند ودروع من دون شك وريب=يقوم يتخير بيننا من صقاقيره
رجالن تعلمنا الضفر والكرم والطيب=وحكمنا النفوس بمحكم الله وبالسيره
ولاهمنا ترغيب من حاول الترهيب=شعارن لنا دايم ( لاعدوى ولاطيره )
وانا قلت ماعندي خطا قلت وإلا مصيب=بعضكم يبيه وبعضكم وده بغيره
حقيقه مريره مؤلمه مالها تكذيب=فلسطين مع لبنان وافغان كشميره
وعراق البطوله والفتوحات والترتيب=تبعثر ماكن الجار له حق بالجيره
وقولوا معي يالله ياربنا يامجيب=تسلط على امريكا عجايب اعاصيره
وتدمر لها الابن المدلل ويصبح غيب=من الخارطه يمسح وجوده وتأثيره
وهلا كثر كره الشرق الاوسط لتل آبيب= وكثر مالعن شارون مع بوش وبليره[/poem]
المواضيع المتشابهه
نحن والعــــم ســـــام فــ إلى متـــى ..... مصافحه اولى ....!!!
[/align]
العرض العادي
